André Bauler

D’Lëtzebuerger Kreativwirtschaft weider fërderen

Déi nei Technologie verspriechen interessant Méiglechkeete fir d‘Lëtzebuerger Kreativwirtschaft, mee de Mangel u bezuelbaren Infrastrukturen ass eng grouss Barrière fir d’Entrepreneren.

An deem Kader huet den DP-Deputéierten André Bauler eng erweidert Fro un de Mëttelstandsminister iwwert d’Entwécklung an d‘Zukunftsperspektive vun der Lëtzebuerger Kreativwirtschaft gestallt, déi de 16. Mäerz an der Chamber diskutéiert ginn ass.

„Am Regierungsprogramm hu mir eis fir eng Stäerkung vun der Lëtzebuerger Grënnerkultur engagéiert. Och an Zukunft muss d‘Regierung weiderhin an d‘Kapazitéite vun der Économie Créative investéieren, a besonnesch déi jonk Entrepreneren a Start-uppen ënnerstëtzen“, esou den André Bauler.

A senger éischter Fro wollt den Deputéierte wëssen, wéi vill Aarbechtsplazen an de leschten 3 Joren an dësem Secteur geschaaft gi sinn. Dono huet hie gefrot, a wéi enge Gemengen nach Potenzial géif bestoen, fir nei Plazen an Ateliere fir d‘Kënschtler an d‘Acteure vun der Économie Créative ze schafen. D’Konsequenze vun der Pandemie an d’Previsioune fir d’Zukunft ware weider Themen, déi den Deputéierten ugeschwat huet.

Fakt ass, dass dëse Secteur en enorme Wuesstemspotential huet, deen et gëllt, weider z‘ënnerstëtzen, wat och eng vun de Prioritéite vum Mëttelstandsministère ass. (Lex Delles)

D‘Kreativwirtschaft ëmfaasst den Ament eng 2.200 Entreprisen a beschäftegt 13.000 Leit, esou de Ressortminister Lex Delles a senger Äntwert.

Mat der Grënnung vum „Luxembourg Creative Industries Cluster“ am Januar 2017 ass deen éischte Stee geluecht ginn, fir d’Acteure vun der Kreativwirtschaft mateneen ze vernetzen, hir Zesummenaarbecht ze fërderen an d’Visibilitéit vum ganze Secteur ze stäerken.

Dem Minister no kënnen déi sougenannten creative Hubseng Léisung fir de Problem vun den Infrastrukture sinn. Den Déifferdenger „Hub 1535“ wär den Ament deen eenzegen, staatlech gefërderte Projet vun där Zort, mee et géifen eng Rei privat Acteure ginn, déi änlech „Open Space“-Konzepter ubidden.

Wat d’Konsequenze vun der Pandemie betrëfft, wäre besonnesch d’Beräicher vum „Evenementiel“ a vun de „Performing Arts“ staark betraff. D‘Entreprisen aus dem digitale Beräich wären dogéint besser duerch d’Kris komm.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
Claude Lamberty

De Jonken déi néideg Perspektiven an der Pandemie ginn

Grad elo an der Pandemie brauchen déi Jonk Perspektive fir mat der psychologescher Belaaschtung kënnen ëm ze goen. An enger erweiderter Fro wollt den DP-Deputéierte Claude Lamberty dowéinst vum Bildungsminister wëssen, wat d’Auswierkunge vun der Kris op déi mental Gesondheet vun deene Jonke sinn, a wat a Saache Preventioun vu Jugendgewalt gemaach gëtt.

weiderliesen...