Den André Bauler huet 2009 eng éischte Kéier de Sprong an d’Chamber gepackt. Den Deputéierte setzt sech a senger parlamentarescher Aarbecht besonnesch fir d’Attraktivitéit vum Bezierk Norden an. Och d’Dezentraliséierung vun den ëffentleche Verwaltungen, d’Kultur an den Denkmalschutz leien him um Häerz. De geléierten Ekonomist presidéiert d’Finanz- a Budgetskommissioun vun der Chamber a war Rapporter vum Budget 2019.