Wunnen

Warum fragen nur wenige Haushalte das Wohngeld an?

Lediglich 16% der in Frage kommenden Haushalte fragen das Wohngeld an. Warum ist das so? Der DP-Abgeordnete Max Hahn hat beim zuständigen Minister nachgefragt.

„D’Zil vum Wunngeld (subvention loyer) ass et, virun allem Stéit mat niddregem Akommes beim Bezuele vun hirem Loyer z’ënnerstëtzen. Fakt ass awer, dass laut Aussoe vum Här Wunnengsbauminister nëmme ronn 16% vun den eligibele Stéit dës Hëllef och ufroen.

An deem Kader wollt ech dem Här Wunnengsbauminister folgend Froe stellen:

  • Wéi vill Haiser a wéi vill Appartementer sinn aktuell zu Lëtzebuerg verlount? Wéi hunn dës Chifferen iwwer déi lescht fënnef evoluéiert?
  • Zënter der Aféierung vum Wunngeld, wéi vill Stéit hu pro Joer zu Lëtzebuerg eng Wunneng gelount? Wéi vill dovu ware pro Joer eligibel fir d’Wunngeld unzefroen a wéi vill dovunner hunn et effektiv ugefrot?
  • Wéi vill Demande si refuséiert ginn? Wat waren déi heefegst Grënn fir e Refus?
  • Wat sinn dem Här Minister no d’Grënn, firwat sou wéineg Leit d’Wunngeld ufroen?

Antwort

  1. Wéi vill Haiser a wéi vill Appartementer sinn aktuell zu Lëtzebuerg verlount? Wéi hunn dës Chifferen iwwer déi lescht fënnef Joer evoluéiert?

Laut Schätzunge vun Eurostat op Grond vun der Enquête EU-SILC (2020) gehéieren ongeféier 24,5% vun den Awunner engem Stot un dee seng Wunneng op dem private Marché lount. Heibäi sinn allerdéngs déi Stéit net mat abegraff, déi hir Wunneng zu engem Präis lounen, deen ënnert dem Präis vum Marché ass (Locataire vu soziale Wunnengen, Stéit déi duerch Famill oder Frënn ënnerbruecht sinn, oder Stéit déi duerch hiren Employeur ënnerbruecht sinn etc.). 2020 waren also ongeféier 60 000 Haushalter Locatairen um private Marché.

Den Taux vun de Leit, déi zu engem Stot gehéieren, dee seng Wunneng um private Marché lount, louch 2010 bei 27,6%. Bis 2015 ass dësen Taux bis ob 21,7% gefall fir dono erëm ob 24,5% ze klammen. Dës Variatioun an de Resultater vun den Enquêtë kann zum Deel och op d’Spezifizitéite vun der Enquête zréck ze féiere sinn.

  1. Zënter der Aféierung vum Wunngeld, wéi vill Stéit hu pro Joer zu Lëtzebuerg eng Wunneng gelount? Wéi vill dovu ware pro Joer eligibel fir d’Wunngeld unzefroen a wéi vill dovunner hunn et effektiv ugefrot?

Bei der Aféierung vun der Mietsubventioun am Joer 2016 gouf, opgrond der Etude PSELL-3/EU-SILC de 2013 (LISER, STATEC), geschätzt, dat 18.600 Stéit eligibel wiere fir dës Hëllef.

Den 1ten Januar 2018 goufen awer d’Parametere vun der Hëllef ugepasst an d’Zuel vun de potentielle Beneficiaire gouf ausgedeent ob ronn 33.000 Stéit. Doduerch ass den Undeel vun de Locataire déi potentiell eligibel si fir d’Mietsubventioun vu ronn 35% ob ronn 65% geklomment.

Duerch d’Upassung, déi am Abrëll 2020 a Kraaft getrueden ass, sinn nach eng Kéier ronn 3.400 Stéit zousätzlech eligibel ginn. No dëser Reform vun 2020 wieren ongeféier 63% vun de Stéit déi eligibel sinn, am éischte Quintil vum Liewensstandard, 34% am zweete Quintil.

D’Zuel vun de effektive Beneficiairë huet folgendermoossen evoluéiert:

JoerZuel vun den neien UfroënZuel vun de Stéit, déi eng Hëllef ausbezuelt krutenSchätzung vun den eligibele Stéit%
20164.0161.09018.6005,9%
20172.0341.87318.60010,1%
20183.6744.43333.00013,4%
20193.0605.63633.00017,0%
20203.7126.54133.00019,8%
20213.5297.14636.00019,8%

Mëttlerweil hëlt also ronn 1 vu 5 potentielle Beneficiairen d’Mietsubventioun och tatsächlech an Usproch.

