Claude Meisch

D’Schoul an Zäite vum Covid-19

Wärend verschidde Länner an der Pandemie massiv op den Homeschooling gesat hunn, huet Lëtzebuerg méi eng equilibréiert Approche applizéiert. D‘Aféierung vun A/B-Wochen – een hybride Modell tëschent Homeschooling a Präsenzunterrecht – huet sech schliisslech als déi beschten Alternativ erwisen.

Ënnert dem Slogan Maximal Chance fir d‘Bildung, minimal Chance fir de Virus huet sech den Educatiounsminister Claude Meisch fir eng Rentrée 2020/2021 agesat, déi engersäits de Schutz vun der Gesondheet vun Enseignanten a Schüler priméiert, an anerersäits de Suivi vun enger fairer an héichwäerteger Bildung garantéiert. Ee schwierege Balance-Akt!

Fir d’Verbreedung vum Virus an de Schoulen ze limitéieren, huet de Bildungsministère en 3-Stufeplang ausgeschafft, mat deem d’Hygiènes- an d’Distanzmesuren, ma och d’Isolatioun an d’Quarantäne kënne jee nodeem ugepasst ginn. Och d’Corona-Teststrategie, mat de mobillen Testequippen an de Schnelltester, spillt eng Schlësselroll fir d‘Kontinuatioun vum Unterrecht. Dobäi kënnt de Schutz duerch FFP2-Masken an CO2-Miesser, déi de Ministère un d’Enseignante verdeelt huet.

D’Chancëgläichheet ass eng weider Prioritéit an der Kris. Fir de Bildungsminister dierf de Gruef vun de sozialen Inegalitéiten duerch d‘Pandemie op kee Fall méi grouss ginn. Dofir sinn eng Rei Initiativen, ewéi d’Summerschool an d’Plattform schouldoheem.lu, op d’Bee gestallt ginn. Si erlaben et, fir d’Kanner am Homeschooling a wärend de Vakanzen ze begleeden.

D’Wuelbefanne vun de Kanner a vun de Jugendleche läit dem Minister besonnesch um Häerz. Dofir huet de Claude Meisch d’Reprise vum Schoulsport a vun den activités périscolaires – ënnert den néidege Schutzmesuren – nees esou séier wéi méiglech erlaabt. Schliisslech sollen – nieft dem edukative Volet – virun allem déi sportlech, sozial a kulturell Interessie vun de Jonken erëm am Virdergrond stoen.

Deelen:

Facebook
Twitter
LinkedIn
Email
WhatsApp

Weider News

André Bauler

Talent attraction zu Lëtzebuerg

A senger Tribune Libre um Radio huet eisen Deputéierten André Bauler dës Woch doriwwer geschwat, wéi wichteg et fir Lëtzebuerg ass, fir weider attraktiv fir héichqualifizéiert an innovativ Talenter och aus dem Ausland ze bleiwen; besonnesch am Finanzsekteur.

weiderliesen...
Gusty Graas

E raisonnabelen Accord salarial an der Fonction publique

A senger Tribune Libre um Radio huet de Gusty Graas dës Woch iwwert de leschten Accord salarial an der Fonction publique geschwat. Fir eisen Deputéierten ass dat e raisonnabelen Accord, dee weist, datt de Ressortminister Marc Hansen an d’CGFP e konstruktiven Dialog gefouert hunn, deen och an Zukunft fir soziale Fridden am ëffentlechen Déngscht suergt.

weiderliesen...