Was bedeutet eine Landwirtschaft ohne Kühe?

Was bedeutet eine Landwirtschaft ohne Kühe? Würde in einem solchen Szenario der Ausstoß von Treibhausgasen sinken? Hat dies noch andere Konsequenzen, zum Beispiel für die Ernährungssicherheit? Amerikanische Wissenschaftler haben dazu eine Studie durchgeführt. Der DP-Abgeordnete Gusty Graas fragte den Landwirtschaftsminister, ob ihm diese Studie bekannt sei und ob die gleichen Schlussfolgerungen für Luxemburg gezogen werden könnten.

„Eng rezent amerikanesch Studie mam Titel „Contribution of dairy products to environment impacts and nutrional supplies from United States agriculture“ kënnt zur Konklusioun, datt eng Landwirtschaft ouni Kéi an den USA d’Emissioune vun Zäregasen nëmme geréngfügeg verréngere géif. D’Studie huet och analyséiert wat fir Auswierkungen eng alternativ Landbenotzung vun de Fudderflächen hätt. Dobäi hu si verschidden Zenarien analyséiert, wéi zum Beispill e komplett Ofschafe vun de Mëllechkéi oder och eng Vollweide-Haltung vun de Kéi ouni Mëllechproduktioun. Géifen d‘USA vollstänneg op d’Hale vu Mëllechkéi verzichten, géifen hir Zäregasemissioune just ëm 0,7% erofgoen. Gläichzäiteg wieren awer essentiell Nierstoffer just nach limitéiert verfügbar. De Wëssenschaftler no géifen all d’Zenarien, an deenen d’Emissioune reduzéiert ginn, och d’Disponibilitéit vun essentiellen Närstoffer reduzéieren.

An deem Kader wollt ech dem Här Minister fir Landwirtschaft, Wäibau a ländlech Entwécklung folgend Froe stellen:

  • Ass dem Minister dës Etude bekannt?
  • Kann een d‘Konklusioun aus dëser amerikanescher Etude eventuell och op déi lëtzebuergesch Landwirtschaft iwwerdroen?
  • Gouf zu Lëtzebuerg och schonns analyséiert wat fir en Afloss d’Ofschafen, bzw. d’Verréngere vun de Mëllechkéi op d’Emissioune vun Zäregasen hätt?
  • Falls net, ass esou eng Etude geplangt, besonnesch och an Hisiicht op dat zukünftegt Agrargesetz wat d’Verréngere vum Véibestand virgesäit?“

Antwort

Ass dem Minister dës Etude bekannt?

Et gi vill Etuden zu dësem Sujet. Dës Etude war eis net bekannt, méi mir hunn si mat vill Interessie gelies.

Kann een d’Konklusioun aus dëser amerikanescher Etude eventuell och op déi lëtzebuergesch Landwirtschaft iwwerdroen?

Aus der Siicht vun der lëtzebuerger Regierung ginn d’Erklärunge vum IPCC (“Intergovernmental Panel on Climate Change”) de wëssenschaftleche Kenntnisstand vollstänneg, ausgeglach an objektiv erëm. Den IPCC berécksiichtegt déi weltwäit verfügbar wëssenschaftlech Literatur. Déi Ausgeglachenheet, Zouverlässegkeet a Vollstännegkeet vun dem IPCC sengen Aussoe gëtt duerch detailléiert Prozedure mat engem méistufege Begutachtungverfaren an der Bedeelegung vun Experten aus der ganzer Welt sécher gestallt. Déi lëtzebuerger Regierung gesäit duerfir kee Grond, d’Aussoe vum IPCC zur anthropogener Erwiermung op der Grondlag vun enger eenzeler wëssenschaftlecher Studie ze revidéieren.

