Quel est l’avenir de la clinique de Wiltz ?

Les députés du DP André Bauler et Gilles Baum ont appris qu'à l'avenir, il n'y aurait presque plus d'interventions chirurgicales à la clinique de Wiltz. Les deux députés ont demandé à la Ministre de la Santé si les médecins de la clinique de Wiltz qui partent à la retraite ne seront plus remplacés, comment le nombre d'analyses systématiques a évolué et ce qui sera fait pour désengorger la clinique d'Ettelbruck.

Question

„Och wa mam Projet Schlasskéier zu Wooltz déi ambulant Behandlunge solle verstäerkt ginn, héiert een ëmmer méi dacks, datt d’Offer um  Standuert vun der Klinik lues a lues geschwächt gëtt. Sou sollen an Zukunft kaum nach chirurgesch Agrëff do getätegt ginn. Och den Noutdéngscht funktionéiert scho länger Zäit net méi wärend den Nuetsstonnen, sou datt d’Leit aus der Nordregioun mussen op Ettelbréck fueren oder gefouert ginn.

An deem Kader wollte mir der Madamm Ministesch fir Gesondheet a Sozialversécherung follgend Froe stellen:

  • Stëmmt et, datt eng Rei Dokteren an der Weeltzer Klinik, déi an d’Pensioun ginn, net méi ersat ginn? Huet d’Zuel vun de Spezialisten um Site Wooltz ofgeholl? Wa jo, soll se nach weider reduzéiert ginn?
  • Wéi huet sech d’Zuel vun de systemateschen Analysen – Ultraschall, EKG a Röntgen – an der Poliklinik zu Wooltz an zu Ettelbréck entwéckelt? Gëtt reegelméisseg gepréift, ob all déi Analysen noutwendeg sinn?
  • Wéi gesäit d’Zukunft vun der Weeltzer Klinik aus? Wat gëtt ënnerholl fir de Standuert Wooltz vum Centre hospitalier du Nord (ChdN) nees méi attraktiv ze maachen an domat de Standuert Ettelbréck z’entlaaschten an de Leit wäit Deplacementer z’erspueren?
  • Wat gedenkt d’Madamm Ministesch ze ënnerhuele fir d’Poliklinik zu Ettelbréck ze entlaaschten? Kéint dat net duerch eng Permanence vun den Hausdoktere gemaach gi fir ze vermeiden, datt déi krank Leit weider an d’Poliklinik oder an d’Maison médicale fuere mussen, fir dann do ënner Ëmstänn stonnelaang ze waarden?
  • Kéint d’Madamm Ministesch sech fir d’Aféierung vun enger „Tournante“ vun de lokalen Hausdokteren (z.B. Clierf a Wooltz; Ëlwen an Housen; Réiden a Groussbus an Heischent) an den Owesstonnen asetzen, dëst fir d’Maison médicale z’entlaaschten an de Leit aus dem Éislek entgéint ze kommen?

Réponse

  • Stëmmt et, datt eng Rei Dokteren an der Weeltzer Klinik, déi an d’Pensioun ginn, net méi ersat ginn? Huet d’Zuel vun de Spezialisten um Site Wooltz ofgeholl? Wa jo, soll se nach weider reduzéiert ginn?

Effektiv ass um Site Woltz een Dokter an d’Pensioun gaangen. Am Kader vun der Policlinique non programmée um Site Woltz bleiwen souwuel Urgentisten an Interniste vun 8 bis 18h verfügbar. Doniewent si Spezialiste reegelméisseg a bei Bedarf disponibel fir souwuel ambulatoresch wéi stationär Patiente bei Bedarf ze suivéieren. An der Nuecht sinn souwuel een Internist an ee Geriater an der Astreinte zeréckruffbar.

  • Wéi huet sech d’Zuel vun de systemateschen Analysen – Ultraschall, EKG a Röntgen – an der Poliklinik zu Wooltz an zu Ettelbréck entwéckelt? Gëtt reegelméisseg gepréift, ob all déi Analysen noutwendeg sinn?

Fir radiologesch Ënnersichungen, déi ioniséierend Stralung benotzen, hunn d’Radiologen eng gesetzlech Verpflichtung, all Indikatiounen ze begrënnen.

ECG an Ultraschall Ennersichunge gehéieren zu der Standard Ennersichung vum Dokter. Radiologesch Ennersichunge gi vum Radiolog op Basis vun den Indikatioune vun der Ordonnance  validéiert. Follgend Aktivitéits Donnéeë goufen eis vum CHdN matgedeelt:

Actes radiologiques demandés depuis la policlinique202420232022
Ettelbruck256273173130879
Wiltz530267756119
  • Wéi gesäit d’Zukunft vun der Weeltzer Klinik aus? Wat gëtt ënnerholl fir de Standuert Wooltz vum Centre hospitalier du Nord (ChdN) nees méi attraktiv ze maachen an domat de Standuert Ettelbréck z’entlaaschten an de Leit wäit Deplacementer z’erspueren?

