Gilles Baum

Prost op eise gudde Lëtzebuerger Wäin a Cremant

Kierzlech huet de Gilles Baum eng Interpellatioun zum Lëtzebuerger Wäibau ugefrot. An den Ae vum Ost-Deputéierten ass de Wäibau net nëmmen e wichtege Wirtschaftsfacteur fir eist Land, ma den traditionelle Savoir-Faire ass och en Deel vum nationale Patrimoine. Dofir ass et der DP och wichteg, datt d’Chamber sech reegelméisseg mat deem Sujet befaasst.

An deem Sënn wënscht de Gilles Baum sech, datt d’Intressevertrieder vum Lëtzebuerger Wäibau (Privatwënzer, Vinsmoselle an de Wäinhandel) méi dacks an déi zoustänneg Kommissioun kommen, fir d’Deputéiert iwwert d’Entwécklung vum Wäibau z’informéieren.

Den DP-Fraktiounschef ass a senger Interpellatioun op verschidde Schwéierpunkten agaangen, déi essentiell fir d’Zukunft vum Wäibau sinn: Den Afloss vum Klimawandel a vun der Corona-Pandemie, d’Evaluatioun vun der Vermaartung vun de Lëtzebuerger Wäiner, de Bio-Wäibau an déi politesch Ënnerstëtzung vum Wäibau.

De Gilles Baum huet an deem Kontext verschidde Fuerderungen un de Wäibauminister gestallt: déi administrativ Hürden ofbauen; eng Harmoniséierung vun der Zouloossung vu Planzeschutzmëttel; e gerechte Pensiounsregimm; e klore legale Kader fir Wäistuffen; méi einfach Prozedure fir saisonal Beschäftegt unzemellen an d’Méiglechkeet fir an de Gréngzonen esou ze bauen, datt de Wënzer verstänneg schaffe kann.

De Gilles Baum huet och gefuerdert, datt am neien Agrargesetz eng adequat Hektar-Primm fir d’Wënzerbetriber, an ugepasste Subventioune fir d’Trakteren an d’Aussiidlerhäff agebaut ginn.

D’DP ënnerstëtzt déi Punkten, fir datt eis Wënzer och an Zukunft kënnen héichwäerteg Wäiner a Cremante produzéieren.

Dir wëllt wëssen, wat eng Interpellatioun ass? Da kuckt hei:

YouTube

By loading the video, you agree to YouTube's privacy policy.
Learn more

Load video

Deelen:

Facebook
Twitter
LinkedIn
Email
WhatsApp

Weider News

Gratis Maison Relais a Museksunterrecht

D’Crèchen, d’Maisons relaisen, d’Foyers scolaires an d’Dageseltere spillen eng wichteg Roll an der Ëmsetzung vun der Bildungspolitik vum Ressortminister Claude Meisch, fir all Kand déi nämmlecht Start- a Bildungschancen am Liewen ze ginn.

weiderliesen...