De Xavier Bettel ass scho mat 26 Joer fir d’éischte Kéier an d’Chamber gewielt ginn. No de Chamberwale vum 20. Oktober 2013 gëtt hien – nom Gaston Thorn – den zweete liberale Premier a Staatsminister zu Lëtzebuerg. Wärend sengem éischte Regierungsmandat huet de Xavier Bettel sech besonnesch fir d’Moderniséierung an d’Upassung vun der Politik un déi gesellschaftlech Realitéite vum Land agesat. A sengem zweete Mandat als Regierungschef beweist hien an der Corona-Kris seng Féierungsqualitéiten.