Wunnen

Why do so few people ask for the rent subsidy?

Only 16% of the eligible households make a demand for the rent subsidy. Why is that? DP MP Max Hahn asked the competent minister.

„D’Zil vum Wunngeld (subvention loyer) ass et, virun allem Stéit mat niddregem Akommes beim Bezuele vun hirem Loyer z’ënnerstëtzen. Fakt ass awer, dass laut Aussoe vum Här Wunnengsbauminister nëmme ronn 16% vun den eligibele Stéit dës Hëllef och ufroen.

An deem Kader wollt ech dem Här Wunnengsbauminister folgend Froe stellen:

  • Wéi vill Haiser a wéi vill Appartementer sinn aktuell zu Lëtzebuerg verlount? Wéi hunn dës Chifferen iwwer déi lescht fënnef evoluéiert?
  • Zënter der Aféierung vum Wunngeld, wéi vill Stéit hu pro Joer zu Lëtzebuerg eng Wunneng gelount? Wéi vill dovu ware pro Joer eligibel fir d’Wunngeld unzefroen a wéi vill dovunner hunn et effektiv ugefrot?
  • Wéi vill Demande si refuséiert ginn? Wat waren déi heefegst Grënn fir e Refus?
  • Wat sinn dem Här Minister no d’Grënn, firwat sou wéineg Leit d’Wunngeld ufroen?

Answer

  1. Wéi vill Haiser a wéi vill Appartementer sinn aktuell zu Lëtzebuerg verlount? Wéi hunn dës Chifferen iwwer déi lescht fënnef Joer evoluéiert?

Laut Schätzunge vun Eurostat op Grond vun der Enquête EU-SILC (2020) gehéieren ongeféier 24,5% vun den Awunner engem Stot un dee seng Wunneng op dem private Marché lount. Heibäi sinn allerdéngs déi Stéit net mat abegraff, déi hir Wunneng zu engem Präis lounen, deen ënnert dem Präis vum Marché ass (Locataire vu soziale Wunnengen, Stéit déi duerch Famill oder Frënn ënnerbruecht sinn, oder Stéit déi duerch hiren Employeur ënnerbruecht sinn etc.). 2020 waren also ongeféier 60 000 Haushalter Locatairen um private Marché.

Den Taux vun de Leit, déi zu engem Stot gehéieren, dee seng Wunneng um private Marché lount, louch 2010 bei 27,6%. Bis 2015 ass dësen Taux bis ob 21,7% gefall fir dono erëm ob 24,5% ze klammen. Dës Variatioun an de Resultater vun den Enquêtë kann zum Deel och op d’Spezifizitéite vun der Enquête zréck ze féiere sinn.

  1. Zënter der Aféierung vum Wunngeld, wéi vill Stéit hu pro Joer zu Lëtzebuerg eng Wunneng gelount? Wéi vill dovu ware pro Joer eligibel fir d’Wunngeld unzefroen a wéi vill dovunner hunn et effektiv ugefrot?

Bei der Aféierung vun der Mietsubventioun am Joer 2016 gouf, opgrond der Etude PSELL-3/EU-SILC de 2013 (LISER, STATEC), geschätzt, dat 18.600 Stéit eligibel wiere fir dës Hëllef.

Den 1ten Januar 2018 goufen awer d’Parametere vun der Hëllef ugepasst an d’Zuel vun de potentielle Beneficiaire gouf ausgedeent ob ronn 33.000 Stéit. Doduerch ass den Undeel vun de Locataire déi potentiell eligibel si fir d’Mietsubventioun vu ronn 35% ob ronn 65% geklomment.

Duerch d’Upassung, déi am Abrëll 2020 a Kraaft getrueden ass, sinn nach eng Kéier ronn 3.400 Stéit zousätzlech eligibel ginn. No dëser Reform vun 2020 wieren ongeféier 63% vun de Stéit déi eligibel sinn, am éischte Quintil vum Liewensstandard, 34% am zweete Quintil.

