Baugewerbe: mehr Insolvenzen während der Pandemie?

Der Abgeordnete André Bauler hat sich bei den zuständigen Ministern über die Gründe der rezenten Insolvenzen im Baugewerbe informiert.

 „Genee wéi 2020 ass d’Zuel vun de Faillitten och am Joer 2021 relativ stabel bliwwen. Déi gefaarte Well un Insolvenzen ass also och am zweete Joer vun der Pandemie ausbliwwen. Intressant ass et awer, datt am Bausecteur d’Failliten geklomme sinn, an dat trotz exzellenter Konjunktur. 

An deem Kader wollt ech dem Här Wirtschaftsminister, dem Här Minister fir Mëttelstand an der Madamm Justizministesch folgend Froe stellen: 

  • Wat sinn d’Ursaache vun den Insolvenzen am Bausecteur? 
  • A wéi engem Mooss huet d’Pénurie u Baumaterial, bedéngt duerch d’Corona-Pandemie, eventuell zu dëser Hausse bäigedroen ? 
  • Wéi entwéckelt sech de Bausecteur de Moment: kënnt et do éischter zu enger Konzentratioun vu wirtschaftlecher Muecht an den Hänn vun e puer grousse Betriber, oder bleift de Secteur weiderhinn staark konkurrenziell? “

Antwort

Ad 1° 

Am Joer 2021 goufen et bedeitend méi Betriber am Bausecteur wéi déi Jore virdrun an d’Gesamtzuel vun den Insolvenzen ass deementspriechend och geklommen. Wann een d’Zuel vun dëse sektoriellen Insolvenze mat der Unzuel vu Betriber aus dem Secteur vergläicht, da stellt ee fest, dass den Undeel vu Faillitten am Secteur stabel bliwwen ass.

Joer2018201920202021
Betriber am Bausecteur [1]3.7483.8974.0364.430
Insolvenzen am Bausecteur [2]114150111126
% vun den Insolvenzen3,0 %3,8 %2,8 %2,8 %
[1] Source : Chambre des Métiers [2] Source : STATEC

Obwuel de Bausecteur Ufanks 2020 fir fënnef Wochen duerch de Lockdown impaktéiert war, huet sech d’Handwierk wärend der gesamter Pandemie-Kris als relativ resilient erwisen. Just vereenzelt Betriber si Pandemie-bedéngt an d’Laberente geroden ; dëst war awer haaptsächlech duerch Ausfäll beim Personal bedéngt a manner duerch e Manktem un Aarbecht. D’Pandemie hat deemno kee substantiellen Impakt op d’Unzuel vun de Faillitten am Bausecteur. D’Grënn vun de Faillitte sinn dofir och gréisstendeels déi selwecht wéi dat scho virun der Covid-Kris de Fall war an den Haaptgrond vun den Insolvenze bleift dee vun enger schlechter Gestioun. 

Zousätzlech kann een erwänen dass d’ Faillitte vum Geriicht prononcéiert ginn, wann déi folgend Konditiounen erfëllt sinn: d’cessation des paiements an den ébranlement du crédit. Et gëtt also keen Ënnerscheed an och keng Statistike gemaach tëschent den Ursaachen déi dozou gefouert hunn dat dës Konditiounen erfëllt sinn.

Ad 2°

Et ass richteg, dass d’Pandemie zu eenzele Penurien u Baumaterial gefouert an d’Präisentwécklung och zum Deel impaktéiert huet. Dës punktuell Penurien hunn awer héchstens zu engem marginalen Deel zu den Insolvenze bäigesteiert.

Ad. 3

Wéi de Conseil de la concurrence et op Nofro hin bestätegt léisst d’Entwécklung vun der Gesamtzuel un Entreprisen am Bausecteur net erkennen dat d’Konkurrenzsituatioun sech verschlechtert hätt.

Et ass och keng aussergewéinlech Hausse un Faillitten am Secteur ze erkennen déi kéint op spezifesch Konkurrenzproblemer hiweisen.

Konzentratiounen tëscht Entreprisen, dëst a Form vu Fusiounen an Acquisitiounen, kënnen och d’Verschwanne vu verschiddene Betriber erklären. Hei gi Firmen zesummen, déi virdrun onofhängeg vun enee operéiert hunn, méiglecherweis souguer Konkurrente waren. An dësem Fall ass de méiglechen Impakt op d’Konkurrenzsituatioun méi direkt ewéi bei Faillitten.

De Wirtschaftsministère evaluéiert de Moment an enker Zesummenaarbecht mam Conseil de la concurrence d’Méiglechkeet fir en Mechanismus vum Kontroll vun de Konzentratioune bei de Betriber am nationale Recht anzeféieren. An deem Kontext gouf den 20 Januar 2022 eng ëffentlech Consultatioun lancéiert zu der Méiglechkeet an de Modalitéite fir en Kontroll vun de Konzentratiounen : 

(https://gouvernement.lu/fr/actualites/toutes_actualites/communiques/2022/01-janvier/20-consultation-publique.html).

Dës Consultatioun leeft nach bis Enn Mäerz an erméiglecht allen intresséierte Partien hiren Avis zu esou engem Kontrollmechanismus ofzeginn. Esou eng Kontroll vun de Konzentratioune géif et an Zukunft erlaben d’Unzuel an Ausmooss vun de Fusiounen an de verschiddene Secteure méi no ze suivéieren, och wat hiren Impakt op de Marché ugeet.

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Rechte schwangerer Selbständiger stärken

Schwangere Arbeitnehmerinnen können vor dem Mutterschaftsurlaub eine bezahlte berufliche Freistellung beantragen, wenn sie z.B. aus gesundheitlichen Gründen arbeitsunfähig sind. Selbständige haben diese Möglichkeit nicht, was sich negativ auf die Neuberechnung ihrer Vergütung für den Mutterschaftsurlaub auswirken kann.
Die DP-Abgeordneten Carole Hartmann und Mandy Minella wollten von den zuständigen Ministern wissen, ob eine vergütete Freistellung oder ein gleichwertiger Mechanismus für schwangere Selbstständige eingeführt wird.

weiterlesen...

Kommt eine Apotheke nach Bettendorf ?

2023 lehnte die damalige Gesundheitsministerin die Installation einer Apotheke in Bettendorf ab. Da die Bevölkerung in der Region um Bettendorf weiter wächst, hat der DP-Abgeordnete André Bauler bei der neuen Gesundheitsministerin nachgefragt, ob sie die Entscheidung ihrer Vorgängerin noch einmal überdenken würde. Wurde die Gesundheitsministerin möglicherweise bereits von der Gemeinde Bettendorf kontaktiert und könnten weitere Gemeinden eine neue Apotheke bekommen?

weiterlesen...

Einführung eines Hautkrebs-Screenings?

Seit 2008 gibt es in Deutschland für alle Versicherten ab 35 Jahren ein Hautkrebs-Screening. Dadurch werden viele Fälle von Hautkrebs früher erkannt.
Die DP-Abgeordneten André Bauler und Gilles Baum wollten von der Gesundheitsministerin wissen, wie sich die Hautkrebszahlen hierzulande seit 2013 entwickelt haben, ob ein solches Screening auch in Luxemburg sinnvoll wäre und warum nur die Zahlen für Melanome (schwarzen Hautkrebs) erhoben werden.

weiterlesen...