Um éischten Nationalkongress en présentiel no 3 Joer hunn d’Memberen am struppevolle Centre Atert zu Bartreng eng nei Parteiféierung op nationalem Niveau an op Bezierksniveau gewielt. De Vertrauensbeweis fir d’Kandidate war immens grouss.
Esou ass eisen neie President Lex Delles gëscht mat 98,95% vun de Stëmme gewielt ginn.
Eis nei Generalsekretärin Carole Hartmann krut 97,91% Zoustëmmung.
Éischte Vizepresident ass de Max Hahn. Déi 2 zweet Vizepresidente sinn de Marc Hansen an de Claude Lamberty. D’Myriam Feyder ass nei Tresorière.
De Kongress war awer och d’Geleeënheet fir dem Corinne Cahen no 7 Joer Presidence e grousse MERCI ze soen. Eng Presidence, an där eis Partei grouss Erfolleger gefeiert huet. Eng Presidence, wärend där d’DP sech weider moderniséiert an organiséiert huet. Eng zolidd Basis, op déi eis nei Spëtzt kann opbauen, fir déi kommend Gemengen- a Chamberwale mat Succès ze kréinen.
