Un pont suspendu au-dessus du lac barrage?

Le projet d'un pont suspendu au-dessus du lac barrage serait une autre belle attraction touristique pour le nord. André Bauler, député du DP, a demandé à la ministre de l'Environnement ce qu'elle pensait du projet et où il en était.

Schonn zanter Joren ass de Bau vun enger sougenannter Hängebréck iwwer de Stauséi an der Héicht vum Burfelt am Gespréich. Dës Bréck géif sécherlech dozou bäidroe fir d’Géigend ronderëm de Stau aus touristescher Siicht ze valoriséieren, well se ënner anerem erlabe géif, d’Spadséierweeër nei ze organiséieren. Donieft wier déi Breck och u sech schonn eng weider Attraktioun fir d‘Regioun.

Op kommunalem Niveau goufen dann och scho Pläng skzizzéiert an een Argumentatiounsdossier zesummegestallt. No mengen Informatiounen ass den Tourismusministère dësem Projet prinzipiell gutt gesënnt.

An deem Kader wollt ech der Madamm Ministesch fir Ëmwelt, Klima an nohalteg Entwécklung an dem Här Minister fir Mobilitéit an ëffentlech Aarbechte folgend Froe stellen:

  • Ass den Ëmweltministère scho mat dësem méigleche Projet befaasst ginn? Wa jo, wéi bewäert de Ministère dëse Projet?
  • Huet den Här Minister d’Méiglechkeet fir dëse Projet, deen och ënner bestëmmte Bedéngungen an den Déngscht vun der duusser Mobilitéit gestallt kéint ginn, ze subventionnéieren – och wann en net direkt un den nationale Vëlosréseau ugeschloss ka ginn?
  • Gouf et do schonn am Virfeld Kontakter mam Naturpark, de Gemengen an dem Tourismusministère? Wa jo, wat ass d’Resultat dovunner?

Réponse

Ass den Ëmweltministère scho mat dësem méigleche Projet befaasst ginn? Wa jo, wéi bewäert de Ministère dëse Projet?

Et gouf eng éischt Entrevue tëscht dem Buergermeeschter vun der Gemeng Bauschelt an de lokalen a regionale Vertrieder vun der Naturverwaltung (ANF) ufanks 2021, an där sech een éischten Iwwerbléck verschaaft gouf, wat d’Geneemegungsprozeduren ugeet.

Am Hierscht 2021 war dunn eng Entrevue mat de Gemengeresponsabelen, der deemoleger Madamm Ministesch Carole Dieschbourg an de Beamte vun der ANF, Vertrieder vun der Waasserverwaltung a Conseilleren aus dem Ministère. An der Reunioun huet d’Madamm Ministesch der Gemeng gesot, si kéinten um Projet weiderschaffen a sech mat de regionale Beamten um Terrain austauschen, woubäi de Projet einfach gehale sollt ginn a sech diskret an d’Landschaft sollt upassen. Déi néideg Etüden missten natierlech den Impakt op d’Natur bewäerten.

Huet den Här Minister d’Méiglechkeet fir dëse Projet, deen och ënner bestëmmte Bedéngungen an den Déngscht vun der duusser Mobilitéit gestallt kéint ginn, ze subventionnéieren – och wann en net direkt un den nationale Vëlosréseau ugeschloss ka ginn?

Fir kënnen ee Subsid fir de Bau vun engem Vëlositinéraire beim Ministère fir Mobilitéit an ëffentlech Aarbechten ze kréien musse gewësse Konditiounen erfëllt sinn. Den Artikel 7 vum modifizéierte Gesetz vum 28. Abrëll 2015 iwwert den nationale Vëlosreseau leet hei de Kader fest a wéienge Fäll d’Gemengen ee Subsid an Usproch kënnen huelen.

