D’Corinne Cahen ass 2013 eng éischte Kéier bei Chamberwalen ugetrueden an ass direkt gewielt ginn. Zënter Dezember 2013 ass d’Corinne Cahen Ministesch fir d‘Famill an d‘Integratioun a Ministesch fir d’Groussregioun. An där Funktioun setzt si sech besonnesch fir déi sozial Kohesioun an d’Vereenbarkeet vu Famill a Beruff an. Reformen, wéi den neie Congé parental oder den REVIS, goufen ënnert der Ministesch Corinne Cahen op de Wee bruecht an ëmgesat. Wärend dem Confinement huet si sech permanent fir d’Besoine vun deene méi eeleren a méi vulnerabele Mënschen agesat. D’Corinne Cahen war vun 2015 bis 2022 Presidentin vun der DP.