D’Laude vu Kiercheklacken

Klacke gehéieren ouni Zweiwel zum kulturelle Patrimoine vu Lëtzebuerg. A Frankräich gëtt et esouguer eng Initiative fir d'Laude vu Kiercheklacken als immaterielle Patrimoine klasséieren ze loossen. An deem Kader huet den Deputéierten André Bauler e puer Froen un d'Kulturministesch gestallt. A senger parlamentarescher Fro wëll hien ënnert anerem wëssen ob d'Madamm Ministesch wëlles hätt d'Laude vun de Kiercheklacken op nationalem Plang als immaterielle Patrimoine schützen ze loossen.

Déi eelste Klack vu Lëtzebuerg, datéiert aus dem Joer 1440, ass vun Uewerdonwen an 2016 fir d’lescht gelaut ginn. Klacke gehéieren ouni Zweiwel zum kulturelle Patrimoine vu Lëtzebuerg. Queesch duerch Europa an duerch eist Land gëtt et net nëmme Kiercheklacken. A ville Länner laude Klacken haut nach am Fall vu Gefor, vu Stuerm, vun engem Brand, fir national a weltwäit Trauer auszedrécken oder einfach nëmme fir d’Auerzäit unzekënnegen. 

An Däitschland ass d’Gloriosa (1497), déi an engem vun den Tierm vum Doum zu Erfurt hänkt, déi gréisste mëttelalterlech Klack op der Welt, déi fräi schwéngt an déi vun hirem Klang hir zu deene schéinsten an Europa gehéiert.

D’Laude vun de Klacken zu verschiddenen Dageszäiten, awer och am Ufank an eventuell och um Enn vun de reliéisen Déngschter oder einfach als Péis gehéiert zum gewinnte Klangraum vun eisen Uertschaften, besonnesch am ländleche Raum.

A Frankräich gëtt et eng Initiativ, déi ënner anerem drop rausleeft fir d’Laude vun de Kiercheklacken als immaterielle Patrimoine klasséieren ze loossen an en op d’Lëscht vun der Unesco setzen ze loossen. Sou wäit muss ee vläicht net direkt goen, ma et wier awer gutt, wann ee mol fir d’éischt en nationale Klassement kéint virgesinn. 

An deem Kontext wollt ech der Madamm Kulturministesch folgend Froe stellen: 

  1. Gëtt et e geneeë Regëster an deem all historesch relevant Klacke vum Land repertoriéiert a beschriwwe sinn?
  2. Wéi vill Klacken si mëttlerweil als Deel vun eisem kulturelle Patrimoine geschützt? Wéi vill sollen der nach geschützt ginn – zemol wa Kierchen desakraliséiert ginn?  
  3. Gräift de Kulturministere op de Rot vun Experten aus dem Ausland zréck fir historesch Klacken zu Lëtzebuerg schützen ze loossen?
  4. Huet d’Madamm Ministesch wëlles d’Laude vun de Kiercheklacken op nationalem Plang als immaterielle Patrimoine vu Lëtzebuerg schützen ze loossen?“

Äntwert

Den Deputéierten André Bauler krut vun der Madamm Kulturministesch geäntwert, d’Klacke géifen ëmmer automatesch mam Gebai geschützt ginn. Esou wieren zu Lëtzebuerg am Moment d’Klacke vun 216 Kierchen a Kapellen national protegéiert. D’Lauden entsprécht der UNESCO-Definitioun vum immaterielle Kulturierwen (IKI). Fir an den nationalen Inventar vum IKI ze kommen, muss eng Ufro vun den Trägergemeinschafte gemaach ginn. Dat bedeit awer net, datt se musse gelaut ginn. D’Laude vun de Kiercheklacken huet ee soziokulturelle Wäert a gëtt de Léit ee Gefill vun Identitéit a Respekt vun der kultureller Villfältegkeet, esou d’Sam Tanson.

Dir wëllt dës parlamentaresch Fro op Lëtzebuergesch iwwersat kréien?

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider parlamentaresch Froen

Wéini gëtt de Clierfer Lycée vergréissert?

Dem DP-Deputéierten André Bauler ass zu Ouere komm, dass déi aktuell Capacitéite vum Clierfer Lycée net duer géife goen, wat ë.a. d’Klassesäll betrëfft an dowéinst zum Deel am Gank Cours gehal misst ginn. Hien huet dowéinst beim zoustännege Minister nogefrot, wou d’Pläng fir eng Vergréisserung vum Lycée dru sinn, a wat kuerzfristeg ënnerholl ka ginn, fir de Problem ze léisen.

weiderliesen...

Gëtt et d’marmoréiert Bamwanz schonn zu Lëtzebuerg? 

D’marmoréiert Bamwanz ass en invasiivt Insekt aus Asien wat de Wënzer, Uebst- a Geméisgäertner vill Kappzerbrieches mécht. Dës Käffere kënnen effektiv ganz grouss Schied an de Wéngerten, Bongerten oder Geméisgäert uriichten. D’DP-Deputéiert André Bauler a Gusty Graas hu bei den zoustänneg Ministeren nogefrot, ob dës Käfferen sech och schonn zu Lëtzebuerg breet gemaach hunn an ob scho Schied an de Kulture constatéiert goufen.

weiderliesen...

Aktuell Rechter vum Bannhidder

De Bannhidder ass nierft dem Agent Municipal ënnert anerem dofir zoustänneg fir d’Anhale vun de jeeweilege Policereglementer an de Gemengen ze kontrolléieren. D’DP Deputéiert Claude Lamberty a Max Hahn hu bei den zoustänneg Ministeren déi aktuell Rechter vun de Bannhidder nogefrot.

weiderliesen...

Wéi eng Ënnerstëtzung fir déi verfollegt Hazara Minoritéit an Afghanistan?

Laut enger Enquête vum BBC gëtt d’Hazara Minoritéit erëm vun den Taliban am Afghanistan verfollegt. Honnerte vu Leit ginn aus hiren Haiser verdriwwen ënner dem Virwand datt se illegal do wunnen. Eisen Deputéierten Gusty Graas huet den Ausseministère gefrot ob hei Interventiounen geplangt sinn fir dëser Gemeinschaft ze hëllefen a wat d’Positioun vun der Taliban Regierung bannent de Vereenten Natioune wäert sinn.

weiderliesen...