Den am Abrëll 2022 verëffentlechte Beitrag vun der Aarbechtsgrupp 3 vum IPCC (https://www.ipcc.ch/report/ar6/wg3/) zur Ofschwächung vum Klimawandel gëtt eng kloer Äntwert op d’Froen no dem Reduktiounspotenzial vum Secteur Land- a Forstwirtschaft an anere Landnotzungen (AFOLU) a vum Ernierungssystem. Ob globaler Ebene sinn 2019 ronn 15% vun de globalen anthropogenen Zäregasemissiounen aus dem AFOLU-Secteur a sinn eppes méi wei 30% vun den Zäregasemissiounen op den Ernierungssystem komm.

Den IPCC-Bericht kënnt zur Conclusioun, dass dës global Zäregasemissioune bis 2030 ëm 43% a bis 2050 ëm 84% am Verglach zu 2019 erofgesat musse ginn, fir d’global Erwiermung op 1,5°C ze begrenzen (Warscheinlechkeet iwwer 50%) mat kengem oder engem begrenzten Depassement, wéi am Klimagesetz vum 15. Dezember 2020 an dem Paräisser Accord virgesinn.

De Rapport weist och Léisungen, wéi dës Ziler kéinten erreecht ginn, a kënnt zur Conclusioun, dass grouss Verännerungen an alle Wirtschaftssecteuren, awer och Moossnamen zur Substitutioun vun der Nofroen néideg sinn, an dës sou séier wéi méiglech weltwäit ëmgesat musse ginn, fir d’Chance ze erhalen, d’global Erwiermung op 1,5°C ze begrenzen.

Déi am Rapport analyséiert nofrobedéngte Substitutiounsmoossnamen, zu deenen och d’Ëmstellung op eng gesond, ausgeglachen a nohalteg Ernierung(hei drënner méi Detailer), d’Reduzéierung vun de Liewensmëttelverloschter an -offäll souwéi och d’Verwendung vu Biomaterialie gehéieren, kéinten zu enger järlecher Reduzéierung vun de globalen Zäregasemissioune vun 2 bis 6 Prozent bäidroen. Doriwwer kënnen eng verbessert an nohalteg Bewirtschaftung vun der Notzfläch a vum Grëngland souwéi d’Kuelestoffbindungen an der Landwirtschaft (dat leescht ëmfaasst d’Bewirtschaftung vum Buedemkuelestoff an de Notzplanzen a Grëngland, Agroforstwirtschaft a Biokuel) zu enger weiderer Reduzéierung vun de globalen Zäregasemissiounen ëm 3-7% pro Joer bäidroen.

Eng “gesond a nohalteg Ernierungsweis” promovéiert all Dimensioune vun der Gesondheet an dem Wuelbefanne vun dem Eenzelen; si huet eng méi geréng Belaaschtung an Auswierkung op d’Ëmwelt; si ass zougänglech, bezuelbar, sécher a fair a si ass kulturell akzeptabel, wéi vun der Ernierung- a Landwirtschaftsorganisatioun vun de Vereenegten Natiounen (FAO) an der Weltgesondheetsorganisatioun (WHO) beschriwwen. Dat verwennt Konzept vun der “ausgeglachener Ernierung” bezitt sech op Regimmer, déi souwuel planzlech Liewensmëttel, wéi z.B. Kären, Leguminosen, Uebst a Geméis, Nëss a Som wéi och déierlech Liewensmëttel enthalen, déi a widderstandsfäegen, nohaltegen an Zäregasaarme Systemer produzéiert ginn.

Den IPCC-Rapport wéist also däitlech, dass ee Wiessel zu enger gesonder a nohalteger Ernierungweis een net onwichtege Bäitrag ka sinn, fir d’Beméiungen zu der Andämmung vun den Zäregasen ze erreechen, déi noutwendeg wieren, fir déi global Erwiermung op 1,5°C ze limitéieren, wärend gläichzäiteg eng ausgeglachen a gesond Ernierung séchergestallt gëtt an ee Bäitrag zu den Ziler vun de Vereenten Natioune fir nohalteg Entwécklung, besonnesch dem Zil vun der Hongerbekämpfung, geleescht ka ginn.

Gouf zu Lëtzebuerg och schonns analyséiert, wat fir een Afloss d’Ofschafen, bzw d’Verréngere vun de Mëllechkéi op d’Emissioune vun Zäregasen hätt?

