Wéi ass d’Entwécklung vun de Fleeschpräisser?

De Präis vu ville Fleeschzorten ass an de leschte Woche staark geklommen. D'DP-Deputéiert André Bauler a Gusty Graas wëlle vum Landwirtschaftsminister wëssen, wéi dës Entwécklung konkret war, wie vun dësen Hausse profitéiert a wat fir e Roll d'Ukrainkris spillt

„De Präis vun eenzelne Fleeschzorten ass an de leschte Woche staark geklommen.

An deem Kader wollte mir dem Här Minister fir Landwirtschaft, Wäibau a ländlech Entwécklung folgend Froe stellen:

  1. Kann den Här Minister eis d‘Entwécklung vun de Fleeschpräisser zanter Oktober 2021 retracéieren? 
  2.  Sollten d‘Präisser staark geklomme sinn, wee profitéiert a wat fir engem Mooss vun dësen Haussen? 
  3. Explizéiert d‘Ukrainkris aleng firwat dës Präisser geklomme sinn?“

Äntwert

1) Kann den Här Minister eis d‘Entwécklung vun de Fleeschpräisser zanter Oktober 2021 retracéieren?

Am lëtzebuerger Verbraucherpräisindex (indice des prix à la consommation national – IPCN) sinn d’Liewensmëttel mat 11.4% ee wichtegen Deel. Am sougenannte Wuerekuerf, deem seng Präisser suivéiert ginn, sinn och verschidden Zorte Fleesch integréiert, sou dass et méiglech ass, d’Evolutioun vun deene Produkter vu Mount zu Mount ze retracéieren.

Vun Oktober 2021 bis Mäerz 2022 sinn d’Präisser vun de Liewensmëttel am allgemengen ëm 3.4% geklommen. D’Präisser fir Fleesch sinn an deem Zäitraum ëm 4.1% geklommen. Am Wuerekuerf gëtt et och eng detailléiert Ënnerdeelung vun de verschiddene Fleeschzorten, do stellt een déi stäerkste Präishausse fir d’Schofs- a Geessefleesch fest mat iwwer 9%. Präisser fir Rëndsfleesch a Kalleffleesch sinn an de 5 Méint tëschent Oktober 2021 a Mäerz 2022 ëm 4.4% geklommen, an déi fir Schwéngefleesch ëm 2.8%.

Grafik 1: Entwécklung vun de Verbraucherpräisser zu Lëtzebuerg

Source: STATEC

2) Sollten d‘Präisser staark geklomme sinn, wie profitéiert a wat fir engem Mooss vun dësen Haussen?

D’Marge vun de verschiddene Produzenten an Distributeure ginn am Verbraucherpräisindex net observéiert. Et kann een awer dervun ausgoen, datt de Käschtendrock sech vergréissert huet, zum Beispill wéinst méi héijen Energie-, Fudder- a Verpakungspräisser.

Um Niveau vun de Schluechtpräisser sinn zu Lëtzebuerg zanter Enn 2021 verschidde Steigerungen ze verzeechnen (cf. Grafik 2).

Grafik 2: Entwécklung vun de Schluechtpräisser zu Lëtzebuerg

De Krich an der Ukrain ass de 24. Februar ausgebrach, zu engem Zäitpunkt, wou d’Kollekte vum Verbraucherpräisindex fir de Mount Februar schonn ofgeschloss war. Ee méiglechen Impakt vun der Ukrainkris ass also fréistens an den Zuele vum IPCN vum Mäerz 2022 ze gesinn. Vu Februar op Mäerz ass d’Fleesch am Verbraucherpräisindex ëm 2.1% geklommen.

Am Mäerz ass de Weltmaartpräis vum Fleesch laut der Food and Agriculture Organization of the United Nations (FAO) ëm bal 5% am Verglach zu Februar geklommen. Als Grond gëtt eng limitéiert Offer fir Rand-, Gefligel- a Schwéngefleesch  bei enger staarker Nofro[1] genannt.

