DP Logo
Gëff Member
DP Logo
Gëff Member
Gëff Member
Zuch

Wéi eng Sécherheetesmesurë goufen déi lescht Joer op der Nordstreck geholl?

Nodeems sech Fielsen iwwer dem Tunnel vu Bierden lassgeléist hunn, huet den DP-Deputéierten André Bauler nogefrot, wéi eng Stabiliséierungsmoossnamen déi lescht Joer duerchgefouert gi sinn.

„Nodeems sech Fielsen iwwer dem Tunnel vu Bierden lassgeléist hunn, stellt sech op en Neits d‘Fro vun der Sécherheet op der CFL-Nordstreck. D‘CFL huet an de leschte Joren eng Rei Stabiliséierungsmoossnamen duerchgefouert fir esou kritesch Incidenten ze vermeiden.

An deem Kader wollt ech dem Här Minister fir Mobilitéit an ëffentlech Aarbechten folgend Froe stellen:

  • Kann den Här Minister e Bilan vu dëse Moossnamen zéien?
  • Wéi dacks gi Kontrollen op der Nordstreck duerchgefouert fir d‘Wierksamkeet vun de Stabilisatiounsmoossnamen z‘iwwerpréiwen an dës eventuell auszebauen?
  • Sinn an noer Zukunft nach weider Infrastrukturmoossnamen an deem Sënn virgesinn?
  • A wat fir engem Mooss ass d‘Zweegleisegkeet op der Nordstreck fir den Här Minister eng Optioun, déi een ëmsetze kéint?“
Fro eroflueden

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéini gi Gesondheetsbilanë beim Hausdokter agefouert ?

De Koalitiounsaccord vun der Regierung gesäit d’Aféierung vu reegelméissege Gesondheetsbilanen ab 30 Joer vir. D’DP-Deputéiert André Bauler a Carole Hartmann hu bei der Gesondheetsministesch nogefrot wéi wäit d’Ëmsetzung vun dëser Initiative ass, ob spezifesch Formatioune fir d’Dokteren en place gesat wäerte ginn, an ob an deem Kader den DSP genotzt wäert ginn.

weiderliesen...

MILA Nofolleger

An der Sëtzung vun der Schoulkommissioun vum 17. Juni 2025 gouf ugekënnegt, datt d’Alphabetiséierungsprogramm MILA ausgeet an duerch e neie Schoulprogramm ersat gëtt. Nëmmen nach ronn 20 % vun de Kanner schaffen domat, an ëmmer méi Enseignanten setzen op aner Léiermëttel. Eis Deputéiert Gilles Baum a Barbara Agostino froen de Bildungsminister no den Haaptneierungen am neie Programm, senger Aféierung an de geplangte Formatiounscoursen fir d’Enseignanten.

weiderliesen...

D’Kooperatioun tëscht dem LNS an de private Laboratoiren an d’Automatisatioun am LNS

D’Analyse vu Biopsien spillt eng entscheedend Roll beim Erkennen vu schwéiere Krankheeten wéi dem Kriibs. Trotz Verbesserunge bleiwen d’Waardezäiten am LNS héich, besonnesch an der Onkologie, Gynäkologie an Dermatologie – eng psychologesch Belaaschtung fir Patienten. Eid Deputéiert Mandy Minella an Dr. Gérard Schockmel froen d’Gesondheetsministesch, wéi eng Schrëtt fir méi Automatisatioun, Digitaliséierung a méiglech Zesummenaarbechte mat privaten Laboratoiren virgesi sinn.

weiderliesen...

Administrativ Belaaschtung am Grondschoulunterrecht

Trotz der Vereinfachung vun der administrativer Aarbescht an de Grondschoulen duerch de Bildungsministère, gëtt vu Gewerkschafte betount, datt d’Bürokratie fir d’Enseignanten éischter zougeholl hätt. Wéi gesäit d’Realitéit aus, a wéi kann d’kënschtlech Intelligenz hei eng Roll spillen? Eng parlamentaresch Fro vun eisen Deputéierten Gilles Baum a Barbara Agostino sicht no Äntwerten.

weiderliesen...