Was ist vorgesehen, um die Verkehrssicherheit auf der N7 in Marnich zu verbessern?

Der DP-Abgeordnete André Bauler hat nachgefragt, was geplant sei, um die Verkehrssicherheit auf der N7 in Marnich zu verbessern.

„Zanter Joren ass d’N7 duerch Maarnich a Fëschbich bei Clierf net nëmmen eng vill befuere Streck. Et stellen sech och eng Rei Sécherheetsprobleemer, besonnesch an der Héicht vum HotelRestaurant, deen no bei der Aktivitéitszon läit. Effektiv gëtt op dëser Plaz ëmmer méi geféierlech gerannt. Dat bréngt d’Visiteure vum Restaurant, déi deelweis laanscht d’Strooss parken, a Gefor. Et sinn apaart schwéier Gefierer, wéi z.B. d’Camionen, déi ganz no laanscht de Parksträife fueren, déi Akzidenter kënne provozéieren.

An deem Zesummenhang wollt ech dem Här Minister fir Mobilitéit an Infrastrukture folgend Froe stellen:

  • Ass et net méiglech fir dësen Deel vun der N7 duerch Maarnich a Fëschbich ze securiséieren – am Besonnesche beim HotelRestaurant? (tëscht dem Rond-Point bei der Transversale an dem Lieu-dit “dräi Hiwwelen”)
  • Wa jo, wéi kéint dëse Streckenofschnëtt punktuell nei amenagéiert ginn?
  • Gëtt et Statistiken, déi d’Intensitéit vum Trafic op dëser Plaz detailléiert quantifizéieren?“

Äntwert vum Minister fir Mobilitéit an ëffentlech Aarbechten op d’parlamentaresch Fro n° 7308 vum 6. Dezember 2022 vum Här Deputéierten André Bauler.

Ass et net méiglech fir dësen Deel vun der N7 duerch Maarnich a Fëschbich ze securiséieren – am Besonnesche beim Hotel-Restaurant? (tëscht dem Rond-Point bei der Transversale an dem Lieu-dit “dräi Hiwwelen”)

Wéi och schonn an der parlamentarescher Fro n°6233 vum Här Deputéierte Jeff Engelen duergeluecht, stoungen op der Héicht vu Maarnech a Fëschbech, wärend dem Ausbau vun der Nationalstrooss N7 an de 70er respektiv 80er Joren, nëmmen e puer vereenzelt Haiser laanscht d’Strooss. D’Unzuel vun den Haiser ass awer am Verlaf vun de Joren duerch déi zousätzlech Bebauung vun deenen un d’N7 ugrenzende Parzelle geklommen. Esou ass d’N7 deemools och ni als “Duerfstrooss” ugeduecht gewiescht.

Als Reaktioun op déi zousätzlech Bebauung laanscht d’N7 ass déi maximal erlaabte Vitesse op där Plaz op 70 Stonnekilometer erofgesat ginn, a fir den Automobilist zousätzlech op dës Vitess opmierksam ze maache respektiv ze sensibiliséieren, sinn niewent der Beschëlderung, zwou Geschwindegkeetstafelen opgeriicht ginn.

Wa jo, wéi kéint dëse Streckenofschnëtt punktuell nei amenagéiert ginn?

Allgemeng ass ze betounen, datt d’Stroossebauverwaltung uechter d’Land probéiert geféierlech Zonen ze detektéieren a se dann, jee no Prioritéit a Ressourcen, progressiv ze eliminéieren. Den Ament gëtt an der Géigend vu Maarnech un e puer relativ groussen a komplexe Projete geschafft, an zwar der Securisatioun vun der N7, dem Contournement vun Hengescht an dem Contournement vun Housen.

De Projet vun der Securisatioun vun der N7 konzentréiert sech op déi Tronçonen déi ausserhalb vun den Uertschafte respektiv de Flouernimm leien. Hei gëtt zum Beispill déi maximal erlaabte Vitess op 90 Stonnekilometer uniformiséiert, Mëttelleitplanken amenagéiert, an esou weider.

D’Uertschaften dogéint gi punktuell duerch baulech Mesuren an hiren Aganksberäicher securiséiert. Esou ass am nërdlechen Agang vu Fëschbech e Rond-point geplangt, deen d’Uertschaft kloer markéiert an dem Automobilist signaliséiert, datt hien sech an enger Agglomeratioun befënnt.

Zousätzlech Moossnamen an den Uertschaften, wei zum Beispill d’Amenagéiere vu Mëttel-Insele bei Zebrasträifen, d’Beliichtung vun Zebrasträifen, d’Opriichte vun digitale Geschwindegkeetstafelen an esou weider, kënnen och vun der Gemeng op Basis vun enger “Permission de voirie” realiséiert ginn.

