Wéi héich ass de Risiko, datt d’Maternité zu Ettelbréck an den nächsten Deeg muss zougemaach ginn?

Den DP-Deputéierten André Bauler a Gilles Baum ass zu Ouere komm, datt um Ettelbrécker Site vum Centre hospitalier du Nord an den nächsten Deeg kee Pediater méi zur Verfügung steet an d’Maternité dowéinst riskéiert missen zouzemaachen. Aus dësem Grond hu si bei der Gesondheetsministesch nogefrot, ob dat stëmmt a wat an deem Fall d’Ursaache fir dësen Ëmstand sinn.

Fro

Eis ass zu Ouere komm, datt de Centre hospitalier du Nord (ChdN) op sengem Ettelbrécker Site an den nächsten Deeg riskéiert seng Maternité missen zouzemaachen, well kee Pediater méi zur Verfügung ka stoen, sou wéi d’Spidolsgesetz et verlaangt, wann ee Kand op d’Welt kënnt. 

Et ass effektiv sou, datt bei enger Gebuert e Kannerdokter ganz kuerzfristeg muss verfügbar sinn, wann et zu onerwaarte Komplikatioune kënnt, déi d’Gesondheet oder souguer d’Liewe vum Kand a Fro stelle kënnen.

Aus deem Grond wollte mir der Madamm Gesondheetsministesch folgend Froen dringend stellen:

  • Stëmmt et, datt am ChdN um Site Ettelbréck net genuch Kannerdokteren de Moment disponibel sinn fir en normalen Déngscht vun enger Maternité z’assuréieren?
  • Wa jo, wat sinn d’Ursaachen dofir?
  • Wéi héich ass de Risiko, datt d’Maternité an den nächsten Deeg muss zougemaach ginn, well déi gesetzlech virgeschriwwe Sécherheetsstandarden net méi garantéiert sinn?
  • Sicht de Gesondheetsministère mat den zoustännegen Instanzen eng Léisung ze fannen, fir datt d’Maternité awer kann opbleiwen; zemools wann ee bedenkt wéi wäit d’Leit aus dem Éislek oder dem Réidener Kanton fuere mussen, wa sech eng Gebuert méi séier ukënnegt wéi erwaart?

Äntwert

D’Maternité vum CHdN huet effektiv op den 1. Abrëll 2022 seng Dieren temporaire missten zoumaachen wëll  kuerzfristeg zwee vun den véier Pédiatren déi normalerweis ofwiesselnd d’Garde an der Maternité assuréieren ausgefall sinn. Dëst huet mat sech bruecht datt den CHdN seng Obligatioun an Saachen Garden sou wéi d’Spidolsgesetz et virgesäit net méi erfëllen konnt.

An Zesummenaarbecht mat der Direktioun vum CHL, dem Service national de néonatologie intensive vum CHL an dem Gesondheetsministère huet d’Direktioun vum ChdN en globaalt Konzept ausgeschafft fir d’Konformitéit mam Spidolsgesetz z’assuréieren esou wéi eng Prise en charge vun den Urgences néonatales. Zu dësem Zaitpunkt lafen nach weider Gespréicher wéi dëst Konzept um Terrain ëmgesat kann ginn. Soubal dës Konzept ëmgesat ass, wäert d‘Maternité vum CHdN seng Dieren och nees opmaachen kënnen.

Während där Zäitspan, wou d’Maternité provisoresch zou ass, kënnen d’Fraen déi an der leschter Phase vun hirer Schwangerschaft sinn, beim 112 uruffen fir wann néideg op d’Déngschter vun enger Ambulanz zeréck ze gräifen. Den ChdN setzt sech ënnert anerem dofir an dass all Asaz vum SAMU vun enger Hiefamm begleet gëtt. D’Maternité vum ChdN betreit haaptsächlech Schwangerschaften mat engem nidderegen Risikofacteur. Vir awer d’Sécherheet vun den Neigebuerenen z’assuréieren, gesäit deen neien Konzept verschidden Moossnamen vir vu que dass trotzdem eng Urgence kann optrieden.

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéi laang ass d’Waardezäit an der « Travel Clinic » ?

Bei Reesen a méi tropesch Regioune kann een sech an der “Travel Clinic” vum CHL beroden a géint verschidde Krankheeten impfe loossen. D’Waardezäiten an dëser Klinick sollen den Ament awer nawell laang sinn.
D’DP-Deputéiert Dr Gérard Schockmel a Gilles Baum hu bei der Gesondheetsministesch nogefrot, wéi vill Patienten an de leschten 10 Joer an der “Travel Clinic” empfaange goufen, wéi d’Waardezäiten sech an dëser Period entwéckelt hunn an ob et net sënnvoll wier online ee Rendez-vous huelen ze kënnen, esouwéi dat fir vill aner Servicer vum CHL méiglech ass.

weiderliesen...

Wéi kann een de Beruff vum Aide-soignant revaloriséieren ?

De Manktem u Fleegepersonal gehéiert zu de gréissten Erausfuerderunge vun dëser Regierung. D’DP-Deputéiert André Bauler a Gilles Baum wollten an deem Kontext vun der Gesondheetsministesch ënnert anerem wëssen, wéi vill Aides-soignanten aktuell am Land schaffen, wéi vill de Beruff an de leschte Jore gewiesselt hunn a wéi eng Mesüren d’Regierung ze huele gedenkt fir de Beruff nees méi attraktiv ze maachen.

weiderliesen...

Medezinesch Transferten an d’Ausland

Zënter dem 1. Juni 2025 mussen d’Dokteren en neie Formulaire ausfëllen, wann si ee Patient fir Soinen an d’Ausland schécke wëllen. Den Dokter muss elo obligatoresch uginn, ob d’Prestatiounen zu Lëtzebuerg an engem “akzeptabelen Delai” ugebuede kënne ginn, oder net. Kräizt den Dokter un, datt d’Prestatiounen eigentlech och zu Lëtzebuerg ugebuede kéinte ginn, da gëtt d’Demande fir den Transfert automatesch refuséiert.
Den DP-Deputéierten Dr Gérard Schockmel huet bei der Gesondheetsministesch nogefrot, ob déi reng Reduzéierung op den “akzeptabelen Delai”, ouni d’Qualitéit vun de Soinen ze berécksiichtegen, net zu onberechtegte Refuse féiere kéint, an den neie Formulaire Dokteren net dozou zwénge kéint falsch Deklaratiounen ze maache fir hirem Patient déi beschtméiglechst Soinen ze garantéieren.

weiderliesen...

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...