Wéini gëtt déi al N7 tëscht dem Këppenhaff an dem Fridhaff frësch gemaach?

Well déi al N7 tëscht dem Këppenhaff an dem Fridhaff an engem schlechten Zoustand ass, huet den DP-Deputéierten André Bauler nogefrot, wéini dëse Streckenofschnëtt frësch gemaach gëtt.

Déi al N7 tëscht dem Këppenhaff an dem Fridhaff ass an engem äusserst bedauerlechen Zoustand an deelweis kaum nach ze befueren. Dëse Streckenofschnëtt ass also net méi gutt accessibel fir d‘Proprietairë vun de Wisen a Bëscher, déi laanscht dës fréier Strooss leien.

An deem Kader wollt ech dem Här Minister fir Mobilitéit an ëffentlech Aarbechten folgend Froe stellen:

  • Ass geplangt fir dëse Streckenofschnëtt ze erneieren?
  • Ass virgesinn dëse Streckenofschnëtt an Zukunft ze notzen am Fall wou op der N7 geschafft gëtt oder en Akzident ass, dat net séier geraumt ka ginn?
  • Wéi vill aner Streckenofschnëtter laanscht d‘N7 sinn de Moment an engem schlechten Zoustand a misste sanéiert ginn fir och als Spadséierwee, als Picnic-Plaz oder einfach als Noutstrooss am Fall vun Aarbechten an Akzidenter genotzt ze ginn?“

Äntwert

Ass geplangt fir dëse Streckenofschnëtt ze ernéieren?

Et ass geplangt dëse Streckenofschnëtt am Kader vun der Sécurisatioun vun der Nationalstrooss (N7) ze erneieren. Dësen Ofschnëtt gëtt uschléissend als national Vëlospist (PC7) benotzt.

Ass virgesinn dëse Streckenofschnëtt an Zukunft ze notzen am Fall wou op der N7 geschafft gëtt oder en Akzident ass, dat net séier geraumt ka ginn?

Wéi an der éischter Fro well duergeluecht ginn ass, ass et geplangt dësen Ofschnëtt als Vëlospist ze notzen. Sollt et awer zu engem Ongléck op dëser Plaz kommen, kéint een sech awer virstellen och den Autostrafic iwwert dësen Ofschnëtt ze deviéieren.

Wéi vill aner Streckenofschnëtter laanscht d’N7 sinn de Moment an engem schlechten Zoustand a misste sanéiert ginn fir och als Spadséierwee, als Picnic-Plaz oder einfach als Noutstrooss am Fall vun Aarbechten an Akzidenter genotzt ze ginn?

Déi meecht aner Streckenofschnëtter laanscht d’N7, déi an engem änlechen Zoustand sinn, wäerte spéiderhin am Kader vun der Sécurisatioun vun der N7 Bestanddeel vun der neier nationaler Vëlospist (PC7) ginn.

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéini gi Gesondheetsbilanë beim Hausdokter agefouert ?

De Koalitiounsaccord vun der Regierung gesäit d’Aféierung vu reegelméissege Gesondheetsbilanen ab 30 Joer vir. D’DP-Deputéiert André Bauler a Carole Hartmann hu bei der Gesondheetsministesch nogefrot wéi wäit d’Ëmsetzung vun dëser Initiative ass, ob spezifesch Formatioune fir d’Dokteren en place gesat wäerte ginn, an ob an deem Kader den DSP genotzt wäert ginn.

weiderliesen...

MILA Nofolleger

An der Sëtzung vun der Schoulkommissioun vum 17. Juni 2025 gouf ugekënnegt, datt d’Alphabetiséierungsprogramm MILA ausgeet an duerch e neie Schoulprogramm ersat gëtt. Nëmmen nach ronn 20 % vun de Kanner schaffen domat, an ëmmer méi Enseignanten setzen op aner Léiermëttel. Eis Deputéiert Gilles Baum a Barbara Agostino froen de Bildungsminister no den Haaptneierungen am neie Programm, senger Aféierung an de geplangte Formatiounscoursen fir d’Enseignanten.

weiderliesen...

D’Kooperatioun tëscht dem LNS an de private Laboratoiren an d’Automatisatioun am LNS

D’Analyse vu Biopsien spillt eng entscheedend Roll beim Erkennen vu schwéiere Krankheeten wéi dem Kriibs. Trotz Verbesserunge bleiwen d’Waardezäiten am LNS héich, besonnesch an der Onkologie, Gynäkologie an Dermatologie – eng psychologesch Belaaschtung fir Patienten. Eid Deputéiert Mandy Minella an Dr. Gérard Schockmel froen d’Gesondheetsministesch, wéi eng Schrëtt fir méi Automatisatioun, Digitaliséierung a méiglech Zesummenaarbechte mat privaten Laboratoiren virgesi sinn.

weiderliesen...

Administrativ Belaaschtung am Grondschoulunterrecht

Trotz der Vereinfachung vun der administrativer Aarbescht an de Grondschoulen duerch de Bildungsministère, gëtt vu Gewerkschafte betount, datt d’Bürokratie fir d’Enseignanten éischter zougeholl hätt. Wéi gesäit d’Realitéit aus, a wéi kann d’kënschtlech Intelligenz hei eng Roll spillen? Eng parlamentaresch Fro vun eisen Deputéierten Gilles Baum a Barbara Agostino sicht no Äntwerten.

weiderliesen...