Carole Hartmann

D’Interessië vun de schaffende Leit gehéieren erëm an de Mëttelpunkt

D’DP ass dovunner iwwerzeegt, datt all Salarié selwer weess, wéi en am beschte schaffe kann. D’Aarbechtsrecht sollt dofir de Virstellungen an de Realitéite vun de schaffende Leit entspriechen.

Esouwuel d’Salariéen ewéi och d’Patrone wënsche sech méi Flexibilitéit an der Organisatioun vun der Aarbechtszäit. Méi flexibel Aarbechtszäite suerge fir eng besser Work-Life-Balance an d’Betriber kënnen d‘Aarbecht besser un dat wirtschaftlecht Ëmfeld upassen. Fir d’DP ass et dofir evident, datt de Sozialdialog an de Betriber muss gestäerkt ginn.

Kollektivverträg oder Plans sectoriels sinn als Top-down-Approche net ëmmer déi beschte Léisung. D’Salariéen an de Patron kennen hire Betrib schliisslech am beschten. Dofir brauche mir méi Flexibilitéit fir intern Accorden tëschent de Personaldelegatiounen an dem Patronat.

Mir wëllen dofir en Aarbechtsrecht mat der néideger Flexibilitéit fir alleguerten d’Betriber – ob mat oder ouni Kollektivvertrag. Et ass fir d’DP och net méi akzeptabel, datt Betriber an hir Mataarbechter ouni Kollektivvertrag net kënne vun innovative Modeller ewéi den Zäitspuerkonte profitéieren.

Et wier awer e grousse Virdeel fir d’Salariéen, wa si hir Aarbechtszäit kéinte méi flexibel andeelen – besonnesch wa se méi e laange Wee bis op d’Aarbecht hunn. Dat géing d‘Betriber doriwwer eraus méi attraktiv fir d’Grenzgänger maachen, op déi eist Land staark ugewisen ass.

Dat weist och déi rezent Debatt iwwert d’Sonndesaarbechtszäit. Véier Stonnen Aarbecht bei engem Aarbechtswee vun all Kéier zwou Stonnen hin an zeréck lount sech fir vill Leit einfach net. Onflexibel Reglementatioune stinn esou de Betriber an de Salariéen am Wee, fir hir Aarbecht besser z‘organiséieren.

Eist Aarbechtsrecht muss séier moderniséiert ginn a jidderengem méi Fräiheet ginn. D’DP setzt sech genee dofir an a wëll méi e flexibele Kader. Dozou gehéiere generell Zäitspuerkonten an eng Joresaarbechtszäit. Dat bréngt de Beschäftegte méi eng grouss Autonomie an de Betriber eng besser Konkurrenzfäegkeet.

D’Fuerderunge vun der DP baséieren op den Interessië vun de schaffende Leit, déi selwer méi flexibel schaffe wëllen. Gläichzäiteg wäerte mir déi fundamental Rechter vun de Salariéen – wéi zum Beispill déi maximal Aarbechtszäit pro Dag a Woch – net ofschafen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...