Pim Knaff

De Pim Knaff ass neie President vum GECT

De « Groupement européen de coopération territoriale » tëscht Frankräich a Lëtzebuerg ass eng Initiativ vum Europäesche Parlament fir d’Kooperatioun an de Grenzregiounen ze verstäerken.

A senger neier Funktioun als President vum GECT, huet den Escher Kulturschäffe Pim Knaff natierlech besonnesch d’europäescht Kulturjoer Esch2022 am Bléck. Dëse bezitt sech jo net eleng op Esch, mee op déi ganz Grenzregioun, mat der Communauté de communes du Pays Haut Val d’Alzette engersäits, an de Gemenge vum Prosud anerersäits.

Eng weider wichteg Prioritéit ass donieft d’Organisatioun vun enger Internationaler Bauausstellung, der IBA Uelzecht-Belval, déi nei an innovativ Konzepter am Beräich vum Urbanismus, der Architektur an der Landesplanung soll virstellen.

Iwwer dee Wee solle kreativ Iddie gesammelt ginn, wéi dës Grenzregioun tëscht Lëtzebuerg a Frankräich an Zukunft soll entwéckelt ginn. D’Zil ass et, dass déi zwou Säite vun der Grenz méi enk zesummewuessen an hir Relatiounen nach méi verdéiwen.

De GECT erstreckt sech op enger Fläch vu ronn 170 km2, op där eng 100.000 Awunner liewen. A ganz Europa ginn et eng 20 sou Groupementer.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...