D’Zuel vun de effektive Beneficiairë huet folgendermoossen evoluéiert:

JoerZuel vun den neien UfroënZuel vun de Stéit, déi eng Hëllef ausbezuelt krutenSchätzung vun den eligibele Stéit%
20164.0161.09018.6005,9%
20172.0341.87318.60010,1%
20183.6744.43333.00013,4%
20193.0605.63633.00017,0%
20203.7126.54133.00019,8%
20213.5297.14636.00019,8%

Mëttlerweil hëlt also ronn 1 vu 5 potentielle Beneficiairen d’Mietsubventioun och tatsächlech an Usproch.

  • Wéi vill Demande si refuséiert ginn? Wat waren déi heefegst Grënn fir e Refus?
Joer201620172018201920202021
Zuel vu Refusen1.8171.5721.3056977261.236
Ursaachen      
De Betrag vun der Hëllef war < 25 Euros/Mount091826140
D’Akommes gouf net matgedeelt3104435221014591
D’Akommes war ze héich701548395315365497
De Stot krut eng Subvention vum FNS am Kader vum Revis28512293121015
Den Taux d’effort louch ënnert 25%521450277241283293
Aner Ursaachen   29 340
  • Wat sinn dem Här Minister no d’Grënn, firwat sou wéineg Leit d’Wunngeld ufroen?

Den Observatoire de l’Habitat krut vum Ministère den Optrag eng Studie ze maachen fir ze analyséieren a wéi wäit op d’Subventioun vum Loyer zeréckgegraff gëtt, andeems e sech op Fuerschungsaarbechte vum LISER an der Uni Lëtzebuerg baséiert. Dës Studie steet um Aarbechtsprogramm vun 2022 vum Observatoire de l’Habitat. Et sief dobäi awer schonn dorobber higewisen, datt de Phenomen vum “non-recours” ob Hëllefen déi de Leit eigentlech zoustinn net spezifesch ass fir d’Mietsubventioun oder fir Lëtzebuerg. Esouguer bei der vill méi héijer Sozialhëllef vum Revenu d’intégration social an der Belsch ginn d’Schätzungen dovunner aus, dat bis zu 60% vun de Leit dës Hëllef net ufroen, obwuel se Urecht dorobber hätten.[1]


[1] Les Dossiers de la Drees N° 94 • mars 2022, Quantifier le non-recours aux minima sociaux en Europe, Un phénomène d’ampleur qui peine à susciter le débat, par Céline Marc, Mickaël Portela (DREES), Cyrine Hannafi, Rémi Le Gall (ERUDITE, université́ Paris- Est Créteil ; DREES), Antoine Rode (ODENORE/PACTE, université́ Grenoble Alpes) et Stéphanie Laguérodie (CES, université́ Paris 1 Panthéon-Sorbonne) https://drees.solidarites-sante.gouv.fr/publications-communique-de-presse/les-dossiers-de-la-drees/quantifier-le-non-recours-aux-minima

Would you like this parliamentary question to be translated into English?

Share:

Facebook
Twitter
LinkedIn
Email
WhatsApp

More parliamentary questions

No access to biological results in the LëtzHBM study?

As part of the LNS study ‘LëtzHBM’, biological and environmental samples are collected to determine the presence of chemical substances in private households. The results of the biological samples, unlike the environmental samples, are not systematically communicated to the participants.
DP MP Dr Gérard Schockmel has asked the Minister of Health why these results are not communicated and whether this is compatible with data protection regulations.

read more...

How long are the waiting times at the “Travel Clinic”?

If you are travelling to tropical regions, you can get advice and be vaccinated against various diseases at the CHL’s “Travel Clinic”. However, the waiting times at this clinic are currently said to be quite long.
DP MPs Dr Gérard Schockmel and Gilles Baum have asked the Minister of Health how many patients have been seen at the “Travel Clinic” over the last ten years, how waiting times have developed over this period and whether it would not make sense to make it possible to book appointments online, as is the case with many other CHL services.

read more...

How can the nursing assistant profession be upgraded?

The shortage of nursing staff is one of the biggest challenges facing the current government. In this context, DP MPs André Bauler and Gilles Baum wanted to know from the Minister of Health, among other things, how many nursing assistants are currently working in the country, how many have changed careers in recent years and what measures the government intends to take to make the profession more attractive again.

read more...