Yuriko Backes

Steiererliichterunge bis an d’Mëttelschicht eran

D’Kafkraaft vun de Leit a Krisenzäite spierbar stärken, dat ass en Haapt-Uleies vun der Demokratescher Partei. Dowéinst huet de Staat schonn am Kader vum Energiedësch, dem Solidaritéitspak, an dem Solidaritéitspak 2.0 2,5 Milliarden Euro deblockéiert.

Beim Depot vum Budget hat d‘Finanzministesch Yuriko Backes schonn annoncéiert d’Kafkraaft vun de Leit duerch Steiererliichterunge weider stärken ze wëllen, wann de budgetäre Spillraum dat géing erlaben.

Bei der Presentatioun vun de Staatsfinanzen an der Kommissioun huet d’Yuriko Backes Enn Januar erkläert, dass den Defizit effektiv manner héich ausgefall ass, wéi virgesinn. Den Defizit fir d’Joer 2022 fällt op d’mannst 500 Milliounen Euro manner héich aus wéi geschat. Enn 2022 loung d’Staatsschold bei 24% vum PIB, also méi niddreg wéi am Viraus geschat an e gutt Stéck ënnert der Limitt aus dem Regierungsaccord vun 30%.

Dat erlaabt et fir weider cibléiert Steiererliichterungen anzeféieren. Réckwierkend op Ufank 2023 soll esou, dank engem Steierkredit, d’Kafkraaft vun de Leit zousätzlech gestäerkt ginn. Konkret ginn d’Leit esou also an Héicht vu 500 Milliounen Euro entlaascht. D’Yuriko Backes huet eng kohärent a virsiichteg Approche gewielt, fir esou d’Kafkraaft vun de Leit ze stäerken.

Deelen:

Facebook
Twitter
LinkedIn
Email
WhatsApp

Weider News

Rechter vu schwangeren Independanteë verbesseren

Schwanger Salariéen, kënne virum Congé de maternité eng bezuelten Aarbechtsdispens ufroen, wann si z.B. aus gesondheetleche Grënn net schaffe kënnen. Independanteën hunn dës Méiglechkeet net, wat sech negativ op de Recalcul vun hirer Indemnitéit fir de Mammecongé auswierke kann.
D’DP-Deputéiert Carole Hartmann a Mandy Minella wollte vun den zoustännege Ministere wëssen, ob eng remuneréiert Dispens oder een equivalente Mechanismus fir schwanger Independanteën agefouert wäert ginn.

weiderliesen...