Et si Schätzunge gemaach ginn, wat d’Verréngerung vum Véibestand géif bréngen. 5% manner Véi wier equivalent mat 4% manner Zäregasen aus der Landwirtschaft. D’Landwirtschaft war 2020 fir knapps 8% vun de Gesamtemissioune vu Lëtzebuerg verantwortlech (Quell: NIR 2022; https://unfccc.int/documents/461887).

Falls net, ass esou eng Etude geplangt, besonnesch och an Hisiicht op dat zukünftegt Agrargesetz, wat d’Verréngere vum Véibestand virgesäit?

Et si Schätzunge gemaach ginn. An dës, wéi och aner Punkten, solle nei analyséiert ginn esou bal den Update vum Model fäerdeg ass. Deen, bedéngt duerch d’Uwendung vu neie Guidelines, déi bis nächst Joer ze applizéiere sinn, néideg ass.

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Helfen diagnostische Schnelltests gegen Antibiotikamangel?

Frankreich erwägt, die Verschreibung von Antibiotika nur dann zu erlauben, wenn vorab ein diagnostischer Schnelltest durchgeführt wird. Damit lässt sich mit Sicherheit feststellen, ob es sich um eine bakterielle oder virale Infektion handelt.
Dies könnte einerseits dem Mangel an Antibiotika entgegenwirken und andererseits die Antibiotikaresistenz verringern.
Die DP-Abgeordneten Gilles Baum und Gusty Graas haben bei der Gesundheitsministerin nachgefragt, wie viele Antibiotika in den letzten fünf Jahren in Luxemburg verschrieben wurden und ob Ärzte stärker für die Verschreibung diagnostischer Tests sensibilisiert werden sollten.

weiterlesen...

Wie viele Patienten haben keinen Termin mehr in einem hauptstädtischen Krankenhaus erhalten?

Kürzlich hat ein Krankenhaus in der Hauptstadt Briefe an Patienten verschickt, in denen ihnen mitgeteilt wurde, dass einige medizinische Abteilungen keine neuen Termine mehr annehmen können – es sei denn, es handele sich um einen Notfall oder einen hochkomplexen Fall.
Der DP-Abgeordnete Gusty Graas hat bei der Gesundheitsministerin nachgefragt, wie es zu dieseM Kapazitätsengpass kommen konnte, ob andere Krankenhäuser ebenfalls betroffen sind und was gegen diese Situation unternommen wird.

weiterlesen...

Kommt es zur Kommerzialisierung therapeutischer Wohnstrukturen?

Therapeutische Wohnstrukturen werden derzeit von der konventionierten Psychiatrie im außerklinischen Bereich für Menschen mit psychischen Problemen angeboten.
Nun kursieren Gerüchte, dass das Gesundheitsministerium plant, einem kommerziellen Unternehmen den Auftrag zur Verwaltung solcher therapeutischen Wohnstrukturen zu erteilen.
Die DP-Abgeordneten Gusty Graas und Gilles Baum haben bei der Gesundheitsministerin nachgefragt, ob diese Gerüchte der Wahrheit entsprechen und falls ja, warum dieser Weg eingeschlagen wird, anstatt bestehende Akteure aus der konventionierten außerklinischen Psychiatrie zu unterstützen.

weiterlesen...

Kommt es auch in Luxemburg zum Missbrauch vun „Protonenpumpenhemmern”?

Laut einer aktuellen wissenschaftlichen Studie erhöht die langfristige Einnahme sogenannter „Protonenpumpenhemmer“ (IPP), welche gegen Magenbeschwerden eingesetzt werden, das Risiko an Demenz zu erkranken. Der DP-Abgeordnete Gusty Graas hat bei den zuständigen Ministern nachgefragt, ob ihnen diese Studie bekannt ist, welche Schlussfolgerungen sie aus ihr ziehen und ob Zahlen zum Einsatz von IPP in Luxemburg bekannt sind.

weiterlesen...