Claude Meisch

2020/2021 – Eng Rentrée am Zeechen vun der Digitaliséierung

Fir dem digitale Wandel an de Fuerderunge vum Aarbechtsmarché gerecht ze ginn, mussen eis Kanner a Jugendlech léieren, mat de neisten Technologien ëmzegoen. Scho virun der Corona-Pandemie hat de Bildungsminister Claude Meisch decidéiert, eng Partie Moderniséierungen um Schoulprogramm virzehuelen.

Ee vun den Haaptprojeten en Vue vun engem moderne Schoulsystem ass d‘Aféierung vum Coding am Enseignement Fondamental vun der Rentrée 2020/2021 un. Mat dëse spillereschen Aktivitéite sollen d’Kanner léieren, wéi d’Maschinne funktionéieren a wéi ee mat hinne kommunizéiert.

An enger éischter Phase gëtt de Coding just am Kader vum Mathematiksprogramm am Cycle 4 enseignéiert. Vum Schouljoer 2021/2022 un sollen déi digital Kompetenzen dann an all de Cycle gefërdert ginn, andeems sech de Coding ewéi ee roude Fuedem duerch déi verschidde Fächer vum Programm zitt.

Parallel dozou gëtt fir d’Klasse vu 7e bis 5e vum Enseignement Secondaire en neie Cours an de Sciences Numériques agefouert. An deem Kader soll och de Programm one2one weidergefouert ginn, dee virgesäit, dass all Lycéesschüler eng Tablett kritt.

„All Kand soll Accès op d’Sprooch vum 21. Joerhonnert hunn“ (Claude Meisch)

Fir de neien Unterrecht beschtméiglech ëmzesetzen, krut all Grondschoul ee starter kit mat klengen Roboteren an anerem pedagogeschem Material geliwwert. Hei donieft huet de SCRIPT eng Websäit mat Iddien a Ressourcen fir de Coding Unterrecht geschaaft – www.educoding.lu

Fir d’Digitaliséierung vun de Schoulen effikass ëmzesetzen, gouf déi nei Enseignantskarriär vum instituteur spécialisé en compétences numériques agefouert. Fir d’Rentrée 2020/2021 si 15 nei Enseignanten rekrutéiert ginn, déi hir Aarbechtskolleegen bei Froen iwwer de Medien- a Coding-Unterrecht beroden an ënnerstëtzen sollen. Ausserdeem offréiert den IFEN eng Rëtsch nei Formatiounen am Beräich computational thinking.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
André Bauler

D’Lëtzebuerger Kreativwirtschaft weider fërderen

2015 hat d‘Lëtzebuerger Kreativwirtschaft e Méiwäert vu ronn 400 Milliounen Euro opweises an huet méi wéi 7.000 Leit beschäftegt. An enger erweiderter Fro wollt den DP-Deputéierten André Bauler vum Mëttelstandsminister wëssen, wéi sech de Secteur zanterhier entwéckelt huet a wat d‘Perspektive fir d’Zukunft sinn.

weiderliesen...