How is the tree alleys’ health around the country?

DP MP André Bauler asked the concerned ministre several questions about the tree alleys around the country.

Viru kuerzem sinn eng Rei Beem laanscht d’Strooss ersat ginn, sou zum Beispill tëscht Lenzweiler an dem Rond-Point beim Antoniushaff an der Gemeng Wëntger. Op anere Strecke mierkt een, datt eng Rei Beem abiméiert oder futti sinn, wéi z.B. tëscht Méchela an Ierpeldeng- Sauer, wou etlech Bierken hir Äscht verléieren, déi dann op d’Strooss falen. Dacks stellen dës Beem also e Sécherheetsrisiko duer.

An deem Kader wollt ech der Madamm Ministesch fir Ëmwelt, Klima an nohalteg Entwécklung an dem Här Minister fir Mobilitéit an ëffentlech Aarbechten folgend Froe stellen:

  • Wéi steet et allgemeng ëm d’Gesondheet vun eise Bamalleeën?
  • Wéi vill krank Beem mussen an noer Zukunft gehae ginn?
  • Wat fir eng Strategie verfollegt de Mobilitéitsministere wat den Erhalt respektiv d’Neiuplanzung vu Bamalleeën am Land ugeet?“

Answer

Wéi steet et allgemeng ëm d’Gesondheet vun eise Bamalleeën?

Ee Groussdeel vum Bestand vun den Alleeë laanscht Staatsstroosse sinn an engem allgemeng gudden Zoustand. Eis Alleeën hunn awer e relativ héijen Alter, deemno ginn et eng sëllege Beem mat enger gewësse Vitalitéitsschwächt. Bedéngt duerch déi dréchen a waarm Summeren 2019 an 2020 hunn och vill al Beem, déi mat dëse Konditioune manner gutt auskommen, gelidden. Dëst bedeit awer net, datt vital schwaach Beem een direkte Verkéierssécherheetsproblem mussen duerstellen. Dës Beem kënnen sech ënner méi gënschtege Konditiounen dacks rëm erhuelen. Dobäi kënnt, datt déi zoustänneg Equippen um Terrain dofir suergen, datt den Entretien un de genannte Beem no de Reegele vun der Konscht gemaach gëtt.

Wéi vill krank Beem mussen an noer Zukunft gehae ginn?

Fir d’Verkéierssécherheet ze garantéiere ginn allgemeng eng 300 bis 500 Stroossebeem d’Joer ëmgehaen. Dëst, well se duerch hire Gesondheetszoustand net kënne stoe gelooss ginn an et ass dovunner auszegoen, datt dës Quantitéit un Beem och an Zukunft wäert gehae ginn.

Wat fir eng Strategie verfollegt de Mobilitéitsministère wat den Erhalt respektiv d’Neiuplanzung vu Bamalleeën am Land ugeet?

D’Bamalleeë gehéieren zu eisem natierlechen a kulturelle Patrimoine. Grad an Zäite vu Klimawandel an der Degradatioun vum Naturraum, ass et wichteg den Erhalt vun den Alleeën ze garantéieren an dëst natierlech am Respekt vun der Verkéierssécherheet. Deemno solle keng Beem méi a Kéieren oder op Platze mat engem potentielle Sécherheetsrisiko ersat ginn.

Zousätzlech ass awer ze betounen, dass fir all Bam dee laanscht d’Strooss steet a muss respektiv soll wechkommen, eng Autorisatioun am Kader vum Naturschutzgesetz néideg ass. Deemno besteet eng gesetzlech Verflichtung fir gehae Beem ze kompenséieren. D’Stroossebeem (am ëffentleche Raum) sinn duerch den Artikel 14 am Naturschutzgesetz geschützt a ginn och deementspriechend kompenséiert.

Would you like this parliamentary question to be translated into English?

Share:

Facebook
Twitter
LinkedIn
Email
WhatsApp

More parliamentary questions

Are our hospitals prepared for cyberattacks?

Cyber attacks on hospitals are not uncommon in Europe. For this reason, the EU has launched an action plan to improve cyber security in the healthcare sector. DP MP Gusty Graas asked the Minister of Health how often hospitals in this country have been the target of cyber attacks, how well hospitals have reacted in simulation exercises and what recommendations have been developed.

read more...

What is the state of dental health in Luxembourg?

A German study shows that caries problems have fallen sharply over the last few decades. Periodontitis, on the other hand, is still a popular disease. DP MP André Bauler asked the Minister for Health what the situation was in Luxembourg, whether the prevention policy needed to be adapted and how the number of dentists in the country was developing.

read more...

Potential in the defense industry

Given the geopolitical situation, investments in defense have become a top priority. DP MP André Bauler has inquired about which national companies are already active in the defense sector and where further potential lies.

read more...

Optimization of the development of economic activity zones.

Recently, the Minister of Economy announced the pilot projects ‘Triangle Vert’ and ‘Salzbaach’ to optimize the development of economic activity zones. Our MP André Bauler has inquired about the initial conclusions that can be drawn in this context and whether new economic activity zones are planned in Luxembourg.

read more...