Marc Hansen

Dezentraliséierung an Home Office: Méi kuerz Weeër, méi Zäit fir sech a seng Famill

Schaffen a Wunne méi no beienee brénge fir eng besser Liewensqualitéit vun de Leit, dat ass eng vun den Haaptprioritéite vun der DP. Vill vun den aktuelle Problemer, z.B. an der Mobilitéit, kommen dovun, dass sech laang Zäit e groussen Deel vun der wirtschaftlecher Aktivitéit am Zentrum vum Land konzentréiert huet. Méi staark op Dezentraliséierung setzen, bedeit méi kuerz Weeër, méi Zäit fir sech a seng Famill an eng Stäerkung vun eisen Uertschaften an dem lokale Commerce.

Och scho viru Corona goufen dowéinst eng Rei Initiative vum Minister fir den ëffentlechen Déngscht Marc Hansen lancéiert. De Staat soll schliisslech mam gudde Beispill virgoen, och wat den Télétravail an d’Dezentraliséierung betrëfft.

Sou gouf z.B. an der Fonction Publique e Pilotprojet zum Télétravail gestart. No de positiven Erfarunge gouf decidéiert, d’Méiglechkeet vun doheem aus ze schaffe méi breet opzemaachen. Ee vun de Grënn firwat, d’Ëmstellung op den Home Office an der Pandemie sou gutt geklappt huet.

Duerch d’Fërderung vum Télétravail gëtt de Leit villes méi einfach gemaach. Sief et de Stau, dee Moies an Owes evitéiert gëtt oder allgemeng déi gréisser Flexibilitéit déi de Mënsch duerch den Télétravail fir sech gewënnt. Zousätzlech dréit och den Télétravail nach emol zu der Dezentraliséierung bäi an hëlleft, d’Land an d’Gesellschaft méi oppen a flexibel ze gestalten.

Och bei der Dezentraliséierung vun den ëffentleche Verwaltungen deet sech eppes. Ee Beispill ass den Ettelbrécker Projet ‚Ettelbrück One‘: hei ass elo schonn eppes méi wéi d’Hallschent vun der Lokalitéit fir ëffentlech Administratioune verlount. Mee och an déi nei Ettelbrécker Gare sollen eng Rei nei Verwaltunge kommen. Domat ginn net just déi ëffentlech Verwaltunge fir d’Leit aus der Regioun méi accessibel, mee d‘Regioun selwer gëtt revaloriséiert an nei belieft. An dat zitt rëm nei Entreprisen a Butteker un.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Marc Hansen

Neie Gehälter-Accord

Den neie Gehälter-Accord mat der CGFP erlaabt et der Regierung an Zukunft, fir de Fokus am ëffentlechen Déngscht op d’Aarbechtskonditioune vun de Beamten ze leeën.

weiderliesen...