Question
„Ech gouf drop opmierksam gemaach, datt de Moment an der Klinik zu Ettelbréck wesentlech manner “Herzschrittmacher“ gesat géife ginn. Wéi déi al Equipe vun Häerzdokteren am CHdN aktiv war, goufen awer nach reegelméisseg där “Schrittmacher” gesat. Lo mussen d’Patienten aus dem Norden dacks an d’Stad oder op Esch an d’Klinik, wa se sou eng Operatioun gemaach kréien, well d’Waardezäit zu Ettelbréck spierbar eropgaangen ass.
Virun deem Hannergrond wollt ech d’Madamm Gesondheetsministesch Follgendes froen:
– Ass d‘Madamm Minister informéiert iwwer d‘Aktivitéite vum neien Team vun Häerzdokteren am CHdN? Wa jo, wat ass hiert geneet Aarbechtsfeld?
– Stëmmt et, datt spierbar manner “Schrittmacher” zu Ettelbréck gesat ginn? Wa jo, firwat ass dat esou?
– Gëtt nees envisagéiert fir mëttelfristeg méi där Interventiounen zu Ettelbréck duerchzeféieren?“
