Charles Goerens

Neies aus Europa vum Charel Goerens

D‘Finanzplanung an der EU erstreckt sech iwwert eng Period vu 7 Joer. De Conseil européen vum Juli 2020 huet decidéiert, 1.211 Milliarden Euro fir déi nei Period an de Budget z’investéieren. 79,5 Milliarden Euro dovunner fléissen an déi international Relatiounen. 

Dovunner geet den Haptundeel an d’Entwécklungszesummenaarbecht mat Drëttlänner. Wat an dëser 7-Joresperiod nei ass, ass de Fait, datt den europäeschen Entwécklungsfong elo an de Budget vun der Europäescher Unioun integréiert gëtt. Dat war bis elo net de Fall, well den europäeschen Entwécklungsfong war Co-Proprietéit vun den 28, respektiv 27 Memberstaaten, an ass vun der Kommissioun ofgewéckelt ginn.

D’EU-Parlament gesäit duerch d’Integratioun vum europäeschen Entwécklungsfong an den europäesche Budget also seng Rechter erweidert. Am Zesummespill mat de Memberstaaten – déi op hirer Säit 4 Mol méi e grousse Betrag an d’Entwécklungspolitik investéieren – ass d’Europäesch Unioun mat Ofstand dee gréissten Akteur an der internationaler Entwécklungszesummenaarbecht.

Als Rapporter vun dësem Projet, och Global Europe genannt, konnt ech zesumme mat menge Kollegen eng Majoritéit am Parlament fannen –  an och en Accord mam Conseil – fir dee gréissten Deel vun de finanzielle Mëttel am Kampf géint de Klimawandel anzesetzen. Doduerch dass mer elo een eenzegt Instrument hu par Rapport zu deenen 10, déi mer bis 2020 haten, erméigleche mer der Europäescher Unioun, vill méi global, méi komplett a méi rapid Decisioune kënnen ze huelen.

Mam selwechten Instrument kann een op e Sécherheetsproblem oder op eng Kris, respektiv e Konflikt an engem Land, reagéieren, an zur gläicher Zäit déi méi klassesch Kooperatioune starten, respektiv weiderentwéckelen. Mat der neier US-Administratioun Biden gëtt de Multilateralismus erëm reaktivéiert. Mat deem neien Instrument Global Europe kënne mer och mat anere groussen Akteuren an der Entwécklung nach méi Gewiicht an nach méi e groussen Impakt kréien.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...