De Fernand Etgen ass 2007 als Deputéierte vereedegt ginn. An der Regierung „Bettel I“ war hie Minister fir Landwirtschaft, Wäibau a Konsumenteschutz. An där Funktioun huet de Fernand Etgen eent vun de modernsten Déiereschutzgesetzer an Europa ëmgesat. D’Anti-Gaspi-Politik war en anere Schwéierpunkt vu senger Aarbecht. Zënter 2018 ass de Fernand Etgen President vun der Chamber. Den éischte Bierger vum Land wëll d’Aarbecht vum Parlament no bausse méi siichtbar maachen a säi Fonctionnement moderniséieren.