D’Carole Hartmann ass zanter 2018 an der Chamber. Um Krautmaart leet d’Affekotin hire Fokus op d’Flexibiliséierung vun der Aarbecht, d’Fërderung vum Teletravail an op d’Vereinfache vun de juristesche Prozeduren. Och d‘Gesondheetsversuergung am ländleche Raum ass eent vun hiren Haapt-Uleies. Déi fréier Nationalspillerin am Dëschtennis war bis 2022 Presidentin vun der DP Osten an ass Conseillière zu Iechternach. D’Carole Hartmann ass um Kongress vum 12. Juni 2022 als nei Generalsekretärin vun der DP gewielt ginn.