Wie sieht die Zukunft der Wiltzer Klinik aus?

Den DP-Abgeordneten André Bauler und Gilles Baum ist zu Ohren gekommen, dass es in Wiltz in der Klinik künftig kaum noch chirurgische Eingriffe geben wird. Die beiden Abgeordneten haben bei der Gesundheitsministerin nachgefragt, ob Ärzte der Wiltzer Klinik, die in den Ruhestand gehen, nicht mehr ersetzt werden, wie sich die Zahl der systematischen Analysen entwickelt hat und was getan wird, um die Ettelbrücker Klinik zu entlasten.

Frage

„Och wa mam Projet Schlasskéier zu Wooltz déi ambulant Behandlunge solle verstäerkt ginn, héiert een ëmmer méi dacks, datt d’Offer um  Standuert vun der Klinik lues a lues geschwächt gëtt. Sou sollen an Zukunft kaum nach chirurgesch Agrëff do getätegt ginn. Och den Noutdéngscht funktionéiert scho länger Zäit net méi wärend den Nuetsstonnen, sou datt d’Leit aus der Nordregioun mussen op Ettelbréck fueren oder gefouert ginn.

An deem Kader wollte mir der Madamm Ministesch fir Gesondheet a Sozialversécherung follgend Froe stellen:

  • Stëmmt et, datt eng Rei Dokteren an der Weeltzer Klinik, déi an d’Pensioun ginn, net méi ersat ginn? Huet d’Zuel vun de Spezialisten um Site Wooltz ofgeholl? Wa jo, soll se nach weider reduzéiert ginn?
  • Wéi huet sech d’Zuel vun de systemateschen Analysen – Ultraschall, EKG a Röntgen – an der Poliklinik zu Wooltz an zu Ettelbréck entwéckelt? Gëtt reegelméisseg gepréift, ob all déi Analysen noutwendeg sinn?
  • Wéi gesäit d’Zukunft vun der Weeltzer Klinik aus? Wat gëtt ënnerholl fir de Standuert Wooltz vum Centre hospitalier du Nord (ChdN) nees méi attraktiv ze maachen an domat de Standuert Ettelbréck z’entlaaschten an de Leit wäit Deplacementer z’erspueren?
  • Wat gedenkt d’Madamm Ministesch ze ënnerhuele fir d’Poliklinik zu Ettelbréck ze entlaaschten? Kéint dat net duerch eng Permanence vun den Hausdoktere gemaach gi fir ze vermeiden, datt déi krank Leit weider an d’Poliklinik oder an d’Maison médicale fuere mussen, fir dann do ënner Ëmstänn stonnelaang ze waarden?
  • Kéint d’Madamm Ministesch sech fir d’Aféierung vun enger „Tournante“ vun de lokalen Hausdokteren (z.B. Clierf a Wooltz; Ëlwen an Housen; Réiden a Groussbus an Heischent) an den Owesstonnen asetzen, dëst fir d’Maison médicale z’entlaaschten an de Leit aus dem Éislek entgéint ze kommen?

Antwort

  • Stëmmt et, datt eng Rei Dokteren an der Weeltzer Klinik, déi an d’Pensioun ginn, net méi ersat ginn? Huet d’Zuel vun de Spezialisten um Site Wooltz ofgeholl? Wa jo, soll se nach weider reduzéiert ginn?

Effektiv ass um Site Woltz een Dokter an d’Pensioun gaangen. Am Kader vun der Policlinique non programmée um Site Woltz bleiwen souwuel Urgentisten an Interniste vun 8 bis 18h verfügbar. Doniewent si Spezialiste reegelméisseg a bei Bedarf disponibel fir souwuel ambulatoresch wéi stationär Patiente bei Bedarf ze suivéieren. An der Nuecht sinn souwuel een Internist an ee Geriater an der Astreinte zeréckruffbar.

  • Wéi huet sech d’Zuel vun de systemateschen Analysen – Ultraschall, EKG a Röntgen – an der Poliklinik zu Wooltz an zu Ettelbréck entwéckelt? Gëtt reegelméisseg gepréift, ob all déi Analysen noutwendeg sinn?

Fir radiologesch Ënnersichungen, déi ioniséierend Stralung benotzen, hunn d’Radiologen eng gesetzlech Verpflichtung, all Indikatiounen ze begrënnen.

ECG an Ultraschall Ennersichunge gehéieren zu der Standard Ennersichung vum Dokter. Radiologesch Ennersichunge gi vum Radiolog op Basis vun den Indikatioune vun der Ordonnance  validéiert. Follgend Aktivitéits Donnéeë goufen eis vum CHdN matgedeelt:

Actes radiologiques demandés depuis la policlinique202420232022
Ettelbruck256273173130879
Wiltz530267756119
  • Wéi gesäit d’Zukunft vun der Weeltzer Klinik aus? Wat gëtt ënnerholl fir de Standuert Wooltz vum Centre hospitalier du Nord (ChdN) nees méi attraktiv ze maachen an domat de Standuert Ettelbréck z’entlaaschten an de Leit wäit Deplacementer z’erspueren?