Déi net programméiert Aktivitéit an der Poliklinik zu Woltz bleift bestoen an d’Aktivitéit vun der ambulanter Chirurgie gëtt weider ausgebaut an der Urologie an der Chirurgie vasculaire souwuel an den aktuelle Gebailechkeete vun der Weeltzer Klinik wéi och duerno iwwerdroen an den zukünftege Projet „Schlasskéier“. De service d’Imagerie médicale huet en IRM bäikritt, an den Osteodensitométrie-Apparat kënnt och op Woltz. Weider besti Projete fir eng gerontopsychiatresch Statioun an och eng Dagesklinik an der Jugendpsychiatrie.

Deemno besteet d’Aktivitéit zu Woltz an enger internistesch-chirurgescher ambulanter Versuergung, mat Dageschirurgie. Doniewend wäert eng Spezialiséierung an der Altersgesondheet (geriatresch Reedukatioun a gerontopsychiatrie) zu Woltz virgehale ginn an eng jugendpsychiatresch dagesklinesch Offer wäert dobäikommen.

  • Wat gedenkt d’Madamm Ministesch ze ënnerhuele fir d’Poliklinik zu Ettelbréck ze entlaaschten? Kéint dat net duerch eng Permanence vun den Hausdoktere gemaach gi fir ze vermeiden, datt déi krank Leit weider an d’Poliklinik oder an d’Maison médicale fuere mussen, fir dann do ënner Ëmstänn stonnelaang ze waarden?

Ewéi am “Accord de coalition” festgehalen, stellen d’Dokteschpraxen d‘Basis vun enger medizinescher Versuergung duer. D’Regierung ënnerstëtzt Moossnamen, fir d’Nidderloossung vu Generalisten a Spezialisten an Dokteschpraxen méi attraktiv ze maachen. Dës Reflexioun ëmfaasst och d’Froen iwwer d’Erweiderung vu Permanencen, déi vun de Generaliste geleescht ginn.

  • Kéint d’Madamm Ministesch sech fir d’Aféierung vun enger „Tournante“ vun de lokalen Hausdokteren (z.B. Clierf a Wooltz; Ëlwen an Housen; Réiden a Groussbus an Heischent) an den Owesstonnen asetzen, dëst fir d’Maison médicale z’entlaaschten an de Leit aus dem Éislek entgéint ze kommen?“

Diskussiounen mat den Akteure sinn amgaangen fir d’Qualitéit an d’Zougänglechkeet vun de medizinesche Servicer am Land ze verbesseren. Dëst betrëfft wéi an der Fro virdrun beschriwwen d’Erweiderung vun den Öffnungszäiten a vun de gemeinsamen Dokteschpraxen (cabinets médicaux). Et muss ee bedenken dass eng Erweiderung vun den Öffnungszäiten ee Méibedarf un Doktore mat sech brengt. Souwuel de Konzept vu Maison médicale an och vu gemeinsame Praxen erlaabt eng Zesummenaarbecht vun den Doktoren fir eng ausgeglache Léisung ze fannen déi souwuel d’Patiente wéi och d’Doktere berécksiichtegen.

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

Potentiel dans l’industrie de la défense

En raison de la situation géopolitique, les investissements dans la défense sont désormais une priorité majeure. Le député du DP, André Bauler, a interrogé sur les entreprises nationales déjà actives dans l’industrie de la défense et sur les secteurs présentant un potentiel de développement.

lire plus...

Optimisation du développement des zones d’activités économiques

Récemment, le ministre de l’Économie a annoncé les projets pilotes ‘Triangle Vert’ et ‘Salzbaach’ visant à optimiser le développement des zones d’activités économiques. Notre député, André Bauler, a demandé quelles conclusions préliminaires peuvent être tirées dans ce cadre et si de nouvelles zones d’activités sont planifiées.

lire plus...

Combien de personnes participent au Programme Démence Prévention ?

De plus en plus de personnes sont touchées par la démence. Les députés du DP André Bauler et Gilles Baum ont voulu savoir de la Ministre de la Santé comment les cas de démence évoluent ici dans le pays, combien de personnes participent au Programme Démence Prévention (pdp) et si l’application de pdp récemment lancée est beaucoup utilisée.

lire plus...