Atert Natur Ëmwelt Baach Floss

Danger from tree trunks in the Attert?

DP MPs André Bauler and Gusty Graas point out to the Ministry of the Environment that there are still tree trunks in the Attert river that pose a threat to the SEBES bridge. They are therefore asking the Minister what is being done to counter this risk and whether there are other places along the Attert where fallen trees could lead to jams during floods?

„An der Atert leien de Moment, nom Héichwaasser vu Mëtt Juli 2021, Bamstämm, déi bei engem neien Héichwaasser d’SEBES-Bréck tëschent Iewerleng an Useldeng blockéiere kënnen.

Iert d’Atert dann iwwert den Damm vun der SEBES-Bréck fléisst, géif se fir d’éischt bis zu dräi Meter héich an der Haaptstrooss vun Iewerleng stoen, wat et mat alle Mëttel ze verhënnere gëllt, wéinst dem grousse Schued, deen da géif entstoen.

Well d’SEBES-Bréck jo awer net als Staumauer gebaut ginn ass, ass d’Gefor grouss, datt se vum Waasser ewech gedréckt gëtt, an domat Drénkwaasserleitung tëschent Esch-Sauer an dem Rescht vum Land ënnerbrach wier.

An deem Kader wollte mir der Madamm Ministesch fir Ëmwelt, Klima an nohalteg Entwécklung folgend Froe stellen:

  • Ass d’Madamm Minister vum Waasserwirtschaftsamt iwwer dës präzis Problematik informéiert ginn? Wa jo, wat fir Aarbechte musse genee duerchgefouert gi fir dës Gefor ze behiewen a bis wéini kann dat de Fall sinn?
  • Ass d’Madamm Minister och nach iwwer aner Plaze laanscht d’Atert a Kenntnis gesat ginn, wou ëmgefalle Beem zu Stau-Situatiounen am Fall vun Héichwaasser kéinte féieren?“

Answer

  1. Ass d’Madamm Minister vum Waasserwirtschaftsamt iwwer dës präzis Problematik informéiert ginn? Wa jo, wat fir Aarbechte musse genee duerchgefouert gi fir dës Gefor ze behiewen a bis wéini kann dat de Fall sinn?

No den Iwwerschwëmmungen vu Mëtt Juli, stung d’Waasserverweltung am enken Kontakt mat de Gemengen an huet vill Baachen kontrolléiert fir sécher ze stellen dat keng zousätzlech Schied géifen entstoen. De Service Projets et entretien vun der Waasserverwaltung huet ausserdeem vill urgent Interventiounen duerchgefouert fir ugeschwëmmten Material aus de Baachen eraus ze huelen fir de gudden Duerchfloss vum Gewässer nees ze erméiglechen.

D’Waasserverwaltung ass nom Héichwaasser vu Mëtt Juli net iwwert dës präzis Problematik informéiert ginn. No enger rezenter Visitt vun der Atert uewerhalb vun der SEBES-Bréck huet d’Waasserverwaltung festgestallt dass effektiv op zwou Platzen e puer Beem an d’Baach gefall sinn déi eng eventuell Gefor kéinten duerstellen wann si an engem Héichwaasserfall géifen fortgeschwemmt ginn. Déi Beem kënnen mat Hëllef vun Trakteren resp. aneren Maschinnen aus der Baach erausgezunn ginn. D’Waasserverwaltung wäert dës Aarbechten an der Woch vum 20 September duerchféieren.   

  • Ass d’Madamm Minister och nach iwwer aner Plaze laanscht d’Atert a Kenntnis gesat ginn, wou ëmgefalle Beem zu Stau-Situatiounen am Fall vun Héichwaasser kéinte féieren?

Ausser op enger Platz an der Gemeng Bissen ass d’Waasserverwaltung net iwwer aner Plazen laanscht d’Atert a Kenntnis gesat ginn wou emgefalen Beem zu Stau-Situatiounen am Fall vun Héichwaasser kéinte féieren. Allgemeng fiert d’Waasserverwaltung d’Baachen reegelméisseg of fir ze kontrolléieren wou Beem oder aner Obstruktiounen sinn déi eng Gefor am Fall vun Héichwaasser kéinten duerstellen, esou och nom Héichwaasser am Juli. Et ass allerdéngs net méiglech fir all Platz ze erkennen. Dat hänkt och mat der Accessibilitéit vun den jeeweilegen Deeler vun de Baachen an den Terrain’en of. Dofir ass et wichteg dass extern Acteuren sech bei der Waasserverwaltung mellen falls hinnen esou Situatiounen opfalen. Déi zoustänneg Servicer vun der Waasserverwaltung kënnen dann op der Platz d’Situatioun ofschätzen an eventuell noutwendeg Aarbechten koordinéieren.

Would you like this parliamentary question to be translated into English?

Share:

Facebook
Twitter
LinkedIn
Email
WhatsApp

More parliamentary questions

Will the on-call service of paediatrics at Kirchberg continue to be guaranteed?

The Ministry of Health and the Hospital Association have recently signed an agreement on the compensation of on-call and stand-by duty of doctors in hospitals. DP MPs Gilles Baum and Carole Hartmann have heard that only one on-call service is planned for paediatrics at Kirchberg. No on-call service was planned for paediatric surgery. Therefore, they wanted to know from the Minister of Health whether the on-call service can be ensured by a single paediatrician and how any capacity problems can be solved.

read more...
Santé et sécurité au travail

How often was labour law violated?

In recent years, the Labour Inspectorate has hired new inspectors to carry out checks on construction sites and workplaces. DP MPs André Bauler and Carole Hartmann asked the Minister of Labour, among other things, how often labour law was violated, which sectors were affected and what sanctions were imposed.

read more...