Et ass awer ze bemierken, datt nieft all den Efforten, déi um Niveau vun der Infrastruktur ënnerholl ginn, d’Automobiliste gebiede sinn hir Fuerweis unzepassen, fir geféierlech Situatiounen ze antizipéieren an esou eventuell Accidenter ze vermeiden.

Et bléift nach ze soen, datt eventuell Sanktioune bei Verstéiss géint de Code de la Route een Deel vun de Missioune vun der groussherzoglecher Police duerstellt.

Gëtt et Statistiken, déi d’Intensitéit vum Trafic op dëser Plaz detailléiert quantifizéieren?

Unhand vu permanente Compteuren, déi am ganze Grand-Duché op Vëlosweeër, Autobunnen a Staatsstroossen installéiert sinn, kann permanent d’Intensitéit vum Trafic op bestëmmte Plaze kontrolléiert ginn.

Déi Donnéeë sinn ëffentlech a kënne vu jiddwerengem zu all Moment réckwierkend op di fënnef lescht Joer um “Portail des Travaux publics” opgeruff ginn (travaux.public.lu > Infos trafic > Comptage du trafic).

Op deem Site gesäit een dann, datt tëscht Fëschbech an dem Flouernumm “Kocherei” effektiv ee permanenten an automatesche Compteur steet, an zwar de Compteur n°946.

Tëschent de Joren 2018 an 2022 gesäit den duerchschnëttlechen deegleche Verkéier an deenen zwou Richtungen op dëser Plaz folgendermoossen aus:

 20182019202020212022
Notzgefierer91281693911131141
Autoen75747114700478907999

(Dës Zuele representéiere wéi uewe bemierkt de järlechen Duerchschnëttstrafic op dëser Plaz wärend engem Zäitraum vu 24 Stonnen a béid Richtungen.)

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Wie viele Ärzte arbeiten im Norden des Landes?

Im Norden des Landes müssen die Bürger oft weite Strecken zurücklegen, um zu einer Klinik oder einem Ärztehaus zu gelangen.
Die DP-Abgeordneten André Bauler und Gilles Baum haben die Gesundheitsministerin unter anderem gefragt, wie viele Allgemein- und Fachärzte im Norden des Landes arbeiten, wie die Altersstruktur der Ärzte ist und wann ein zweites Ärztehaus im Norden eröffnet werden könnte.

weiterlesen...

Wie viele Frauen werden während der Schwangerschaft von der Arbeit freigestellt?

Das Arbeitsrecht schreibt vor, dass schwangere Frauen bestimmte Aufgaben im Beruf nicht übernehmen dürfen. Das Gesetz sieht daher eine Anpassung des Arbeitsplatzes bzw. eine Versetzung auf einen anderen Posten vor. Ist beides nicht möglich, muss die Frau von der Arbeit freigestellt werden.
Die DP-Abgeordneten Corinne Cahen und Carole Hartmann wollten von der Gesundheitsministerin unter anderem wissen, wie viele Frauen pro Sektor freigestellt werden, wie oft durch den Arbeitgeber gegen eine Dispens Einspruch eingelegt wurde und auf Grundlage welcher konkreten Kriterien Arbeitssärzte über eine Dispens entscheiden.

weiterlesen...

Sollten das LNS und private Labore bei Biopsien nicht mehr zusammenarbeiten?

Um den langen Wartezeiten bei der Auswertung von Biopsien entgegenzuwirken, hat das LNS, das hier eine Monopolstellung innehat, einige Maßnahmen ergriffen.
Die DP-Abgeordneten Mandy Minella und Dr. Gérard Schockmel haben bei der Gesundheitsministerin nachgefragt, welche Auswirkungen diese Maßnahmen auf die Wartezeiten hatten und ob nicht dennoch eine stärkere Zusammenarbeit mit privaten Laboren in Betracht gezogen werden sollte, um die Fristen weiter zu verkürzen.

weiterlesen...

Keine Kostenerstattung mehr für dermatoskopische Fotos?

Im Rahmen der Untersuchung beim Hautarzt können Fotos von verdächtigen Hautstellen gemacht werden, bei denen ein Risiko für die Entstehung von Hautkrebs besteht. Dem DP-Abgeordneten Gusty Graas wurde nun zugetragen, dass diese Fotos nicht mehr von der Krankenkasse erstattet werden. In einer parlamentarischen Anfrage an die Gesundheitsministerin möchte der liberale Politiker unter anderem wissen, warum diese Entscheidung getroffen wurde und wie vielen Patienten in den letzten fünf Jahren die Kosten für solche von Dermatologen angefertigte Fotos erstattet wurden.

weiterlesen...