André Bauler

Erhuelung vun de Staatsfinanze geet weider

Trotz alle Schrummen, Réckschléi, Erausfuerderungen an individuelle Schicksalsschléi ass Lëtzebuerg bis ewell besser duerch d’Kris komm ewéi erwaart.

Fir 2020 wäert de Staatsdefizit nëmmen hallef esou héich sinn ewéi am Ufank gefaart.

Zënter Januar stelle mer eng positiv Entwécklung bei de Staatsrecetten an eng Stabiliséierung vun den Depensë fest.

De positiven Trend vun den éischten zwee Méint vun dësem Joer schéngt sech weider z’entwéckelen. De Wee a Richtung Erhuelung vun de Staatsfinanze geet also weider.

Nach ass d’Kris awer net eriwwer. Et gëtt also nach kee Grond fir ze jubiléieren.

An dach kann ee bei dësem éischten Tëschebilan soen, datt d’Regierung wärend der Kris déi richteg Entscheedunge getraff huet, an datt de Resistenz-Test vun eiser Ekonomie positiv ausgefall ass.

De Krisemangement huet ouni Zweiwel dozou bäigedroen, datt mir zu deene Länner an der EU gehéieren, déi de klengsten ekonomesche Schued am Joer 2020 hu missen astiechen.

Déi virsiichteg an zukunftsorientéiert Budgetspolitik, déi an de leschte Jore vum Finanzminister Pierre Gramegna bedriwwe ginn ass, huet eis an eng confortabel finanziell Ausgangspositioun gesat: Dat huet gehollef fir dës onerwaarte Kris besser ze meeschteren.

Lëtzebuerg konnt där Erausfuerderung also mat dem néidege Sputt entgéinttrieden, andeems d’Land 11 Milliarden Euro fir de Stabiliséierungs- a Relanceplang mobiliséiert huet.

De Leit, de Betriber an och den Independanten hëllefen – genee dat war d’Zil vun de Moossnaamen aus dësem Plang.

Duerch d’Brutto-Ausbezuelunge vum Chômage partiel an Héichtvun iwwert 1 Milliard Euro konnt an éischter Linn verhënnert ginn, datt et zu enger stënterlecher an unhalender Hausse vun der Aarbechtslosegkeet kéim.

No engem däitleche Wuesstem am Abrëll 2020 ass de Chômagetaux elo am Mäerz op den Taux vun zejoert zeréckgefall, also wäit ënnert déi 7,2%, déi nach d’lescht Joer gefaart gi sinn.

Mir wäerten awer eréischt um Enn vum Joer wëssen, wou d’Rees leschten Enns higeet.

Ma den Ament geet et biergop. An déi ekonomesch Indicateure stëmmen eis zouversiichtlech.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Atert-Wark – déi nei DP-Sektioun am Norden

D’Gemeng Mäerzeg mam Buergermeeschter Mike Poiré huet sech dëtt Joer der Sektioun Réiden ugeschloss an dorausser ass d‘Fusiounssektioun Atert-Wark ginn. Bis 2020 war d’Gemeng Mäerzeg nach an der Sektioun Nordstad.
Déi al Sektioun Réiden iwwerdeems huet zanter jeehier mat der Sektioun Rammerech zesumme geschafft; dofir stelle mer iech hei an engems d‘Rammerecher Sektioun an hire neie President vir.

weiderliesen...

Am Spotlight – Claire Sertznig

Dës Kéier am Spotlight: d’Claire Sertznig, déi nei DP-Conseillère am Maacher Gemengerot.
D’Duechter vun hirem Virgänger René Sertznig huet vun doheem aus fréi Kontakt mat der Politik gehat. Dofir ass et kee Wonner, datt d’Claire sech fir d’éischt an der JDL an dono an der Gemengepolitik engagéiert huet.

weiderliesen...