Déi net programméiert Aktivitéit an der Poliklinik zu Woltz bleift bestoen an d’Aktivitéit vun der ambulanter Chirurgie gëtt weider ausgebaut an der Urologie an der Chirurgie vasculaire souwuel an den aktuelle Gebailechkeete vun der Weeltzer Klinik wéi och duerno iwwerdroen an den zukünftege Projet „Schlasskéier“. De service d’Imagerie médicale huet en IRM bäikritt, an den Osteodensitométrie-Apparat kënnt och op Woltz. Weider besti Projete fir eng gerontopsychiatresch Statioun an och eng Dagesklinik an der Jugendpsychiatrie.

Deemno besteet d’Aktivitéit zu Woltz an enger internistesch-chirurgescher ambulanter Versuergung, mat Dageschirurgie. Doniewend wäert eng Spezialiséierung an der Altersgesondheet (geriatresch Reedukatioun a gerontopsychiatrie) zu Woltz virgehale ginn an eng jugendpsychiatresch dagesklinesch Offer wäert dobäikommen.

  • Wat gedenkt d’Madamm Ministesch ze ënnerhuele fir d’Poliklinik zu Ettelbréck ze entlaaschten? Kéint dat net duerch eng Permanence vun den Hausdoktere gemaach gi fir ze vermeiden, datt déi krank Leit weider an d’Poliklinik oder an d’Maison médicale fuere mussen, fir dann do ënner Ëmstänn stonnelaang ze waarden?

Ewéi am “Accord de coalition” festgehalen, stellen d’Dokteschpraxen d‘Basis vun enger medizinescher Versuergung duer. D’Regierung ënnerstëtzt Moossnamen, fir d’Nidderloossung vu Generalisten a Spezialisten an Dokteschpraxen méi attraktiv ze maachen. Dës Reflexioun ëmfaasst och d’Froen iwwer d’Erweiderung vu Permanencen, déi vun de Generaliste geleescht ginn.

  • Kéint d’Madamm Ministesch sech fir d’Aféierung vun enger „Tournante“ vun de lokalen Hausdokteren (z.B. Clierf a Wooltz; Ëlwen an Housen; Réiden a Groussbus an Heischent) an den Owesstonnen asetzen, dëst fir d’Maison médicale z’entlaaschten an de Leit aus dem Éislek entgéint ze kommen?“

Diskussiounen mat den Akteure sinn amgaangen fir d’Qualitéit an d’Zougänglechkeet vun de medizinesche Servicer am Land ze verbesseren. Dëst betrëfft wéi an der Fro virdrun beschriwwen d’Erweiderung vun den Öffnungszäiten a vun de gemeinsamen Dokteschpraxen (cabinets médicaux). Et muss ee bedenken dass eng Erweiderung vun den Öffnungszäiten ee Méibedarf un Doktore mat sech brengt. Souwuel de Konzept vu Maison médicale an och vu gemeinsame Praxen erlaabt eng Zesummenaarbecht vun den Doktoren fir eng ausgeglache Léisung ze fannen déi souwuel d’Patiente wéi och d’Doktere berécksiichtegen.

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Wie viele junge Menschen wurden wegen Alkoholkonsums ins Krankenhaus eingeliefert?

In Deutschland mussten jüngsten Zahlen zufolge weniger junge Menschen wegen Alkohol im Krankenhaus behandelt werden. Die DP-Abgeordneten André Bauler und Gilles Baum haben bei der Gesundheitsministerin nachgefragt, wie viele junge Menschen in den letzten Jahren wegen Alkoholkonsums ins Krankenhaus eingeliefert werden mussten, an welchen Tagen im Jahr besonders viele Betrunkene ins Krankenhaus eingeliefert werden und ob der Nationale Aktionsplan gegen Alkoholmissbrauch erneuert wird.

weiterlesen...

Lagerung und Verteilung von Kaliumiodid-Tabletten

Die Gemeinden sind für die Lagerung und Verteilung der Jodtabletten an ihre Bürger zuständig. Die DP-Abgeordnete Mandy Minella hat bei den zuständigen Ministern nachgefragt, wie es derzeit um den Vorrat an Jodtabletten bestellt ist, ob jedem Bürger Jodtabletten angeboten werden und ob erneut eine Aufklärungskampagne gestartet werden sollte.

weiterlesen...

Neue Räumlichkeiten für das Ärztehaus in Ettelbrück?

Dem DP-Abgeordneten André Bauler ist zu Ohren gekommen, dass das Ärztehaus in Ettelbrück neue Räumlichkeiten erhalten wird. Der liberale Abgeordnete erkundigte sich bei der Gesundheitsministerin nach Einzelheiten zu den neuen Räumlichkeiten und wollte wissen, ob die Ärzte derzeit über die notwendige Ausstattung verfügen, um alle ihre Aufgaben, auch die administrativen, zu erfüllen.

weiterlesen...