Wéi vill Fäll, wou d’Leit hiren Offall einfach an der Natur entsuergen, goufen et an de leschte Joren?

Parlamentaresch Froen
| 30. March 2022

Natur- an Ëmweltschutz

André Bauler, Max Hahn

Ëmmer nees gesäit ee Plazen an der Natur, wou Leit hire Knascht entsuergt hunn. D'DP-Deputéiert André Bauler a Max Hahn hunn nogefrot, wéi vill där Fäll et an de leschte Jore gouf.

„Ëmmer nees gesäit een an der Natur Plazen op deenen Dreck ofgelagert gouf. Dat geet vu Bauschutt, iwwer al Miwwel a Géigestänn bis iwwer organesch Offäll.

An deem Kader wollte mir der Madamm Ministesch fir Ëmwelt, Klima an nohalteg Entwécklung folgend Froe stellen:

Kann d‘Madamm Emweltministesch eis soen wéi vill där Fäll an de leschte fënnef Joer entdeckt goufen?
Gëtt et an där Problematik regional Ënnerscheeder?
A wéi ville Fäll konnten d‘Auteure vun dësen Delikter identifizéiert ginn?“

Äntwert

Kann d‘Madamm Emweltministesch eis soen wéi vill där Fäll an de leschte fënnef Joer entdeckt goufen?

Verschidden Instanze kënnen intervenéiere wann an der Natur illegal Offall ofgelagert gouf. Nieft der Ëmweltverwaltung sinn och d’Police an Douane autoriséiert Verstéiss géint d’Bestëmmunge vum modifizéierten Offallgesetz vum 21. Mäerz 2012 z’ënnersichen an ze notéieren. Weiderhi gëtt den Artikel 20§5 vum genannten Offallgesetz de Gemengen d’Responsabilitéit fir d’Kollekten an d’Behandlung vun Hausoffäll, hausoffallänlechem Offall a Sperrmüll, déi sech op eng onkontrolléiert Aart a Weis op hirem Territoire erëmfannen. Eng Ausnam ass hei virgesi fir wann Offäll sech laanscht Stroossen befanne, fir där hiren Entretien d’Stroossebauverwaltung zoustänneg ass.

Wann et sech ëm illegal déposéierten Offall an der Gréngzon handelt, kann och d’Naturverwaltung verstännegt ginn. Laanscht d’Gewässer ass d’Waasserwirtschaftsamt zoustänneg. Genee Zuele leie leider net vir.

Wat déi méi kleng Quantitéite vun Offall an der Natur ugeet, de sougenannte Littering, deen awer mengem Verständnis no net vun dëser Fro viséiert war, mécht d’Ëmweltverwaltung reegelméisseg Analyse fir ze bestëmme wéi eng Zorten Offall an der Natur landen. D’Resultater aus dësen Etüden erméiglechen et da geziilt Mesuren ze ergräifen, wéi zum Beispill déi verschidde Sensibilisatiounscampagnen déi an de leschte Joren gemeet goufen. Esou Studie sinn an de Joren 2008 an 2015 gemaach ginn. Déi detailléiert Resultater fënnt een hei: https://environnement.public.lu/fr/offall-ressourcen/types-de-dechets/Littering.html. Et ass geplangt nach dëst Joer eng weider Etüd ze maachen.

Gëtt et an där Problematik regional Ënnerscheeder?

Dozou ginn et keng Informatiounen.

A wéi ville Fäll konnten d‘Auteure vun dësen Delikter identifizéiert ginn?

Dozou ginn et keng Informatiounen.

Dir wëllt dës parlamentaresch Fro op Lëtzebuergesch iwwersat kréien?

Deelen:

Weider parlamentaresch Froen

Wéi laang ass d’Waardezäit an der « Travel Clinic » ?

Bei Reesen a méi tropesch Regioune kann een sech an der “Travel Clinic” vum CHL beroden a géint verschidde Krankheeten impfe loossen. D’Waardezäiten an dëser Klinick sollen den Ament awer nawell laang sinn.
D’DP-Deputéiert Dr Gérard Schockmel a Gilles Baum hu bei der Gesondheetsministesch nogefrot, wéi vill Patienten an de leschten 10 Joer an der “Travel Clinic” empfaange goufen, wéi d’Waardezäiten sech an dëser Period entwéckelt hunn an ob et net sënnvoll wier online ee Rendez-vous huelen ze kënnen, esouwéi dat fir vill aner Servicer vum CHL méiglech ass.

weiderliesen...

Wéi kann een de Beruff vum Aide-soignant revaloriséieren ?

De Manktem u Fleegepersonal gehéiert zu de gréissten Erausfuerderunge vun dëser Regierung. D’DP-Deputéiert André Bauler a Gilles Baum wollten an deem Kontext vun der Gesondheetsministesch ënnert anerem wëssen, wéi vill Aides-soignanten aktuell am Land schaffen, wéi vill de Beruff an de leschte Jore gewiesselt hunn a wéi eng Mesüren d’Regierung ze huele gedenkt fir de Beruff nees méi attraktiv ze maachen.

weiderliesen...

Medezinesch Transferten an d’Ausland

Zënter dem 1. Juni 2025 mussen d’Dokteren en neie Formulaire ausfëllen, wann si ee Patient fir Soinen an d’Ausland schécke wëllen. Den Dokter muss elo obligatoresch uginn, ob d’Prestatiounen zu Lëtzebuerg an engem “akzeptabelen Delai” ugebuede kënne ginn, oder net. Kräizt den Dokter un, datt d’Prestatiounen eigentlech och zu Lëtzebuerg ugebuede kéinte ginn, da gëtt d’Demande fir den Transfert automatesch refuséiert.
Den DP-Deputéierten Dr Gérard Schockmel huet bei der Gesondheetsministesch nogefrot, ob déi reng Reduzéierung op den “akzeptabelen Delai”, ouni d’Qualitéit vun de Soinen ze berécksiichtegen, net zu onberechtegte Refuse féiere kéint, an den neie Formulaire Dokteren net dozou zwénge kéint falsch Deklaratiounen ze maache fir hirem Patient déi beschtméiglechst Soinen ze garantéieren.

weiderliesen...

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...