Autorisatioun vu Gigaliner zu Lëtzebuerg fir manner CO2-Ausstouss am Transportsecteur?

Dem Direkter vum Lëtzebuerger Logistikcluster no wiere Camione vu 25 Meter eng Méiglechkeet, d'Emissioune vum Secteur erofzesetzen. Allgemeng géif den Transportsecteur awer riskéieren, d'Klimaziler ze verfeelen. D'DP-Deputéiert Max Hahn a Gusty Graas hu bei den zoustännege Ministeren nogefrot, ob Gigaliner an Zukunft zu Lëtzebuerg erlaabt kéinte ginn a wéi eng Iwwerleeungen et ginn, fir dem Secteur bei der Klimatransitioun ze hëllefen.

« Sougenannt « Eurocombis », Camionen mat enger Luedfläch vu 25 Meter amplaz den normalen 18,7 Meter, sinn, am Géigesaz zu Lëtzebuerg, schonn zënter enger Rei Joren a verschiddene vun eisen Nopeschlänner op bestëmmte Strecken zougelooss.

Den Direkter vum Lëtzebuerger Logistikcluster « Cluster for Logistics – C4L » huet rezent an engem Interview seng Suerg geäussert, dass den Transportsecteur zu Lëtzebuerg ouni staatlech Hëllefe seng Klimaziler bis 2030 warscheinlech net wäert erreeche kënnen. Aus deem Grond fuerdet en, dass dës XXL-Camionen och zu Lëtzebuerg op bestëmmte Strecken zougelooss solle ginn. Dës Camionen géifen effektiv bis zu engem Drëttel manner Emissiounen pro transportéierter Tonn verursaachen wéi gewéinlech Camionen.

An deem Kontext wollte mir dem Här Minister fir Mobilitéit an ëffentlech Aarbechten an der Madamm Ministesch fir Ëmwelt, Klima an nohalteg Entwécklung folgend Froe stellen:

– Ass virgesinn, « Gigaliner » op bestëmmte Strecken zu Lëtzebuerg zouzeloossen ? Wann net, wat wieren d’Grënn dofir ?

– Wéi eng Strecke wiere gëeegent fir dass sou grouss Camionen drop fueren ? Ass schonn eng Analys vun der Stroosseninfrastruktur an deem Sënn gemaach ginn ?

– Wéi eng Mesurë si geplangt, fir den Transportsecteur z’ënnerstëtzen, fir op méi klimaschounend Transportméiglechkeeten ëmzeklammen, notamment wat de Wuerentransport iwwer d’Strooss betrëfft ? »

Dir wëllt dës parlamentaresch Fro op Lëtzebuergesch iwwersat kréien?

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider parlamentaresch Froen

Courrier non distribué

Dierfe Gemengen e Courrier net un de Gemengerot weiderschécken?

Oft schécke Bierger, Veräiner oder Associatiounen Invitatiounen, Doleance oder Informatiounsufroen un de Schäfferot an de Gemengerot vun hirer Gemeng. Meeschtens benotzen si déi offiziell Email- oder Postadress vun der jeeweileger Gemeng. D’DP-Deputéiert Guy Arendt a Claude Lamberty hunn elo héieren, datt verschidde Courrieren awer ni bei de Membere vum Gemengerot ukomm sinn obwuel si als Destinatär vum Courrier gewënscht waren. Si hunn d’Inneministesch elo gefrot ob déi Praxis legal ass a wéi ka garantéiert ginn, datt e Courrier och do ukënnt wou den Ofsender et gären hätt.

weiderliesen...
Doud Fësch Tote Fische

Wat fir Auswierkungen hunn d’Iwwerschwemmungen op de Fëschbestand?

Duerch déi kierzlech Iwwerschwemmungen hu vill Fësch et net méi gepackt fir zréck an hir Baach oder hire Floss ze schwammen. Den DP-Deputéierte Gusty Graas freet déi zoustänneg Ministesch ob si schonns d’Auswierkunge vun de rezenten Iwwerschwemmungen op den nationale Fëschbestand kennt an ob de Plan de repeuplement elo eventuell misst ugepasst ginn.

weiderliesen...

Informatiounsaustausch tëscht den alen an neie Juegdsyndikater

Den DP-Deputéierten André Bauler a Guy Arendt ass zu Ouere komm, dass d’Sekretäre vun deene fréiere Juegdsyndikater net däerfen d’Kontosnummere vun de Bësch-, Wisen a Feldbesëtzer un déi nei Sekretäre rausgi wéinst dem Dateschutz. Dowéinst hu si bei der zoustänneger Ministesch nogefrot, wéi dëse Problem kéint behuewe ginn.

weiderliesen...