3) Explizéiert d‘Ukrainkris eleng, firwat dës Präisser geklomme sinn?“

Präisser bei de Liewensmëttel gi wéi bei alle veraarbechte Produkter engersäits duerch d’Zesummespill vun der Offer an der Demande vum Produit selwer bestëmmt an anerersäits duerch d’Hierstellungskäschte vun de Produkter. Aus der Entwécklung vun de Quantitéiten u geschluechte Karkasse léist sech d‘Aktivitéit an de Schluechthaiser am ausgewielten Zäitraum novollzéien, an do gesi mir däitlech, datt vum Oktober iwwer de Joreswiessel bis Enn Mäerz quasi eng konstant Aktivitéit stattfonnt huet (cf. Grafik 3). Wa mir dervun ausginn, datt genuch Fleesch fir d’Weiderveraarbechtung do war, dann ass dervun auszegoen, datt d’Ukrainkris mat hire staarken Auswierkungen op e.a. d’Energiepräisser sécher e groussen Deel vun der Hausse ausmécht. Eng kloer Ausso, op et eleng doduerch ze erklären ass, léist sech awer net sécher maachen.

Grafik 3: Entwécklung vun de Schluechtmengen zu Lëtzebuerg no Kategorien (logarithmesch Axe)


[1] Cf. https://www.fao.org/worldfoodsituation/foodpricesindex/en/

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéini gi Gesondheetsbilanë beim Hausdokter agefouert ?

De Koalitiounsaccord vun der Regierung gesäit d’Aféierung vu reegelméissege Gesondheetsbilanen ab 30 Joer vir. D’DP-Deputéiert André Bauler a Carole Hartmann hu bei der Gesondheetsministesch nogefrot wéi wäit d’Ëmsetzung vun dëser Initiative ass, ob spezifesch Formatioune fir d’Dokteren en place gesat wäerte ginn, an ob an deem Kader den DSP genotzt wäert ginn.

weiderliesen...

MILA Nofolleger

An der Sëtzung vun der Schoulkommissioun vum 17. Juni 2025 gouf ugekënnegt, datt d’Alphabetiséierungsprogramm MILA ausgeet an duerch e neie Schoulprogramm ersat gëtt. Nëmmen nach ronn 20 % vun de Kanner schaffen domat, an ëmmer méi Enseignanten setzen op aner Léiermëttel. Eis Deputéiert Gilles Baum a Barbara Agostino froen de Bildungsminister no den Haaptneierungen am neie Programm, senger Aféierung an de geplangte Formatiounscoursen fir d’Enseignanten.

weiderliesen...

D’Kooperatioun tëscht dem LNS an de private Laboratoiren an d’Automatisatioun am LNS

D’Analyse vu Biopsien spillt eng entscheedend Roll beim Erkennen vu schwéiere Krankheeten wéi dem Kriibs. Trotz Verbesserunge bleiwen d’Waardezäiten am LNS héich, besonnesch an der Onkologie, Gynäkologie an Dermatologie – eng psychologesch Belaaschtung fir Patienten. Eid Deputéiert Mandy Minella an Dr. Gérard Schockmel froen d’Gesondheetsministesch, wéi eng Schrëtt fir méi Automatisatioun, Digitaliséierung a méiglech Zesummenaarbechte mat privaten Laboratoiren virgesi sinn.

weiderliesen...

Administrativ Belaaschtung am Grondschoulunterrecht

Trotz der Vereinfachung vun der administrativer Aarbescht an de Grondschoulen duerch de Bildungsministère, gëtt vu Gewerkschafte betount, datt d’Bürokratie fir d’Enseignanten éischter zougeholl hätt. Wéi gesäit d’Realitéit aus, a wéi kann d’kënschtlech Intelligenz hei eng Roll spillen? Eng parlamentaresch Fro vun eisen Deputéierten Gilles Baum a Barbara Agostino sicht no Äntwerten.

weiderliesen...