Animal feed in agriculture

What do the forecasts for this winter indicate regarding the stock of animal feed and how badly will the supply shortages impact the situation? DP MP André Bauler asked these and other questions to the Minister of Agriculture.

„De Moment loossen nach vill Baueren d’Béischten op der Weed, well d’Fuddersituatioun op de Wisen sech zanter dem verreente September spierbar verbessert huet. Déi aktuell, bal summerlech Temperature loossen d’Gras nach effektiv e bësse wuessen. An dach riskéiert et de Wanter iwwer méi enk mam Fudder ze ginn, engersäits wéinst der laanger Dréchent an anerersäits wéinst méigleche Liwwerengpäss.

Dofir wollt ech dem Här Landwirtschaftsminister folgend Froe stellen:

  • Verfüügt den Här Minister iwwer ee gewëssenen Iwwerbléck betreffend d’Fuddersituatioun an eise Betriber? Wat sinn d’Réckmeldungen aus dem Secteur? 
  • Bei wat fir enge Fuddermëttel ass am Wanter an och soss mat Liwwerengpäss ze rechnen?
  • Kann den Här Minister mer d’Entwécklung vun de Präisser an dësem Beräich zanter Juli 2022 opweisen?

Answer

Verfüügt den Här Minister iwwer ee gewëssen Iwwerbléck betreffend d’Fuddersituatioun an eise Betriber? Wat sinn d’Réckmeldungen aus dem Secteur?

D’Situatioun mam Grondfudder ass net op all Betrib déi selwecht. Dëst ass bedéngt duerch regional ënnerschiddlech Recolten am Gréngland, mee och am Mais. Ufank September ass am Landesduerchschnëtt eng Perte un Trockenmassertrag vun 30% am Gréngland ugeholl ginn. Mat regional groussen Differenzen, sou dass et regional och 50% Perten an méi konnte sinn. Betraffe Betriber hu well zum Deel reagéiert an och schonns Grondfudder a Form vun Hee oder Mais bäikaaft.

Ufank September huet de Reen gehollef, dat sech d’Gréngland erëm séier erholl huet, soudass Ufank Oktober an Enn Oktober bal am ganze Land nach ee Schnatt op de Grénglandparzelle gemaach konnt ginn. Doduerch huet sech d‘Situatioun beim Grondfuddermëttel Gras zimmlech entspaant.

Aktuell ass et och nach ëmmer méiglech, den Opwuess vum Gréngland iwwert Weedvéi ze notzen, sou dass Wanterreserven agespuert kënne ginn.

     Bei der Recolte vum Mais hunn virun allem den Osten an de Süde vum Land méi Perten ze verzeechnen. D’Recolte huet extrem fréi ugefaangen, an déi recoltéiert Wuer war zimmlech dréchen, well vill Bestänn verdréchent waren. D‘Stärkegehalter sinn niddreg, an déi recoltéiert Wuer huet sech schlecht am Silo verdichte gelooss, sou dass eng gutt Gärung net garantéiert konnt ginn. Well vill Betriber gutt Parzellen an och méi schlechter mat Mais haten, ass et immens schwéier ze soen, wéi vill Betriber genau betraff sinn.

●  Bei wat fir enge Fuddermëttel ass am Wanter an och soss mat Liwwerenkpäss ze rechnen?

     Bei de Fuddermëttel, déi vun de Betriber zoukaf ginn, ass am Moment net direkt mat kritesche Liwwerenkpäss ze rechnen. Beim Sojaextraktiounsschrot ass et am Moment heiansdo e bësse méi schwiereg. D‘Disponibilitéit ass am allgemenge ginn, méi kriddeleg ass et mat dem Transport, well et Enkpäss an den Transportkapazitéite gëtt, an doduerch den Organisatiounsobwand méi grouss ass.

●  Kann den Här Minister mer d’Entwécklung vun de Präisser an dësem Beräich zanter Juli 2022 opweisen?

     D’Präisentwécklung zanter dem Mount Juli ass méi roueg verlaf wéi dat an de Méint Februar bis Juli de Fall war. D’Grafik hei hannendrun stellt déi tatsächlech Entwécklung vum Präisindex vun de Fuddermëttel fir Déiere vum Januar 2022 bis Enn September duer a gëtt och en Ausbléck op de Mount Oktober (gepunktelt Linnen). De ponderéierten Index fir d’Fuddermëttel fir Déiere läit Enn September 1,3% méi héich wéi am Juli an 18,7% méi héich wéi am Januar 2022. Zu Lëtzebuerg gëtt et keng vergläichbar Zuelen iwwer Präisser fir Grassilage, Hee oder aner Grondfuddermëttel, an deemno sinn dës och net am Index agerechent.

Would you like this parliamentary question to be translated into English?

Share:

Facebook
Twitter
LinkedIn
Email
WhatsApp

More parliamentary questions

Do rapid diagnostic tests help against antibiotic shortages?

France is considering only allowing antibiotics to be prescribed if a rapid diagnostic test is carried out beforehand. This would make it possible to determine with certainty whether the infection is bacterial or viral.
This could on the one hand counteract the lack of antibiotics and on the other hand reduce antibiotic resistance.
DP MPs Gilles Baum and Gusty Graas asked the Minister of Health how many antibiotics have been prescribed in Luxembourg in the last five years and whether doctors should be made more aware of prescribing diagnostic tests.

read more...

Is therapeutic housing being commercialised?

Therapeutic housing is currently offered by approved outpatient psychiatric services to people suffering from mental health problems.
Rumours are now circulating that the Ministry of Health is planning to entrust the management of therapeutic housing to a commercial company.
DP MPs Gusty Graas and Gilles Baum asked the Minister for Health whether these rumours were true and, if so, why this course of action was being pursued rather than supporting the existing players in approved outpatient psychiatry.

read more...

Is there also abuse of “proton pump inhibitors” in Luxembourg?

According to a recent scientific study, the long-term use of so-called “proton pump inhibitors” (IPP), which are used to treat stomach problems, increases the risk of developing dementia. The DP MP Gusty Graas asked the responsible ministers whether they are aware of this study, what conclusions they draw from it and whether figures on the use of IPPs in Luxembourg are known.

read more...