  • Wéi vill Demande si refuséiert ginn? Wat waren déi heefegst Grënn fir e Refus?
Joer201620172018201920202021
Zuel vu Refusen1.8171.5721.3056977261.236
Ursaachen      
De Betrag vun der Hëllef war < 25 Euros/Mount091826140
D’Akommes gouf net matgedeelt3104435221014591
D’Akommes war ze héich701548395315365497
De Stot krut eng Subvention vum FNS am Kader vum Revis28512293121015
Den Taux d’effort louch ënnert 25%521450277241283293
Aner Ursaachen   29 340
  • Wat sinn dem Här Minister no d’Grënn, firwat sou wéineg Leit d’Wunngeld ufroen?

Den Observatoire de l’Habitat krut vum Ministère den Optrag eng Studie ze maachen fir ze analyséieren a wéi wäit op d’Subventioun vum Loyer zeréckgegraff gëtt, andeems e sech op Fuerschungsaarbechte vum LISER an der Uni Lëtzebuerg baséiert. Dës Studie steet um Aarbechtsprogramm vun 2022 vum Observatoire de l’Habitat. Et sief dobäi awer schonn dorobber higewisen, datt de Phenomen vum “non-recours” ob Hëllefen déi de Leit eigentlech zoustinn net spezifesch ass fir d’Mietsubventioun oder fir Lëtzebuerg. Esouguer bei der vill méi héijer Sozialhëllef vum Revenu d’intégration social an der Belsch ginn d’Schätzungen dovunner aus, dat bis zu 60% vun de Leit dës Hëllef net ufroen, obwuel se Urecht dorobber hätten.[1]


[1] Les Dossiers de la Drees N° 94 • mars 2022, Quantifier le non-recours aux minima sociaux en Europe, Un phénomène d’ampleur qui peine à susciter le débat, par Céline Marc, Mickaël Portela (DREES), Cyrine Hannafi, Rémi Le Gall (ERUDITE, université́ Paris- Est Créteil ; DREES), Antoine Rode (ODENORE/PACTE, université́ Grenoble Alpes) et Stéphanie Laguérodie (CES, université́ Paris 1 Panthéon-Sorbonne) https://drees.solidarites-sante.gouv.fr/publications-communique-de-presse/les-dossiers-de-la-drees/quantifier-le-non-recours-aux-minima

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Neue Apotheken für den Norden?

Eine Untersuchung des Wettbewerbsrats im pharmazeutischen Sektor zeigt, dass Luxemburg im Vergleich zur OECD eine geringe Anzahl von Apotheken hat. Der Rat schlägt daher die Schaffung neuer Apotheken vor, um die geografischen Lücken zu schließen. Der DP-Abgeordnete André Bauler hat bei der Gesundheitsministerin nachgefragt, ob es bereits Überlegungen gibt, im Norden des Landes neue Apotheken zu gründen und welche Kriterien bei der Apothekenneugründung ausschlaggebend sind.

weiterlesen...
Prisong Mauer Iwwerwaachung

Wieso dürfen Gefangene des Uerschterhaff nicht arbeiten?

Gefangene des Uerschterhaff dürfen im Gegensatz zu den verurteilten Strafgefangenen in Schrassig nicht arbeiten. Dies obwohl eine Untersuchungshaft zwischen einigen Tagen und ein paar Jahren dauern kann. Wieso wird hier ein Unterschied gemacht und wird sich diesbezüglich noch etwas ändern? Unser Abgeordneter Pim Knaff hat beim zuständigen Ministerium nachgefragt.

weiterlesen...
Diabetes

Gibt es einen Engpass beim Medikament Ozempic?

Das Arzneimittel Ozempic wird zur Behandlung von Diabetes Typ 2 angewendet. Es hilft aber auch beim Abnehmen und wird auch dafür zunehmend gekauft. Da in vielen Ländern bereits von einem Mangel dieses Diabetes-Medikaments die Rede ist, haben die DP-Abgeordneten André Bauler und Gilles Baum bei den zuständigen Ministern nachgefragt, wofür das Medikament hierzulande hauptsächlich eingesetzt wird, ob es auch hier zu einem Mangel kommen könnte, und ob man Ärzten und Apothekern empfehlen sollte, Ozempic nur bei Typ-2-Diabetes herauszugeben.

weiterlesen...