Gusty Graas

Gusty Graas: D’Benelux-Parlament ass e wichtegt Instrument an der EU

E Wichtege Laboratoire an der EU

De Gusty Graas ass zanter 2 Joer President vum Benelux-Parlament, eng Institutioun, déi 1955 iwwert eng Konventioun geschafe ginn ass. D’Rotatioun an der Presidence gesäit vir, datt den DP-Deputéierte säi Mandat am Dezember ofgëtt an da Vizepresident gëtt. 

De Member vun der aussepolitescher an europäescher Chamber-Kommissioun an abléckleche Vize-President vun der Parlamentarescher Assemblée vum Europarot („Ech hu mech nach ëmmer fir international Politik interesséiert.“) ass elo 7 Joer laang am Benelux-Parlament, deem seng Aufgab doranner besteet, fir de Regierungen zu Den Haag, Bréissel a Lëtzebuerg Avisen a Recommandatiounen auszeschaffen, déi déi gemeinsam Interessie vun de Partner-Länner betreffen.

Dräi Staaten, déi historesch enk matenaner verknäppt sinn. Als Beispill nennt de Gusty Graas den neie Militär-Fliger, deen an der Belsch stationéiert ass: „Mir stëmmen awer och reegelméisseg Gesetzer, an deenen d’Benelux Accorde mat anere Länner ausgehandelt huet“. D’Benelux-Parlament huet zwar just eng consultativ Roll ze spillen, ma et kann de Regierungen an de nationale Parlamenter wichteg Impulser ginn. All Joer sinn dräi Séances plénières.

Dëst Joer huet natierlech de Covid 19 dominéiert: „Ech hätt mer eng besser Koordinatioun, e besseren Echange tëschent Lëtzebuerg, Holland an der Belsch virstelle kënnen – zemol am Ufank vun der Pandemie“, ass sech de Gusty Graas bewosst: „Mir haten och Reuniounen, fir déi Zesummenaarbecht während der Pandemie ze verbesseren a mir si schrëftlech bei den dräi Premieren intervenéiert“. Fir de Gusty Graas ass d’Benelux-Parlament eng Zort Laboratoire bannent der EU. Esou gëtt am Parlament z.B. och iwwert d’Unerkennung vun Diplomer diskutéiert oder iwwert de grenziwwerschreidenden Echange.

Wichteg sinn och déi international Kontakter mat den däitsche Bundeslänner vu Nordrhein-Westfalen a Rheinland-Pfalz, mat der Groussregioun vu Lille. Weider Kontakter ginn et mat änlechen Organisatiounen, wéi dem Nordesche Rot, der Baltescher Versammlung oder de Visegrad-Staaten. „Mir sinn e Virbild, fir vill vun deene Gruppementer. Si wëllen dohinner, wou mir mam Benelux-Parlament scho sinn“, erkläert de Gusty Graas.

Dem Gusty Graas seng Presidence stoung am Zeeche vu 4 Kärthemen: Klimaschutz, Mobilitéit, Brexit a Biolandwirtschaft. Iwwert dat leschten Thema war och e Symposium zu Beetebuerg.

Fir de Gusty Graas ass a bleift d’Benelux-Parlament e wichtegt Instrument: „Europa kann nëmme fonctionéieren, wann och tëschent verschiddene Länner esou Strukture bestinn – ëmmer agebett an der Linn vun der EU. Et gëtt genuch Ursaachen, fir d’Aarbecht vun dëser Institutioun bäizebehalen an esouguer ze verstäerken“.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Lydie Polfer

Ëffentlech Sécherheet an der Stad

„Déi éischt Missioun vum Staat a vun de Gemengen ass et, de Bierger hier Sécherheet ze garantéieren. Do hapert et gewalteg, op der Gare an och zu Bouneweg, an dat ass keen neie Phenomen“, esou de Constat vun der Stater Deputée-Maire Lydie Polfer an der Chamber, am Kader vun enger Aktualitéitsstonn iwwert d’ëffentlech Sécherheet.

weiderliesen...
André Bauler

D’Lëtzebuerger Kreativwirtschaft weider fërderen

2015 hat d‘Lëtzebuerger Kreativwirtschaft e Méiwäert vu ronn 400 Milliounen Euro opweises an huet méi wéi 7.000 Leit beschäftegt. An enger erweiderter Fro wollt den DP-Deputéierten André Bauler vum Mëttelstandsminister wëssen, wéi sech de Secteur zanterhier entwéckelt huet a wat d‘Perspektive fir d’Zukunft sinn.

weiderliesen...