Drinking water from the Moselle river?

Studies are currently being carried out to possibly prepare water from the Moselle for human consumption in the future. DP MPs André Bauler and Gusty Graas have asked when these studies will be completed and what the water quality of the Moselle is like.

Eis ass zu Ouere komm, datt de Moment Studien gemaach géifen ginn, fir Drénkwaasser aus der Musel opzebereeden.

An deem Kader wollte mir der Madamm Ministesch fir Ëmwelt, Klima an nohalteg Entwécklung folgend Froe stellen:

  • Ëm wat fir eng Studien handelt et sech? Wéini wäerten déi spéitstens ofgeschloss sinn?
  • Wat fir Risike kéinte vum Atomkraaftwierk Cattenom am Kontext vun der Drénkwaassergewënnung aus der Musel ausgoen?
  • Wéi huet sech d’Waasserqualitéit vun der Musel an de leschte Joer entwéckelt? Mussen an deem Zesummenhang nach weider Moossnamen ergraff ginn?

Answer

  1. Ëm wat fir eng Studien handelt et sech? Wéini wäerten déi spéitstens ofgeschloss sinn?

De Moment lafen Etüde fir d’Machbarkeet vun enger Potabilisatioun vu Waasser aus der Musel ze préiwen. Et handelt sech virun allem ëm d’Beräicher vun der Opbereedungstechnik an dem Verdeelungsreseau an dës wäerten Enn 2022 ofgeschloss sinn. Eréischt nom Ofschloss vun deenen Etüden kann eng Conclusioun gezu ginn wéi d‘Muselwaasser fir Drénkwaasserzwecker ka benotzt ginn.

  1. Wat fir Risike kéinte vum Atomkraaftwierk Cattenom am Kontext vun der Drénkwaassergewënnung aus der Musel ausgoen?

Am Fall vun engem schwéieren nuklearen Accident zu Cattenom, deen och aner déifgräifend Konsequenzen op eist Land hätt, besteet de Risiko vun engem Relarguage vun Tritium an d’Musel. Fir dësen Impakt op d’Drénkwaasserversuergung ze verhënneren falls d’Muselwaasser géif benotzt ginn, misst ee Fréierkennungssystem installéiert ginn fir ze verhënneren datt Tritium an den Drénkwaassersystem kënnt. Esou ee Fréierkennungssystem enthält notamment Miessstatiounen a Pufferweieren. Och am Fall vun engem temporären Ausfall vun der Drénkwaasserversuergung vun der Musel kéint d’Versuergung vum Land garantéiert ginn, dëst duerch d‘Kapazitéite vun der SEBES-Anlag zu Eschduerf an duerch d’Bedreiwe vun Déiftebuerungen vun der “solution de secours”.

  1. Wéi huet sech d’Waasserqualitéit vun der Musel an de leschte Joer entwéckelt? Mussen an deem Zesummenhang nach weider Moossnamen ergraff ginn?

Dat ökologescht Potential vun der Musel ass laut de Bewäertungskrittäre vun der Waasserdirektiv (2000/60/CE) als onbefriddegend agestuuft. Déi physikalesch-chemesch Parameter déi nieft anere Parameter an déi Bewäertung agefloss sinn, an op der Miessstatioun zu Waasserbëlleg beprouft goufen, goufen dobäi als mässeg agestuuft. De chemeschen Zoustand vun der Musel gouf als schlecht agestuuft. Insgesamt gekuckt ass d’Situatioun an deene leschte Joere stabel bliwwen.

Mat modernen Traitements-Anlagen sollt dëst ewer kee gréissere Problem fir d’Drénkwaasserproduktioun duerstellen. Déi lafend Etüden wäerte weisen wéi dësen Traitement muss ausgesinn fir eng gutt Drénkwaasserqualitéit kënnen ze garantéieren. Weiderhi sinn och eng ganz Rei Moossnamen am Waasserbewirtschaftungsplang fir d’Period 2021-2027 festgehale fir d’Qualitéit vun der Musel allgemeng ze verbesseren.

Would you like this parliamentary question to be translated into English?

Share:

Facebook
Twitter
LinkedIn
Email
WhatsApp

More parliamentary questions

Would an awareness campaign against allergies be useful?

More and more people are developing allergies to food, pollen or mites. DP MP Carole Hartmann asked the responsible minister how the number of allergy sufferers has developed over the last ten years, whether an awareness campaign should be launched and when the announced pollen app will be available for those affected.

read more...

Modernising occupational medicine

There is a shortage of occupational physicians in our country. The coalition programme therefore provides for the modernisation of occupational medicine. DP MPs André Bauler and Carole Hartmann asked the Minister of Health how many occupational physicians are currently working in our country, what the age structure of the profession looks like and what the modernisation of occupational medicine could look like?

read more...