Wie steht es um den Unterhalt unserer Gewässer?

Nach den Überschwemmungen im Juli befindet sich in unseren Gewässern immer noch viel Abfall, zusätzlich zu dem Müll, den die Menschen hineinwerfen. Die DP-Abgeordneten Gusty Graas und André Bauler haben daher nachgefragt, wie der Unterhalt der Gewässer koordiniert wird und ob in naher Zukunft eine Beseitigung des Abfalls geplant ist.

Et ass eis zu Ouere komm, datt no den Iwwerschwemmunge vum leschte Juli nach ëmmer Dreck an eng ganz Rei Objeten, déi fortgeschwemmt goufen, am Getraisch an am Gestrëpp laanscht d’Ufer hänken an nach net wechgeholl gi sinn.

Souwuel d’Sauer ass dovu betraff, wéi z.B. um Willspull bei Méchela, wéi och d’Uelzecht op ville Plazen. Donieft wier an der Uelzecht eng ganz Partie Dreck, deen allem Uschäin no net op d’Héichwaasser vum Summer zeréckzeféiere wier, mee éischter dorop, dass Leit hire Knascht do entsuergen.

An deem Kader wollte mir der Madamm Ministesch fir Ëmwelt, Klima an nohalteg Entwécklung folgend Froe stellen:

  • Ass d‘Madamm Ministesch au courant iwwer dës Situatioun? Huet d‘Waasserwirtschaftsamt eventuell eng Analys iwwer den Zoustand vun de genannte Gewässer nom Héichwaasser gemaach? Ass virgesinn, dës Waasserleef an noer Zukunft ze botzen?
  • Huet d’Waasserwirtschaftsamt e Programm, deen déi reegelméisseg Ënnerhaltsaarbechte vun den Haaptwaasserleef zu Lëtzebuerg tëscht de verschiddenen Acteure koordinéiert? Wéi dacks ginn dës Aarbechten an der Reegel op de verschiddene Baachen a Flëss pro Joer duerchgefouert?
  • Vu dass an der Vergaangenheet d’Opdeelung vun de Kompetenzen am Beräich Ënnerhalt vun de Waasserleef net ëmmer kloer war, sollt d’Waasserwirtschaftsamt e Guide pratique zum Thema ausschaffen. Wou sinn d’Aarbechten un deem Dokument drun?“

Antwort

1. Alles wat der Waasserverwaltung (AGE) u gréisseren Dreckusammlungen oder Objeten an de Gewässer opfält, gëtt erausgeholl an entsuergt soulaang d’Besëtzverhältnisser gekläert sinn. Dat geschitt am Prinzip genau esou gutt am Normalfall, wei och no enger Héichwaasser- oder Staarkreensituatioun.

No den Evenementer am Juli, sinn déi zoustänneg Servicer vun der AGE d’Gewässer ofgaangen a sinn och de Meldunge vun de Gemengen an aus der Populatioun nokomm. Deementspriechend sinn Interventiounen op deene Platze gemaach ginn wou et am dréngendste war, sief et aus Sécherheetsgrënn, Héichwaasserschutzgrënn oder duerch Usammlunge vun grousse Massen un Dreck.

Déi Aarbechten si momentan nach net ofgeschloss an daueren nach un. Plazeweis ginn et grouss Massen un Dreck an Objeten déi sech iwwer länger Strecke verdeelt hunn. Déi Aarbechte verlafen deelweis ënnert schwéiere Konditioune well d’Plazen oft schwéier zougänglech sinn. D’Verantwortung fir d’Entsuergung vun de Rulotten déi zum Deel nach laanscht Baache ze fannen sinn, läit an deem Fall am Prinzip beim Besëtzer. D’AGE ass amgaangen zesumme mat der Police hei no enger Léisung ze sichen.

2. D’AGE huet e Programm mat Entretiensaarbechten déi op eise Gewässer geplangt an duerchgefouert ginn. Et besteet e reegelméissege Kontakt an Austausch mat den Acteuren op Staats- a Gemengenniveau fir déi Aarbechte koordinéiert duerchzeféieren.

D’Aarbechte ginn an enger éischter Instanz emol do duerchgefouert wou e Besoin besteet. Wann dësen Agrëff duerchgefouert ginn ass, huet een oftmools eng Verbesserung vun der Situatioun erreecht. Aus deem Grond kann een soen: Jo, et gëtt reegelméisseg op deene Gewässer intervenéiert, mee well et oftmools keng repetitiv Aarbechte sinn, a mat engem eemolegen Agrëff d’Situatioun sech verbessert huet, kann ee keng genau Ausso maachen zu der Reegelméissegkeet vun den Agrëffer pro Joer. Pauschal kann een awer soen, wat d’Gewässer méi grouss ass, an duerch grouss urbaniséiert Gebidder leeft, wat d’Unzuel vun den Interventiounen am Beräich vum Entretien op de Gewässer klëmmt.

3. D’AGE schafft aktuell nach un engem “Guide pratique” zum Thema Ënnerhalt vun de Fléissgewässer. Dëst Dokument soll fir d’Gemengen an de Public méi Transparenz an d’Aarbechten am Kader vum Ënnerhalt vun de Baache bréngen, déi verschidden Type vun Aarbechten an och déi noutwenneg Demarchen erklären. Et ass virgesinn dat am Laf vum Joer 2022 ze finaliséieren.

Möchten Sie eine Übersetzung dieser parlamentarischen Anfrage auf Deutsch ?

Teilen:

Facebook
Twitter
LinkedIn
Email
WhatsApp

Weitere parlamentarische Fragen

Trinkwasser aus der Mosel?

Derzeit werden Untersuchungen durchgeführt, um das Wasser der Mosel in Zukunft möglicherweise zu Trinkwasser aufzubereiten. Die DP-Abgeordneten André Bauler und Gusty Graas haben nachgefragt, wann diese Studien abgeschlossen sein werden und wie es um die Wasserqualität der Mosel steht.

weiterlesen...

Erweiterung der Todesstrafe in Belarus

Am 18. März dieses Jahres hat Belarus per Dekret die Möglichkeit mit der Todesstrafe bestraft zu werden erweitert, sodass nun nicht nur die Täter einer terroristischen Handlung, sondern auch diejenigen, die eine solche Tat versucht haben sollen, mit der Todesstrafe bestraft werden können. Die Opposition sieht in dieser Entscheidung einen Versuch, die freie Meinungsäußerung und die Regierungsgegner zu unterdrücken. Wie ist diese Situation einzuschätzen? Unser Abgeordneter Gusty Graas hat sich beim Außenministerium erkundigt.

weiterlesen...

Handyradare auch in Luxemburg?

In Trier und Mainz hat die Polizei ein Pilotprojekt eines mobilen Handyradars gestartet. Die DP-Abgeordneten Gusty Graas und Max Hahn haben nachgefragt, ob dieses Radar nicht auch in Luxemburg eingesetzt werden könnte.

weiterlesen...