„Déi national Vëlospist PC35 soll an Zukunft eng Verbindung vun der Käerjenger-Suessemer Gare, iwwer Dippech an d‘Dippecher Gare, bis op Bartreng an an d’Stad schafen. A senger Äntwert op déi parlamentaresch Fro n°2407 vum 17. Juni 2020 hat den Här Minister geschriwwen, dass zu deem Moment verschidden Avant-projeten am Gaange wieren ausgeschafft ze ginn, notamment wat d’Ënnerféierung vun der N5 op der Héicht vun der Gréiwelsbarrière an d’Opdroe vu engem feste Belag am Bësch tëscht Dippech a Bartreng betrëfft.
An deem Kader wollte mir dem Här Minister fir Mobilitéit an ëffentlech Aarbechten folgend Froe stellen:
- Wou sinn déi verschidden Aarbechten um PC35 drun?
- Wéini wäerten déi éischt Ofschnëtter vum PC35 fir d’Ëffentlechkeet kënnen opgoen?
- Wéini sollen alleguer d’Aarbechten op der ganzer Längt vum PC35 ofgeschloss sinn?“
