Verwaltunge vum ëffentlechen Déngscht an der Nordstad

Den Här Minister vun der Landesplanung hat sech an engem Interview gewënscht, datt sech nach eng Rei Verwaltungen an der Nordstad sollen néierloossen. Als Stad um Floss an an der Natur hätt d’Nordstad en immensen Atout den d’Regierung, an Zesummenaarbecht an am Dialog mat de Gemenge géing wëllen ausbauen. Wat fir eng Verwaltunge sinn dat, a wou wäerten dës installéiert ginn. Den Deputéierten André Bauler huet bei den zoustännege Ministère nogefrot.

« De 27. Februar 2021 huet den Här Minister vun der Landesplanung an engem Interview gewënscht, datt sech nach eng Rei Verwaltungen an der Nordstad sollen néierloossen. D’Regierung géif doriwwer nodenken. D’Nordstad hätt als Stad um Floss a Stad an der Natur en immensen Atout, an d’Regierung géing elo am Dialog mat de Gemengen dru schaffen dësen Atout auszebauen. Datt méi Verwaltungen an den Norde solle kommen ass sécherlech e wichtege Schratt a Richtung administrativ Dezentraliséierung. An dofir däerf et net beim fromme Wonsch bleiwen.

An deem Kontext wéilt ech folgend Froen un den Här Minister fir Landesplanung stellen:

  • U wat fir Verwaltungen huet den Här Minister geduecht, wéi hie gemengt huet, där missten nach an d’Nordstad an aner regional Zentre vum Norde kommen? Wéi gesäit hien déi administrativ Entwécklung am Nordbezierk iwwer déi nächst fënnef Joer?
  • Ass d‘Ausso vum Här Minister am Interview vum 27. Februar just eng Iwwerleeung oder gëtt et mëttlerweil en interministerielle Grupp, deen sech konkret mat dëser Thematik befaasse soll?
  • Wat fir Conclusiounen huet den Här Minister zesumme mam Comité politique Nordstad an dësem präzise Kontext gezunn? Gëtt et do mëttlerweil méi grëffeg Schlussfolgerungen, och am Zesummenhang mat der geplangter Fusioun?
  • Gëtt dru geduecht fir Co-Working Spaces an der Nordstad an op anere Plazen am Nordbezierk, besonnesch an de Kantone Réiden, Woltz a Clierf,  anzeriichten, dëst fir den Teletravail ze fërderen a gläichzäiteg déi sozial Kontakter tëscht de Beamten ze ënnerstëtzen? Gouf et do schonn en Austausch mam Ministère vun der ëffentlecher Funktioun?
  • Wéi kann een d’Diskussioun ronderëm déi administrativ Dezentraliséierung nei beliewen fir datt se méi nohalteg gëtt an net all Kéier riskéiert bei Ukënnegungen ze bleiwen?
  • Sinn dem Här Minister Sitte bekannt, op deenen een am Norden Infrastrukture kéint schafe fir nei Verwaltungen oder staatlech Zerwisser unzezéien? Féiert hien an deem Sënn Gespréicher mat de Gemengen?»

Äntwert

D’Aussoe vum Minister entspriechen dem generellen Zil vun enger Landespolitik duerch eng Dezentraliséierung optimal Liewensbedingungen an eng nohalteg Entwécklung ze garantéieren. D’Aarbechtefir e landesplanerescht Leitbild „Visioun Nordstad 2035“ sinn amgaang a wäerten an de nächste Meint ofgeschloss ginn. D’Nordstad soll zum 3. Entwecklungspool ginn an als „Dier zum Norden“ fungeieren. De Staat lount och zousätzlech administrativ Surfacen an der Nordstad déi et sollen erlaben seng Verwaltungen a Servicer och an dëser Regioun ze verstäerken. 

Dir wëllt dës parlamentaresch Fro op Lëtzebuergesch iwwersat kréien?

Deelen:

Facebook
Twitter
LinkedIn
Email
WhatsApp

Weider parlamentaresch Froen

Kanner App Bildung

Reaffektatioun vun Enseignanten am Fondamental an hier Gemeng

D’DP-Deputéiert Gilles Baum a Barbara Agostino hunn dem Educatiounsminister Froen zur Reaffektatioun vun Enseignanten am Fondamental an hier Gemeng gestallt. Ënnert anerem wollten si wëssen, wéi vill Posten an deene leschte 5 Joer op der Lëscht 1bis publizéiert goufen, wien hei prioriséiert sollt ginn an, ganz allgemeng, ob d’Gemenge weiderhi sollte fir d’Nominéierung vun der Lëscht 1 zoustänneg sinn.

weiderliesen...

Rettungshelikopter beim Nordspidol

D’DP-Deputéiert André Bauler a Gusty Graas hunn der Gesondheetsministesch an dem Inneminister Froen zu de Rettungshelikopter beim Nordspidol gestallt, déi an de leschte Joren oft an den Asaz komm sinn. Ënnert anerem wollte si wëssen, wéi de Finanzement gereegelt ass, wéi oft se och iwwert d’Landesgrenzen eraus an den Asaz koumen an ob mëttelfristeg virgesinn ass een neie Site fir d’Helikopteren ze sichen.

weiderliesen...

Einsamkeet zu Lëtzebuerg ?

Einsamkeet gëtt zu engem ëmmer méi grousse gesellschaftleche Problem. Enger Etüd no wieren eleng an Däitschland Millioune Leit betraff. D’DP-Deputéiert André Bauler a Mandy Minella hu beim Familljeminister nogefrot wéi hien d’Problematik vun der Einsamkeet zu Lëtzebuerg gesäit a wéi eng Mesüren de Ministère hëlt fir do dergéint virzegoen.

weiderliesen...

Sollt de « Plan Canicule » iwwerschafft ginn ?

Am Hannergrond vun den neie Recommandatioune vum däitsche Gesondheetsminister fir Klinicken a Fleegeheemer besser op Hëtztwellen ze preparéieren, hunn d’DP-Deputéiert André Bauler an den Dr Gérard Schockmel bei der Gesondheetsministesch nogefrot, ob och de « Plan Canicule » hei zu Lëtzebuerg misst adaptéiert ginn.

weiderliesen...