Stëmmt et, datt d’Weelzer Klinick an eng Dagesklinick ëmgewandelt gëtt?

Parlamentaresch Froen
| 10. March 2022

Gesondheet a Rettungswiesen

André Bauler

Dem DP-Deputéierten André Bauler ass zu Ouere komm, datt d’Klinick zu Wolz an eng Dagesklinick ëmgewandelt soll ginn. An enger parlamentarescher Fro, wollt den Norddeputéierten dowéinst vun der Gesondheetsministesch wëssen, wéi d’Konzept vun dëser Dagesklinick soll ausgesinn, wat dat fir den Urgencendéngscht vun der Weelzer Klinick bedeit an ob dat een Impakt op den Ettelbrécker Site vum Centre Hospitalier du Nord wäert hunn.

Fro

„Am Norde vum Land assuréieren just zwee Sitten vum Centre Hospitalier du Nord d’Gesondheetsversuergung vun de Bierger. Elo ass mir zu Ouere komm, datt d’Klinick zu Wolz an eng Dagesklinick soll ëmgewandelt ginn.

Dofir wollt ech der Madamm Gesondheetsministesch folgend Froe stellen:

Ass d’Madamm Ministesch informéiert iwwer d’Ännerungen, déi d’Weelzer Klinick solle betreffen? Wa jo, wéi soll d’Konzept vun esou enger Dagesklinick ausgesinn?
Wat géif d’Schafung vun enger Dagesklinick fir den Urgencendéngscht an der Weelzer Klinick bedeiten? Wäert dee weider oprecht erhale kënne ginn?
Wéi gesäit d’Madamm Minister d’Zukunft vun der Weelzer Klinick? Wat muss ënnerholl ginn fir datt dee beschtméiglechen Zerwiss um Klinickstanduert Wolz am Déngscht vun de Patienten aus dem ländleche Raum garantéiert ka bleiwen?
Wéi een Impakt wäert d’Ëmwandlung vun der Weelzer Klinick an eng Dagesklinick op den Ettelbrécker Site vum Centre Hospitalier du Nord hunn?“

Äntwert

Ass d’Madamm Ministesch informéiert iwwer d’Ännerungen, déi d’Weelzer Klinick solle betreffen? Wa jo, wéi soll d’Konzept vun esou enger Dagesklinick ausgesinn?

Den Gesondheetsministère huet keng Informatiounen iwwert Aennerungen am Bezuch op d‘Fro vum honorablen Deputéierten. Wann Aennerungen géifen kommen missten déi am Rahmen vum Spidolsgesetz an den Autorisatiounen vun den Services hospitaliers ugefrot gin an autoriséiert gin.

Am Senn vun engem effizienten Bedreiwen vun den stationären Better am Bereich Chirurgie ass um Site Wolz niewend dem Hôpital de jour mat 10 Plazen d’Unité stationnaire vun Méindes bis Freides op.

Wat géif d’Schafung vun enger Dagesklinick fir den Urgencendéngscht an der Weelzer Klinick bedeiten? Wäert dee weider oprecht erhale kënne ginn?

D’Poliklinik um site Wolz ass all Dag vun 7 bis 19h, och Weekend an Feierdeeg, fir ambulant Patienten op.

Wéi gesäit d’Madamm Minister d’Zukunft vun der Weelzer Klinick? Wat muss ënnerholl ginn fir datt dee beschtméiglechen Zerwiss um Klinickstanduert Wolz am Déngscht vun de Patienten aus dem ländleche Raum garantéiert ka bleiwen?

Am Senn vun enger optimaler medizinescher Versuergung vun der Bevölkerung ass et dem Gesondheetsminister wichteg dass d’Verdeelung vun den Servicer um Site Ettelbreck an Site Wolz effizient organiséiert ass an dass d’Komplementaritéit teschend den zwee Servicer souwuel am Senn vun der Secherheet vum Patient wéi och der Organisation vun der Prise en charge médicale an soignante beschtméiglech réaliséiert gett.

Wéi een Impakt wäert d’Ëmwandlung vun der Weelzer Klinick an eng Dagesklinick op den Ettelbrécker Site vum Centre Hospitalier du Nord hunn?“ Wéi an der Fro 1 beschriwwen ass dem Gesondheetsminister keen Projet an deem Senn ennerbreet gin.

Dir wëllt dës parlamentaresch Fro op Lëtzebuergesch iwwersat kréien?

Deelen:

Weider parlamentaresch Froen

Wéi laang ass d’Waardezäit an der « Travel Clinic » ?

Bei Reesen a méi tropesch Regioune kann een sech an der “Travel Clinic” vum CHL beroden a géint verschidde Krankheeten impfe loossen. D’Waardezäiten an dëser Klinick sollen den Ament awer nawell laang sinn.
D’DP-Deputéiert Dr Gérard Schockmel a Gilles Baum hu bei der Gesondheetsministesch nogefrot, wéi vill Patienten an de leschten 10 Joer an der “Travel Clinic” empfaange goufen, wéi d’Waardezäiten sech an dëser Period entwéckelt hunn an ob et net sënnvoll wier online ee Rendez-vous huelen ze kënnen, esouwéi dat fir vill aner Servicer vum CHL méiglech ass.

weiderliesen...

Wéi kann een de Beruff vum Aide-soignant revaloriséieren ?

De Manktem u Fleegepersonal gehéiert zu de gréissten Erausfuerderunge vun dëser Regierung. D’DP-Deputéiert André Bauler a Gilles Baum wollten an deem Kontext vun der Gesondheetsministesch ënnert anerem wëssen, wéi vill Aides-soignanten aktuell am Land schaffen, wéi vill de Beruff an de leschte Jore gewiesselt hunn a wéi eng Mesüren d’Regierung ze huele gedenkt fir de Beruff nees méi attraktiv ze maachen.

weiderliesen...

Medezinesch Transferten an d’Ausland

Zënter dem 1. Juni 2025 mussen d’Dokteren en neie Formulaire ausfëllen, wann si ee Patient fir Soinen an d’Ausland schécke wëllen. Den Dokter muss elo obligatoresch uginn, ob d’Prestatiounen zu Lëtzebuerg an engem “akzeptabelen Delai” ugebuede kënne ginn, oder net. Kräizt den Dokter un, datt d’Prestatiounen eigentlech och zu Lëtzebuerg ugebuede kéinte ginn, da gëtt d’Demande fir den Transfert automatesch refuséiert.
Den DP-Deputéierten Dr Gérard Schockmel huet bei der Gesondheetsministesch nogefrot, ob déi reng Reduzéierung op den “akzeptabelen Delai”, ouni d’Qualitéit vun de Soinen ze berécksiichtegen, net zu onberechtegte Refuse féiere kéint, an den neie Formulaire Dokteren net dozou zwénge kéint falsch Deklaratiounen ze maache fir hirem Patient déi beschtméiglechst Soinen ze garantéieren.

weiderliesen...

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...