Pierre Gramegna

En encourageante Start an d’Joer

Den 28. Februar 2021 huet de Finanzminister Pierre Gramegna den Deputéierte vun der Finanz- a Budgetskommissioun an der Budgetskontrollkommissioun vun der Chamber  virgestallt.

Et gouf festgestallt datt d’Situatioun vun de Staatsfinanzen am Joer 2021 Verglach zum leschte Joer méi berouegend ass. Tatsächlech leien d’Recette bei 3,4 Milliarden Euro, wat enger Hausse vun 3,8% am Verglach mat der selwechter Period vum lescht Joer entsprécht.

D’Progressioun vun de Recetten (+3,8%) ass iwwert där vun den Depensen (+1,8%), soudatt den Defizit no zwee Méint bei -117 Milliounen Euro läit. Dëse Solde ass deemno eng besser Situatioun ewéi déi 189 Milliounen Euro Defizit, déi am Februar 2020 observéiert goufen.

De Finanzminister huet festgestallt datt dëse Constat ëmsou méi erfreelech ass, well déi éischt zwee Méint vun 2020 déi eenzeg sinn, déi vun der Pandemie verschount bliwwe sinn an doduerch d’Méiglechkeet vun engem wäertvolle Verglach bidden. De Pierre Gramegna kommentéiert: “De positive Schéiereffekt tëscht Recetten an Depensen ass en Indicateur fir d’wirtschaftlech Erhuelung déi lues awer sécher Form unhëlt. Dëst gëtt och duerch déi leschte Schätzunge vum Statec bestätegt, déi de Réckgang vum PIB am Joer 2020 zu Lëtzebuerg op -1,3% am Joer 2020 no uewe revidéiert hunn, ee vun de beschte Resultater an der Europäescher Unioun. Dës encourageant éischt Zuele sollten awer d’Onsécherheeten iwwer d’Evolutioun vun der Pandemie an den nächste Méint net maskéieren. a fuerderen eis op waakreg ze si bei der Ausféierung vum Budget. “

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...
Guy Arendt

Eng Digitalisatioun fir all Mënsch

A der Tribune Libre vun der DP huet eisen Deputéierte Guy Arendt dës Woch iwwer d’Wichtegkeet vun der digitaler Inclusioun zu Lëtzebuerg geschwat. Dat heescht iwwer d’Efforten, déi hei am Land geholl ginn, fir datt all Mënsch ka mat an dat neit, digitaalt Zäitalter geholl ginn.

weiderliesen...