Blo Luucht

Genuch Personal fir d’Ambulanzen zu Ettelbréck?

D'DP-Deputéiert André Bauler a Max Hahn goufen dorops opmierksam gemaach, datt et zu Ettelbréck de Moment Schwieregkeete gëtt fir d'Ambulanze mat genuch Personal ze besëtzen. An dem Kontext, hunn béid Politiker ënnert anerem bei der Inneministesch nogefrot wéi et mat der Disponibilitéit vu Benevoller ausgesäit.

Fro

„Et ass eis zu Ouere komm, datt et zu Ettelbréck aktuell Probleemer gëtt fir d’Ambulanze mat genügend Personal besat ze kréien. Et wieren nämlech net genuch Benevoller disponibel. Et versteet sech awer vum selwen, datt den Noutdéngscht personell gutt opgestallt muss sinn, virun allem, wann ee bedenkt, datt ëmmer méi Leit an d’Nordstad an an d’Uertschafte ronderëm wunne kommen.


An deem Kader wollte mir der Madamm Inneministesch folgend Froe stellen:

  • Kann d’Madamm Ministesch Prezisioune liwweren iwwert d’Zuel vun de Professionellen, déi an deene verschiddene CGDIS-Zentren an an de Gemengen aus dem Kanton Dikrech an dem Kanton Veianen schaffen oder affektéiert sinn? Wéi vill Fräiwëlleger (Ambulanz a Pompjeeën) sinn hei de Moment am Asaz? Wéi huet sech hir d’Zuel zanter 2018 entwéckelt?
  • Stëmmt et, datt am CGDIS Ettelbréck eng Rëtsch benevol Leit den Déngscht quittéiert hunn? Wa jo, wat sinn déi genee Ursaachen, déi dës Entscheedung motivéiert hunn? Wat huet dat fir Konsequenzen, besonnesch fir den Ambulanzendéngscht? Gëtt et aner Gemengen am Kanton Dikrech, wou änlech Erfarunge gemeet goufen?
  • Wéi gesäit de Rekrutement vu Professionellen an dësem Beräich fir déi betraffe Kantonen an noer Zukunft aus?“

Äntwert

Fro 1

D’Kantoner hu fir den operationelle Fonctionnement vum CGDIS keng Bedeitung, well d’Asazzenteren (CIS) sech all am Asaz géigesäiteg an onofhängeg vun administrative Grenzen ënnerstëtzen. Ausserdeem ënnerscheede sech d’Grenze vun den administrative Verwaltungseenheete vum CGDIS (Zonen a Groupementer) vun de Kantonsgrenzen. Deemno géing eng isoléiert Betruechtung vun de Memberzuelen an de Kantoner Dikrech a Veianen en onvollstännegt an och verzerrtent Bild iwwert d’Memberzuele vum CGDIS liwweren.

Allgemeng ass d’Zuel vun de fräiwëllege Pompjeeën an alle Kategorien (Pompiers opérationnels, Pompiers de support, Vétérans) an der Zon Norden zënter der Grënnung vum CGDIS stabil bliwwen, d’Zuel vun de Haaptamtleche gouf verdräifacht an och d’Jugendpompjeeë konnte weider gestäerkt ginn.

Fro 2

Objektiv betruecht stellt ee fest, datt den Effektiv vum CIS Nordstad (virum 1.1.2022 CIS Ettelbréck a CIS Dikrech) stabil bliwwen ass zënter der Grënnung vum CGDIS:

Entwécklung vun de Memberzuele CIS Ettelbréck & Dikrech / CIS Nordstad

Statut20182019202020212022
Haaptamtlech Pompjeeën816202328
Fräiwëlleg Pompjeeën141153157152171
Total operationell Pompjeeën149169177175199
Pompiers de support33333
Administratiivt an technescht Personal00000
Jugendpompjeeën59101112
Veteranen5453494343
Total211234239232257

Fro 3

Am Kader vum Plan national d’organisation des secours (PNOS) gouf eng landeswäit Strategie fir de weidere Recrutement vu fräiwëllegen an haaptamtleche Pompjeeën ausgeschafft a validéiert. Am Kader vun der Ëmsetzung vum PNOS gëtt och un de Konzepter a Prioritéite vun der weiderer Verdeelung vun den haaptamtleche Ressourcë vum CGDIS an den nächste Jore geschafft, dëst awer aus enger nationaler Vue, fir iwwerall am Land a manner wéi 15 Minutten z’intervenéieren. Eng isoléiert Vue op zwee eenzel Kantoner géing och hei en onvollstännegt Bild iwwert d’Entwécklung vum Rettungsdéngscht hei am Land liwweren.

De CIS Nordstad ass fir de gesamten Norde vum Land e strategesch ganz wichtege Standuert a wäert och an den nächste Joren weider developpéiert ginn.

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...

Wéi vill Frae gi wärend der Schwangerschaft an Dispens gesat ?

D’Aarbechtsrecht gesäit vir, datt schwanger Fraen op der Aarbecht verschidden Tâchen net iwwerhuelen dierfen. D’Gesetz gesäit dofir een Amenagement vun der Aarbechtsplaz vir oder eng Reaffektatioun op een anere Posten. Ass béides net méiglech, da muss d’Fra an Dispens gesat ginn.
D’DP-Deputéiert Corinne Cahen a Carole Hartmann wollte vun der Gesondheetsministesch ënnert anerem wëssen, wéi vill Frae pro Secteur an Dispens gesat ginn, wéi oft ee Recours géint eng Dispens vum Patron agereecht gouf an opgrond vu wéi enge konkrete Krittären d’Aarbechtsdokteren eng Dispens decidéieren.

weiderliesen...

Sollten den LNS a Privatlaboe bei Biopsien net méi zesummeschaffen?

Fir der laanger Waardezäit bei der Analyse vu Biopsien entgéint ze wierken, huet den LNS, deen hei ee Monopol huet, eng Rei Mesüren en place gesat.
D’DP-Deputéiert Mandy Minella an Dr Gérard Schockmel hu bei der Gesondheetsministesch nogefrot, wéi een Impakt dës Mesüren op d’Waardezäiten haten an ob net awer eng gréisser Zesummenaarbecht mat Privatlaboen envisagéiert sollt gi fir d’Delaie weider ze verkierzen.

weiderliesen...

Kee Remboursement méi fir dermatoskopesch Fotoen ?

Am Kader vun der Ënnersichung bei engem Hautdokter kënne Fotoe vu verdächtege Plazen op der Haut gemaach ginn, wou de Risiko besteet, datt sech Hautkriibs entwéckele kéint. Dem DP-Deputéierte Gusty Graas gouf elo zougedroen, datt dës Fotoen net méi vun der Krankekeess rembourséiert ginn. An enger parlamentarescher Fro un d’Gesondheetsministesch wëll de liberale Politiker ënnert anerem gewuer gi firwat dës Decisioun geholl gouf a wéi vill Patienten esou Fotoe beim Hautdokter an de leschte 5 Joer rembourséiert kruten.

weiderliesen...