„Zanter enger Rei Jore gëtt geplangt fir den Dikricher Härebierg iwwer eng Aart Brëtell un de Rond-point Fridhaff unzeschléissen. Dëst géif et der Kasär Grand-Duc Jean erlaben, fir en direkten Accès un d‘B7/A7 respektiv un d‘N7 ze kréien.
An deem Kader wollt ech dem Här Minister fir Mobilitéit an ëffentlech Aarbechten folgend Froe stellen:
- Ass et an Tëschenzäit méiglech gewiescht, fir all déi erfuerdert Terrainen, déi fir dës Verbindung gebraucht ginn, opzekafen?
- Kéint den Här Minister de geneeë Verlaf vun dëser geplangter Entlaaschtungsstrooss beschreiwen?
- Si bei der Realisatioun vun dësem Projet Kompensatiounsmoossnamen néideg? Wa jo, wat wieren dat fir Mesuren?“
