André Bauler

Talent attraction zu Lëtzebuerg

Déi lescht Zäit war net einfach. Eis grondleeënd Fräiheeten hu missen am Kader vun der Pandemie-Bekämpfung deelweis begrenzt ginn. Momentan setzt d’Energie-Kris eiser Kafkraaft staark zou.

Eise Wuelstand ass leider keng Selbstverständlechkeet.

Jo, d’Hëllefspäck vun der Regierung hunn d’Leit, d’Betriber an d’Independanten entlaascht. Eise Sozialstaat gouf spierbar gestäerkt an eis Betriber kruten eng wichteg finanziell Stäip. Dës Moossname kaschten de Staat 5,5 Milliarden Euro.

Et ass wichteg, fir sech bewosst ze ginn, dass eise Wuelstand net vun ongeféier kënnt. Éier de Kuch ka verdeelt ginn, muss en nämlech emol fir d‘éischt gebak ginn. Et sinn d’Biergerinnen a Bierger vun dësem Land, an awer och d‘Grenzgänger, déi an engem Betrib, am ëffëntlechen Dëngscht, oder selbstänneg schaffen; déi e Méiwäert schafen an domat eise Wuelstand sécheren.

Lëtzebuerg muss an deem Sënn weider attraktiv bleiwen, fir Talenter unzezéien. Mir stinn nämlech an direkter Konkurrenz mam Ausland. Sou ass Lëtzebuerg rezent am IMD Welt-Talent-Rapport ëm véier Plaze gefall.

D’Attraktioun vun Talenter ass besonnesch wichteg, fir eis Finanzplaz weider z’entwécklen a fir de Kuch, dee mer verdeele kënnen, méi grouss ze maachen.  

Well mer dat leng net schëllere kënnen, musse mir verstäerkt Leit op Lëtzebuerg kréien, déi effektiv duerch hire Know-How an hiren Innovatiounsgeescht d’Finanzplaz no vir bréngen. Leit, déi deementspriechend bezuelt ginn, an och deementspriechend Steiere bezuelen.

D’Finanzplaz ass awer do nëmmen eeBeispill. Och a villen anere Beräicher brauche mir  qualifizéiert a kompetent Aarbechtskräften. Sief dat an der Medezin, am Handwierk, an der Industrie oder generell am Déngschtleeschtungssekteur. D’Politik muss dat néidegt Ëmfeld schafen, fir dës Leit verstäerkt op Lëtzebuerg unzezéien. Well et sinn déi schaffend Leit, déi d’Fundament vun eisem Wuelstand a vun eisem Sozialstaat ausmaachen. Dat sollte mir, iert mir verdeelen, net aus den Ae verléieren. An deem Sënn wënschen ech iech alleguer e glécklecht a gesond neit Joer 2023.

Deelen:

Facebook
Twitter
LinkedIn
Email
WhatsApp

Weider News

Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...
Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...

Coordinateur sportif an eise Gemengen

Divers Gemengen uechtert Land hunn a rezenter Vergaangenheet mam Staat Konventioune betreffend dem Coordinateur sportif ënnerschriwwen. An dem Kontext, hunn DP-Deputéiert Claude Lamberty a Gusty Graas beim Sportminister nogefrot wéi et mam Coordinateur sportif an de Gemenge weidergeet.

weiderliesen...