Verwaltunge vum ëffentlechen Déngscht an der Nordstad

Den Här Minister vun der Landesplanung hat sech an engem Interview gewënscht, datt sech nach eng Rei Verwaltungen an der Nordstad sollen néierloossen. Als Stad um Floss an an der Natur hätt d’Nordstad en immensen Atout den d’Regierung, an Zesummenaarbecht an am Dialog mat de Gemenge géing wëllen ausbauen. Wat fir eng Verwaltunge sinn dat, a wou wäerten dës installéiert ginn. Den Deputéierten André Bauler huet bei den zoustännege Ministère nogefrot.

« De 27. Februar 2021 huet den Här Minister vun der Landesplanung an engem Interview gewënscht, datt sech nach eng Rei Verwaltungen an der Nordstad sollen néierloossen. D’Regierung géif doriwwer nodenken. D’Nordstad hätt als Stad um Floss a Stad an der Natur en immensen Atout, an d’Regierung géing elo am Dialog mat de Gemengen dru schaffen dësen Atout auszebauen. Datt méi Verwaltungen an den Norde solle kommen ass sécherlech e wichtege Schratt a Richtung administrativ Dezentraliséierung. An dofir däerf et net beim fromme Wonsch bleiwen.

An deem Kontext wéilt ech folgend Froen un den Här Minister fir Landesplanung stellen:

  • U wat fir Verwaltungen huet den Här Minister geduecht, wéi hie gemengt huet, där missten nach an d’Nordstad an aner regional Zentre vum Norde kommen? Wéi gesäit hien déi administrativ Entwécklung am Nordbezierk iwwer déi nächst fënnef Joer?
  • Ass d‘Ausso vum Här Minister am Interview vum 27. Februar just eng Iwwerleeung oder gëtt et mëttlerweil en interministerielle Grupp, deen sech konkret mat dëser Thematik befaasse soll?
  • Wat fir Conclusiounen huet den Här Minister zesumme mam Comité politique Nordstad an dësem präzise Kontext gezunn? Gëtt et do mëttlerweil méi grëffeg Schlussfolgerungen, och am Zesummenhang mat der geplangter Fusioun?
  • Gëtt dru geduecht fir Co-Working Spaces an der Nordstad an op anere Plazen am Nordbezierk, besonnesch an de Kantone Réiden, Woltz a Clierf,  anzeriichten, dëst fir den Teletravail ze fërderen a gläichzäiteg déi sozial Kontakter tëscht de Beamten ze ënnerstëtzen? Gouf et do schonn en Austausch mam Ministère vun der ëffentlecher Funktioun?
  • Wéi kann een d’Diskussioun ronderëm déi administrativ Dezentraliséierung nei beliewen fir datt se méi nohalteg gëtt an net all Kéier riskéiert bei Ukënnegungen ze bleiwen?
  • Sinn dem Här Minister Sitte bekannt, op deenen een am Norden Infrastrukture kéint schafe fir nei Verwaltungen oder staatlech Zerwisser unzezéien? Féiert hien an deem Sënn Gespréicher mat de Gemengen?»

Äntwert

D’Aussoe vum Minister entspriechen dem generellen Zil vun enger Landespolitik duerch eng Dezentraliséierung optimal Liewensbedingungen an eng nohalteg Entwécklung ze garantéieren. D’Aarbechtefir e landesplanerescht Leitbild „Visioun Nordstad 2035“ sinn amgaang a wäerten an de nächste Meint ofgeschloss ginn. D’Nordstad soll zum 3. Entwecklungspool ginn an als „Dier zum Norden“ fungeieren. De Staat lount och zousätzlech administrativ Surfacen an der Nordstad déi et sollen erlaben seng Verwaltungen a Servicer och an dëser Regioun ze verstäerken. 

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Wéi laang ass d’Waardezäit an der « Travel Clinic » ?

Bei Reesen a méi tropesch Regioune kann een sech an der “Travel Clinic” vum CHL beroden a géint verschidde Krankheeten impfe loossen. D’Waardezäiten an dëser Klinick sollen den Ament awer nawell laang sinn.
D’DP-Deputéiert Dr Gérard Schockmel a Gilles Baum hu bei der Gesondheetsministesch nogefrot, wéi vill Patienten an de leschten 10 Joer an der “Travel Clinic” empfaange goufen, wéi d’Waardezäiten sech an dëser Period entwéckelt hunn an ob et net sënnvoll wier online ee Rendez-vous huelen ze kënnen, esouwéi dat fir vill aner Servicer vum CHL méiglech ass.

weiderliesen...

Wéi kann een de Beruff vum Aide-soignant revaloriséieren ?

De Manktem u Fleegepersonal gehéiert zu de gréissten Erausfuerderunge vun dëser Regierung. D’DP-Deputéiert André Bauler a Gilles Baum wollten an deem Kontext vun der Gesondheetsministesch ënnert anerem wëssen, wéi vill Aides-soignanten aktuell am Land schaffen, wéi vill de Beruff an de leschte Jore gewiesselt hunn a wéi eng Mesüren d’Regierung ze huele gedenkt fir de Beruff nees méi attraktiv ze maachen.

weiderliesen...

Medezinesch Transferten an d’Ausland

Zënter dem 1. Juni 2025 mussen d’Dokteren en neie Formulaire ausfëllen, wann si ee Patient fir Soinen an d’Ausland schécke wëllen. Den Dokter muss elo obligatoresch uginn, ob d’Prestatiounen zu Lëtzebuerg an engem “akzeptabelen Delai” ugebuede kënne ginn, oder net. Kräizt den Dokter un, datt d’Prestatiounen eigentlech och zu Lëtzebuerg ugebuede kéinte ginn, da gëtt d’Demande fir den Transfert automatesch refuséiert.
Den DP-Deputéierten Dr Gérard Schockmel huet bei der Gesondheetsministesch nogefrot, ob déi reng Reduzéierung op den “akzeptabelen Delai”, ouni d’Qualitéit vun de Soinen ze berécksiichtegen, net zu onberechtegte Refuse féiere kéint, an den neie Formulaire Dokteren net dozou zwénge kéint falsch Deklaratiounen ze maache fir hirem Patient déi beschtméiglechst Soinen ze garantéieren.

weiderliesen...

Wéi vill Doktere schaffen am Norde vum Land ?

Am Norde vum Land mussen d’Bierger oft wäit Deplacementer a Kaf huele fir an eng Klinick oder eng Maison médicale ze kommen.
D’DP-Deputéiert André Bauler a Gilles Baum hunn d’Gesondheetsministesch ënnert anerem gefrot, wéi vill Generalisten a Spezialisten am Norde vum Land schaffen, wéi d’Altersstruktur bei den Dokteren ass a wéini eng zweet Maison médicale am Norden opgemaacht kéint ginn.

weiderliesen...