Gusty Graas

Méi politeschen Asaz fir d’Gesondheetspersonal

Eis Gesondheet an eise Gesondheetssystem sinn zënter dem Ufank vun der Pandemie nees an de Virdergrond vum Interessi geréckelt: zemol d’Gesondheetsberuffer. Aus deem Grond gouf an der Chamber an enger Interpellatioun iwwer dee Sujet diskutéiert.

D’DP begréisst, datt d’Regierung d’Revaloriséierung vun de Gesondheets- a Fleegeberuffer ugeet, sou de Gusty Graas a senger Interventioun. Am Gesondheetsministère gouf dofir d’Positioun vum Chief Nursing Officer geschaf, déi den direkten Uspriechpartner fir d’Gesondheets- an d’Fleegepersonal am Ministère ass an hiren Doleancen esou méi politescht Gewiicht gëtt.

An Zukunft musse méi Efforte gemaach ginn, fir d’Attraktivitéit vun den ënnerschiddleche Beruffer ze verbesseren an no baussen ze vermëttelen. Esou sollen erëm méi Jonker fir de Secteur begeeschtert ginn.

Den Ament hu vill Infirmieren an Aide-soignanten ze vill administrativ Aufgaben. Zäit, déi hinne fir de Patient feelt. Dat muss änneren, well de Patient an de Mëttelpunkt vum System gehéiert.

An Zukunft wäert eist Land mat engem Personalmangel am Gesondheetssecteur konfrontéiert ginn. Aktuell kënne mir dëse Mangel just ausgläichen, well mir op auslännescht Personal zeréckgräifen, wat eist Land extrem ofhängeg vum Ausland mécht. Iwwer 62% vun de Leit aus de Professions de santé réglementées kommen nämlech net aus Lëtzebuerg.

Schonn haut ass z.B. an de Fleegehaiser net genuch Personal do an och fir d’Ëmsetzung vum Plan gérontologique a vum Plan de soins palliatifs ass méi Fachpersonal néideg. Am Dialog mat de Beruffsorganisatioune schafft d’Regierung dowéinst Mesure géint déi Penurie aus.

Dozou gehéiert de Bachelor fir d’Infirmieren, dee Lëtzebuerg bis elo als eenzegt Land an der EU net ubitt. De Bachelor géif dëse Beruff opwäerten an esou och nees méi Jonker motivéieren. Doduercher kéinten den Infirmieren aner Kompetenzen iwwerdroe ginn, wat d‘Dokteren entlaaschte kéint.

Och d‘Aide-soignante musse méi Perspektive kréien, z.B. fir e Changement de carrière zum Infirmier.

D’Gesondheetsberuffer si fir eis Gesellschaft absolut systemrelevant. Dofir muss d’Politik sech elo fir d‘Gesondheetspersonal asetzen.

Deelen:

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp

Weider News

Startschoss fir de Klimabiergerrrot : Zesumme fir e bessere Klimaschutz

Fir d’Leit méi staark an d’Diskussioune ronderëm d’Klimapolitik anzebannen, hat de Premier Xavier Bettel am Oktober d’Schafe vun engem Klimabiergerrot annoncéiert – viru kuerzem huet hien déi genee Detailer dozou presentéiert. A senger Tribune libre geet de Generalsekretär vun der DP, de Claude Lamberty op dësen zu Lëtzebuerg eenzegaartege Projet an, an ënnersträicht d’Wichtegkeet vun enger ambitiéiser Klimapolitik, déi och vun de Bierger gedroe gëtt.

weiderliesen...
Pierre Gramegna

Communiqué de presse

Le Parti démocratique informe que Pierre Gramegna, ministre des Finances et du Budget, a annoncé sa volonté de démissionner de ses fonctions ministérielles pour des raisons personnelles.

weiderliesen...