Haut de Moien hat d‘DP-Fraktioun een interessanten Echange mat der ALEBA, déi zanter e puer Joer scho mat hiren 10.000 Memberen net nëmmen de Finanzsecteur ofdeckt.
D‘Haaptsujeten, déi diskutéiert goufen, waren déi wichteg Roll vun de Grenzgänger, d‘Attraktivitéit vun eisem Aarbechtsmaart, d’Nohaltegkeet vun eisem Pensiounssystem an de wirtschaftleche Wuesstum vun eisem Land. D’Wichtegkeet vum Sozialdialog gouf dann och nach eng Kéier ënnerstrach. Et géif bei alle wichtege Froen drëm goen, nohalteg Léisungen ze fannen, déi souwuel eiser Wirtschaft ewéi och de Salariéen zegutt kommen.
