Blo Luucht

Genügend Personal um den Ambulanzdienst in Ettelbrück zu gewährleisten?

Die DP Abgeordneten André Bauler und Max Hahn wurden informiert, dass es in Ettelbrück derzeit Schwierigkeiten mit der personellen Aufstellung gibt um den Ambulanzdienst zu gewährleisten. Beide Politiker fragten in diesem Zusammenhang unter anderem beim Innenministerium nach, wie es mit der Verfügbarkeit von Freiwilligen aussieht.

Fro

„Et ass eis zu Ouere komm, datt et zu Ettelbréck aktuell Probleemer gëtt fir d’Ambulanze mat genügend Personal besat ze kréien. Et wieren nämlech net genuch Benevoller disponibel. Et versteet sech awer vum selwen, datt den Noutdéngscht personell gutt opgestallt muss sinn, virun allem, wann ee bedenkt, datt ëmmer méi Leit an d’Nordstad an an d’Uertschafte ronderëm wunne kommen.

An deem Kader wollte mir der Madamm Inneministesch folgend Froe stellen:

  •  Kann d’Madamm Ministesch Prezisioune liwweren iwwert d’Zuel vun de Professionellen, déi an deene verschiddene CGDIS-Zentren an an de Gemengen aus dem Kanton Dikrech an dem Kanton Veianen schaffen oder affektéiert sinn? Wéi vill Fräiwëlleger (Ambulanz a Pompjeeën) sinn hei de Moment am Asaz? Wéi huet sech hir d’Zuel zanter 2018 entwéckelt?
  •  Stëmmt et, datt am CGDIS Ettelbréck eng Rëtsch benevol Leit den Déngscht quittéiert hunn? Wa jo, wat sinn déi genee Ursaachen, déi dës Entscheedung motivéiert hunn? Wat huet dat fir Konsequenzen, besonnesch fir den Ambulanzendéngscht? Gëtt et aner Gemengen am Kanton Dikrech, wou änlech Erfarunge gemeet goufen?
  •  Wéi gesäit de Rekrutement vu Professionellen an dësem Beräich fir déi betraffe Kantonen an noer Zukunft aus?“

Antwort

Fro 1

D’Kantoner hu fir den operationelle Fonctionnement vum CGDIS keng Bedeitung, well d’Asazzenteren (CIS) sech all am Asaz géigesäiteg an onofhängeg vun administrative Grenzen ënnerstëtzen. Ausserdeem ënnerscheede sech d’Grenze vun den administrative Verwaltungseenheete vum CGDIS (Zonen a Groupementer) vun de Kantonsgrenzen. Deemno géing eng isoléiert Betruechtung vun de Memberzuelen an de Kantoner Dikrech a Veianen en onvollstännegt an och verzerrtent Bild iwwert d’Memberzuele vum CGDIS liwweren.

Allgemeng ass d’Zuel vun de fräiwëllege Pompjeeën an alle Kategorien (Pompiers opérationnels, Pompiers de support, Vétérans) an der Zon Norden zënter der Grënnung vum CGDIS stabil bliwwen, d’Zuel vun de Haaptamtleche gouf verdräifacht an och d’Jugendpompjeeë konnte weider gestäerkt ginn.

Fro 2

Objektiv betruecht stellt ee fest, datt den Effektiv vum CIS Nordstad (virum 1.1.2022 CIS Ettelbréck a CIS Dikrech) stabil bliwwen ass zënter der Grënnung vum CGDIS:

Entwécklung vun de Memberzuele CIS Ettelbréck & Dikrech / CIS Nordstad

Statut20182019202020212022
Haaptamtlech Pompjeeën816202328
Fräiwëlleg Pompjeeën141153157152171
Total operationell Pompjeeën149169177175199
Pompiers de support33333
Administratiivt an technescht Personal00000
Jugendpompjeeën59101112
Veteranen5453494343
Total211234239232257

Fro 3

Am Kader vum Plan national d’organisation des secours (PNOS) gouf eng landeswäit Strategie fir de weidere Recrutement vu fräiwëllegen an haaptamtleche Pompjeeën ausgeschafft a validéiert. Am Kader vun der Ëmsetzung vum PNOS gëtt och un de Konzepter a Prioritéite vun der weiderer Verdeelung vun den haaptamtleche Ressourcë vum CGDIS an den nächste Jore geschafft, dëst awer aus enger nationaler Vue, fir iwwerall am Land a manner wéi 15 Minutten z’intervenéieren. Eng isoléiert Vue op zwee eenzel Kantoner géing och hei en onvollstännegt Bild iwwert d’Entwécklung vum Rettungsdéngscht hei am Land liwweren.

De CIS Nordstad ass fir de gesamten Norde vum Land e strategesch ganz wichtege Standuert a wäert och an den nächste Joren weider developpéiert ginn.

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Wie können Strafgefangene den Kontakt zur Familie im Gefängnis aufrechterhalten?

Familienbesuche und Zeit für den Partner sind im Gefängnis nur eingeschränkt möglich. Dies, obwohl diese Beziehungen eine wichtige Stütze für den Gefangenen sind, und zu seiner Stabilität beitragen. Wie ist die Situation aktuell in Luxemburg? Hat man den Bau des neuen Gefängnisses genutzt, um mehr Möglichkeiten zu schaffen? Unser Abgeordneter Pim Knaff hat beim Justizministerium nachgefragt.

weiterlesen...

Was passiert mit dem Hangar an der Ausfahrt Echternach?

Am Ortsausgang von Echternach befindet sich ein Hangar der Straßenbauverwaltung, der derzeit offenbar nicht genutzt wird. Potenziell könnte diese Fläche auch für andere Projekte wie Wohnen genutzt werden. Unsere Abgeordnete Carole Hartmann hat beim Ministerium nachgefragt, was die Pläne für diesen Ort in Zukunft sind.

weiterlesen...

Sind weitere Zugänge für die ‚Cité Manertchen‘ geplant?

Über ein Projekt des ‚Fonds du logement‘ soll das Wohngebiet „Cité Manertchen“ erheblich erweitert werden. Derzeit gibt es eine Zufahrt, die über die Nationalstraße CR 139 führt. Es gibt keinen Fußweg, nicht zum Industriegebiet und nicht zur Cité Manertchen. Auch Radwege sind geplant. Unsere Abgeordnete Carole Hartmann hat sich beim Ministerium nach weiteren Details erkundigt.

weiterlesen...

Warum wurde der Rückruf von Atemgeräten erst so spät bekannt?

Im Juli 2021 rief ein Unternehmen seine medizinischen Atemgeräte weltweit zurück. Dieser Rückruf wurde jedoch erst Ende Oktober in Luxemburg bekannt gegeben. Der DP-Abgeordnete Gusty Graas hat bei der Gesundheitsministerin nachgefragt, wer in einer solchen Situation für die Kommunikation mit den Betroffenen zuständig ist, warum die Information nicht rechtzeitig bekannt gegeben wurde und ob die Prozeduren unter Umständen angepasst werden müssten.

weiterlesen...