Deen vun de Gemenge proposéierten Itinéraire muss gewëssen technesche Konditiounen entspriechen, déi am Artikel 3 vum genannte modifizéierte Gesetz festgeluecht sinn. Den Itinéraire muss ee Raccord/eng Ubannung un den nationale Vëlosreseau virgesinn (dat heecht de Vëlositinéraire soll eng Agglomeratioun oder een Deel vun enger Agglomeratioun un den nationale Vëlosreseau ubannen). D’Koherenz vum nationale Vëlosreseau muss duerch dësen Itinéraire gestäerkt ginn.

D’Uschlëss, déi d’Gemenge kreéiere fir den nationale Vëlosreseau un een auslännesche Vëlosreseau unzebannen, kënnen och ee Subsid kréien. Dëst gëllt fir deen Deel vum Itinéraire, deen um lëtzebuergeschen Territoire läit.

Am Sënn vum modifizéierte Gesetz vum 28. Abrëll 2015 erfëllt déi vum honorabelen Deputéierten thematiséiert Hängebréck iwwer de Stauséi an der Héicht vum Buerfelt déi hei opgezielte Konditioune fir eng staatlech Subventioun säitens dem Ministère fir Mobilitéit an ëffentlech Aarbechten net.

Gouf et do schonn am Virfeld Kontakter mam Naturpark, de Gemengen an dem Tourismusministère? Wa jo, wat ass d’Resultat dovunner?

De 27. Januar 2022 gouf et eng Entrevue tëschent dem Schäfferot vun der Gemeng Bauschelt, Vertrieder vum Naturpark Uewersauer an der Generaldirektioun fir Tourismus. An dësem Kader gouf den Avant-Projet vun der Passerelle virgestallt. Et gouf sech dorop gëeenegt, datt d’Generaldirektioun fir Tourismus an enger éischter Phas am Kader vum 10. “Plan quinquennal” eng preliminär Etüd vun der Gemeng Bauschelt ko-finanzéiert.

Souhaitez-vous une traduction en français de cette question parlementaire ?

Partager :

Facebook
Twitter
LinkedIn
Email
WhatsApp

Plus de questions parlementaires

De nouveaux locaux pour la maison médicale d’Ettelbruck ?

Le député du DP André Bauler a appris que la maison médicale d’Ettelbruck allait bénéficier de nouveaux locaux. Le député libéral s’est renseigné auprès de la Ministre de la Santé sur les détails de ces nouveaux locaux et a voulu savoir si les médecins disposent actuellement de l’équipement nécessaire pour assurer toutes leurs tâches, y compris administratives.

lire plus...

Les contrats de travail des étudiants doivent-ils être réformés ?

Les étudiants peuvent travailler au maximum 346 heures par an jusqu’à l’âge de 27 ans. Cependant, certains étudiants souhaiteraient travailler davantage pour gagner leur vie. Les députées du DP Corinne Cahen et Barbara Agostino ont demandé au Ministre du Travail combien d’étudiants ont travaillé en 2024, et si le Ministre serait prêt à autoriser les étudiants à travailler plus d’heures par an et à relever la limite d’âge, actuellement fixée à 27 ans.

lire plus...

Nouveau directeur général de HUT

Le précédent directeur général de la police devient le nouveau directeur général de Hëllef um Terrain. Les députées du DP Corinne Cahen et Carole Hartmann ont demandé aux ministres concernés s’ils ont été consultés au préalable dans ce cas, combien de fonctionnaires passent dans le secteur privé après leur carrière au sein de l’État et s’il existe des règles particulières pour les activités annexes des fonctionnaires à la retraite.

lire plus...

Réutiliser la chaleur des centres de données pour chauffer ?

Avec le développement de l’IA, la demande en capacité de calcul ne cesse d’augmenter. Dans plusieurs régions de l’UE, la chaleur générée par les centres de données est déjà utilisée pour chauffer des bâtiments publics ou privés.

Les députés libéraux Corinne Cahen et Luc Emering ont interrogé les ministres concernés pour savoir s’il existe au Luxembourg des projets ou des plans similaires afin de réutiliser durablement la chaleur des centres de données existants, notamment celle des supercalculateurs Meluxina.

lire plus...