Si weider Accèse fir d’Cité Manertchen geplangt?

D’Wunngebitt ‚Cité Manertchen‘ soll iwwer e Projet vum Fonds du logement considerabel ausgebaut ginn. Den Ament besteet en Accès den iwwer d’Nationalstrooss CR 139 féiert. E Fousswee gëtt et net, net fir an d’Industrie-Zone, a net fir an d’Cité Manertchen. Och Vëlosweeër sinn ugeduecht. Eis Deputéiert Carole Hartmann huet sech beim Ministère no weideren Detailer renseignéiert.

„Hannert der Industrie-Zone vun Iechternach soll d’Wunngebitt ‚Cité Manertchen‘ iwwer e Projet vum Fonds du logement considerabel ausgebaut ginn. Et gëtt de Moment just een Accès zu der Cité Manertchen, den iwwer d’Nationalstrooss CR 139 féiert. E Fousswee gëtt et net, net fir an d’Industrie-Zone, a net fir an d’Cité Manertchen.

An engem Vëloskonzept vun der Stad Iechternach vun 2011 gouf e Vëloswee ugeduecht, den duerch d’Industrie-Zone an d’Cité Manertchen géing féieren. Eng aner Méiglechkeet wär e Vëlos- a Fousswee duerch de sougenannten ‚Alen Uesweiler Wee‘.

An deem Kader wollt ech dem Här Wirtschaftsminister, dem Här Wunnengsbauminister an dem Här Minister fir Mobilitéit an ëffentlech Aarbechten folgend Froe stellen:

  • Sinn et iwwer déi lescht Joren, zesumme mat de Gemengeresponsabel vun der Stad Iechternach, Iwwerleeunge ginn, fir weider Accèsen an d‘Cité Manertchen ze schafen? Wa jo, wéi eng Optioune goufen ugeduecht?
  • Wäert et en zweeten Accès fir motoriséiert Gefierer an d’Cité Manertchen am Kontext vum Ausbau vun der bestoender Cité ginn ? Wa jo, wou soll dësen Accès hikommen ? Wa nee, firwat gëtt et kee weideren Accès ? Misst net wéinstens fir d’Chantier-Period vum Ausbau vun der Cité Manertchen en zweeten Accès virgesi ginn? Wa jo, wou?
  • Ass ugeduecht, dass e Vëlos- an/oder Fousswee vum Kär vun Iechternach an d’Industrie-Zone, respektiv an d’Cité Manertchen féiere soll? Wa jo, wou soll(en) dës(e) Wée(ër) laanschtféieren? Wéi ass et notamment mat engem Vëlos- a Fousswee duerch de sougenannten ‚Alen Uesweiler Wee‘ oder op der bestoender Strooss vun Iechternach an d’Industrie-Zone ? Wa kee Wee envisagéiert gëtt, firwat net?
  • Wéi stinn d‘Häre Ministeren zu engem Wee, respektiv enger Strooss, den d’Industrie-Zone mat der Cité Manertchen verbënnt ? Wéi ass et notamment mam Vëloswee duerch d’Industrie Zone an d’Cité Manertchen den am lokale Vëloskonzept vun 2011 ugeduecht war?  “

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéini gi Gesondheetsbilanë beim Hausdokter agefouert ?

De Koalitiounsaccord vun der Regierung gesäit d’Aféierung vu reegelméissege Gesondheetsbilanen ab 30 Joer vir. D’DP-Deputéiert André Bauler a Carole Hartmann hu bei der Gesondheetsministesch nogefrot wéi wäit d’Ëmsetzung vun dëser Initiative ass, ob spezifesch Formatioune fir d’Dokteren en place gesat wäerte ginn, an ob an deem Kader den DSP genotzt wäert ginn.

weiderliesen...

MILA Nofolleger

An der Sëtzung vun der Schoulkommissioun vum 17. Juni 2025 gouf ugekënnegt, datt d’Alphabetiséierungsprogramm MILA ausgeet an duerch e neie Schoulprogramm ersat gëtt. Nëmmen nach ronn 20 % vun de Kanner schaffen domat, an ëmmer méi Enseignanten setzen op aner Léiermëttel. Eis Deputéiert Gilles Baum a Barbara Agostino froen de Bildungsminister no den Haaptneierungen am neie Programm, senger Aféierung an de geplangte Formatiounscoursen fir d’Enseignanten.

weiderliesen...

D’Kooperatioun tëscht dem LNS an de private Laboratoiren an d’Automatisatioun am LNS

D’Analyse vu Biopsien spillt eng entscheedend Roll beim Erkennen vu schwéiere Krankheeten wéi dem Kriibs. Trotz Verbesserunge bleiwen d’Waardezäiten am LNS héich, besonnesch an der Onkologie, Gynäkologie an Dermatologie – eng psychologesch Belaaschtung fir Patienten. Eid Deputéiert Mandy Minella an Dr. Gérard Schockmel froen d’Gesondheetsministesch, wéi eng Schrëtt fir méi Automatisatioun, Digitaliséierung a méiglech Zesummenaarbechte mat privaten Laboratoiren virgesi sinn.

weiderliesen...

Administrativ Belaaschtung am Grondschoulunterrecht

Trotz der Vereinfachung vun der administrativer Aarbescht an de Grondschoulen duerch de Bildungsministère, gëtt vu Gewerkschafte betount, datt d’Bürokratie fir d’Enseignanten éischter zougeholl hätt. Wéi gesäit d’Realitéit aus, a wéi kann d’kënschtlech Intelligenz hei eng Roll spillen? Eng parlamentaresch Fro vun eisen Deputéierten Gilles Baum a Barbara Agostino sicht no Äntwerten.

weiderliesen...